|
يا هاجسي دامك براس نايف ومدهال ذيب يا هاجسـي دامـك براس نايف ومدهال ذيب مــا يسـكـن الـرجـم الخـلـي الا .. عـديـم ودمــوي مطلوب من بعض العرب للموت في بطن الشعيب والموت قسـمه من نصـيـب الـلي ذراعــه يلـتـوي ما جيتـنـي عـابـر .. سبـيـل ولا تخيلـتـك غـريــب الا مــن عـظـام الظـهـر وعصـابـة الراس الـقـوي يــوم الله الـلـي مـيـزك عـن غـيـرك بطبع عجـيـب وصـاك مـا تسـري مـع الهبـوب والدرب الـضـوي مـن قـال لــك لا تــارد .. البـيـر الموالـي للحريـب الـــــرزق مـــــا هـــــو مــنـــة ذات والا مـن ذوي وش يمنـع الضامـي ليا منه وقـف فــوق الجلـيـب ما ياخذ .. بحبـل ودلـو .. ويسـوي سـوات بـدوي لا صـار .. كبـده مـوقـده واطرافـها تلـهـب لهـيـب امــــا يــبــل عـروقـهــا .. والا يــمـوت ويـنطـوي قال المـثـل اسـئـل مـجـرب قـبـل لاتـسـئـل طـبـيـب صـيـد امـس خـله للـثـعـل لا يـطـبـخ ولا يـنـشـوي ولا تلـتـفـت لـفـتة جـريح يـدور الــرزق الـقـريـب مــن لا ســرى مـع الغـيـوم السـاريـه ما يـرتــوي يالـلـي تهرول هـرولـه والـنـوم من عيـنك سلـيـب خـلـيــت درب المـسـهـلـه لــلــي بـجـلده مــنـزوي مـا كنـك الا .. يالخـوي مذهـب ورايح لـك ذهـيـب كل مـا طـرت لـك كايـده تاقـف علـى الظلع تعـوي وان لـدت عيونك عـلى راس الطويـله والصعـيـب رحـت تعـدي كـن الصعـب يعطـيـك دافــع معـنـوي مـا تسـمع الا همـهـمـه قـدامــك وخـلـفـك نـحـيـب والــلاش ثــوب المرجـله بالـسـوق والم وشـروي الــدرب يوميـلك ومــن شـرواك فـالـه مـا يـخـيـب ما فـــات مـات ليا متـى يا صاحبـي وانـت جلـوي وانــا خـويـك لا بغـيـت لـك مــن الـعـالم صـحـيـب اجيك من حيث انتهـى الرجــا .. وليا عـز الخـوي باسي شديد .. وليــا رقيت الظلـع وبراسـي قنيـب اماسـي رجوم الخطـر واعيـش عـمري فـوضـوي ما خفت من طعن الصدور الخوف من طعنة كليب لا جــات مــن يمـنـى صـديــق وكـيدهـن الانـثـوي وان كثرت جروحي وشفـت الشمس ألـت للمغيـب اضرب على الكايد عسى تبـرى الجروح وتنكـوي ما دمت اخيل الغيم داني والمـح الغصـن الرطيـب كـلـمـا تـهــزه ريـــح اشـرلــي عـلـى ما يـحـتـوي كنه يقــول ابشر .. على ما تشتهي جاك النصيـب خـذ مــا تيـسـر واسـتـرح والـزاد دونك مسـتـوي دام الجـروح الـمـؤمـنـه صـيــورها لازم تـطــيــب الصبـر .. مفتاح الـفـرج والمجـد للعـقـل الـسـوي بقلمي / عيسى العنزي |
رد: يا هاجسي دامك براس نايف ومدهال ذيب سلمت الأنامل المتألقه على روعة طرحها وانتقائها الجميل شكراً جزيلاً لك وربي يعطيك العافيه تحياتي لك |
رد: يا هاجسي دامك براس نايف ومدهال ذيب ما أعذبَ حرفك حينما تغـــــرِّدُ بكلمات الصفاء وما أبهاكَ عندما تعزفُ لحنَ المودة بكل النقاء لك مني خالص تقديري للطفك وفائق إحترامي لسموك الراقي أمنياتي لك بسعادة مكللة براحة البال لا يطالها الزوال |
| الساعة الآن 12:31 PM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010