|
وش سالفة ذاك المساء ما قلت لك يا صاحبي وش سالفة ذاك المساء يومك تحسبنّي هنـا وآنـا هنـاك بوحدتـي : يوم أرتمي بقاع الوجع واسير في درب الشقاء يوم آتضايق وأنتخـي ياعزوتـي ياعزوتـي : يوم أنكسر وش فادني مافادني كثـر العطـاء يوم أجني الطيبه غدر كان الوفا هـو بذرتـي : يا قلّهم وقت الشقا وياكثرهم وقـت الرخـاء كب الهقاوي وش بها ياكود خيبـة هقوتـي : حتى الهوا فـي جوّهـم والله ماكنّـه هـواء أتنفّسه ثـم أختنـق وأفتـك منـه بزفرتـي : أصيح للغيمه ضما واشوفها توحـي النـداء من بعدها تمطر تعب لا واحسافـة صيحتـي : أيقنت بأن البحر يعكس للبشر وجه السمـاء مير البلا وجه البشر مايعكـس ألاّ حسرتـي : ليه الزمن بـدّل مفاهيـم التآخـي إفتـراء؟ شرهت لكن يازمـن لا مـا تهـزّك شرهتـي : صدّقت سن لي ضحك من طيبتـي ياللغبـاء وأقفيت في ظهري سهم والذنب كانت طيبتـي : مدّيت كفّـي لـه وفـا ولاهقيـت الإعتـداء ياخيبتي من طيبتي مـن طيبتـي ياخيبتـي : ولا لا تغرّك ضحكتي ياصاحبي هات الـدواء هات الدوا ياصاحبـي لا لا تغـرّك ضحكتـي : الوقت متعب والبشر زادوا التعب مليـون داء لذا نويـت أرحـل بعيـد وأستقـر بغربتـي : لاضقت سلّيت القلم وندهت باقـي الأوفيـاء يادلّتي , وياسبحتي , ويادمعتي , وياشمعتي : هذا قلمي وذا دفتري ياهاجس إكتب ماتشـاء بس إنتبـه ياهاجسـي لالا تشـوّه سمعتـي : منهو نشد عن وجهتي شاعر ومبداي النقـاء أغرف من الشعر أعذبه ثم أستمـر بوجهتـي : أعتب وكل ظنونهم أخلـق مداخـل للهجـاء وأحيان ألمّح عن هدف ويفسرونـه عشقتـي : يادنيتي ويني ووين الحـب ماحنّـا أصدقـاء للحين ماعينـي رأت منهـي تنـوّر عتمتـي : ماقلت لك يا صاحبي تعبت فـي ذاك المسـاء يوم أجني الطيبه غدر كان الوفا هـو بذرتـي |
رد: وش سالفة ذاك المساء صح لسان شاعرهاا وسلمت انامالك على هانقل و الطرح المميز ورائع كعادتك وآصلي بهذآ آلعـطآء آلمتنآهي موفـقة بأذن لله بإنتظـآر كـل جـديدك |
رد: وش سالفة ذاك المساء
|
رد: وش سالفة ذاك المساء سلمت الانامل التي خطت تلك الحروف قصيده اكثر من رائعه جميلاً هو احساسكِ الذي صورتيه لنا دمتِ بكل خير .. |
رد: وش سالفة ذاك المساء تعددت الكلمات هنا .. من جمال معانيها.. شكرا لهذه الحروف الثريه..، كانت رحلة من دفء المشاعر ..، تحية مغلفة بالياسمين ..، |
رد: وش سالفة ذاك المساء يسلم الايادي ع المرور الراقي وكل ابشكر لكم لتعطيركم متصفحي |
رد: وش سالفة ذاك المساء سطورك احساس وحروفك أنفاس أسرني نزفك وأطربني عزفك نبضات حروفك بعثرت مشاعري واصلو ابداعكم هناا ودي لكم ولا ينتهي |
رد: وش سالفة ذاك المساء يسلم الايادي ع مرورك الراقي ممتنه لهذا التواجد🌹 |
رد: وش سالفة ذاك المساء ابدعتي بالطرح عاشقة الدموع لكِ كل الود والورد... |
رد: وش سالفة ذاك المساء عاشقة الدموع كنت هنا مع حرفك الانيق استمتع بروعه كلماتك دوماً انتظر جديدك المتميز اكيد احلى وأجمل كل الود |
| الساعة الآن 01:09 PM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010