|
ديوان و نبذه عن الشاعر سعد علوش نبذة عن القمر العاشر الشاعر المرعب سعد علوش ... القمر العشر ... ( المرعب ) ( سعد علوش ) شخصيتي من غرابتها وطيبتها *** كن الزمن في تحدي بينه وبيني هو سعد بن جابر بن علوش الهاجري ( المرعب ) صاحب المشاعر والاحاسيس الجميلة والصادقة الذي يعد من اهم شعراء جيله, والذي يتميز بشاعريته وبكتابة قصائده باختياره للكلمه وانتقاؤه لها وبقوة التعبير وصدق المشاعر خاصة فأن كل ما يدور في ذهنه ويكمنه قلبه تفيض به حنجرته وارى ان ذلك هو سبب نجاحه, فنجاحه في تميزه وابداعه، لذلك يصعب علينا مقارنة سعد بغيره فسعد هو ذاته سعد.ومهما قمنا بوصفه فلن نفي بحقه ولو اردنا قول..ابداع..ثقة..عاطفة ..صدق ..تجدد ..فكر ..تميز.. فكل ذلك سيذكرنا بسعد بن علوش, أعني بذلك انه شاعر متنوع ومتمكن وله مكانته في ساحة الشعر حتى ولو كان هناك من يحاول التقليل من مستواه او ( تهميشه ) على الساحة فبالرغم من ذلك ستبقى مكانته كما هي في نظر عشاقه ومحبيه. وإن كان سعد قد اخطأ بشيئا ما واصبح ممسكا عليه فقد أتذكر إنه قال : إن كنت أنا أخطي شي طبيعي لأن أنا ماني نبي محد عصمه الله من الاخطاء يكون الانبيا فعلا انا اخطي بس ضوي ماتشب إلا إحطبي اطمح و لولا الليل محد شاف فايدة الضيا وها هو يتعجب من حساده قائلا : كل ما اتعثر قلت في نفسي وانا أمس إشنبي : يا كم على الدنيا فقير ويحسدونه اثريا !! ورغم ما يوجه له اعداءه من شتم وسب .. يقول لنا : لأن عندي درايه بالزمن و معروف السوي اللي يسبه شخص ما هو سوي تدري ليه اتبسم لا شتموني ضعوف لأن شتم الضعوف يدلل اني قوي وان كانت هذه الزمرة مخلوقه للعداوات فسعد يقول : حنا خلقنا للرذيله .. فضيله نصلح اغلاط الزمن بابتسامات اما الشطر الوحيد الذي لم اقتنع به نهائيا :من اول تنبح كلاب او قافلة الاحمل تسير " و اليوم لا تنبح كلاب او لا تسير القافله " لأنه يسير و ..! وهنا يذكر من اساء اليه : جيت للدنيا كبير و ابا افارقها كبير ولا بناشد من مدحني ولا من ذمني عموما .. لا مجال لمن يسميهم ب ( البقحين )بمصارحته : قسم بالله لو ما لي مع اهل الطيبة مبدا لا انزل نفسي لبقحين خلق الله واصارحها وان كان ما يحصل له ابتلاء : لكن مع الله كل بلوى بخيره انا ذكاي من التجارب رصيدي "ويش اسوي والحظوظ السود تامر ..تنهي "حتى حظه الأسود غائبا عنه : اخذيني الشاعر اللي ماصدق حظه لاقلت: ياحظ وينك ؟ قال: يا ويني ؟ فعلا هو شاعر مبدع .. : لالا .. أنا مخلوق مبدع ما يحب وما يبي إلا يقول : الاذكيا سبة رسوب الاغبيا ومما قال بالفصحى : هل علمت عن جنوني يا انف اني لمجنون النشاز المجيدي لبيك يا سلكا حملت الفضائل أوعز لصاحبك بتحرير قيدي ويكتشف من اسباب تولد الحرارة سبب غفل عنه العلماء : شبيت في قلبي وانا بطبع البرود مطبعه وكذاب من قال الحرارة من نتاج الاحتكاك هذا انت في لوس انجلوس متقبع لك بقبعة وانا على عرق وخفوقي يابعد عمري معاك ومن حكمه : من الذكاء انك تسوي نفسك أحيانا غبي بس الغباء إنك تذيكالك على ناس أذكيا يرى انه لايوجد داعي للتفاخر بكثرة الاصدقاء : ماهو فخر في سنة تعرف لك مية صديق الفخر ؟ تتعرف بصديق .. لمية سنة نوعا ما هو مرهق والسبب : تعبت لأني من اهل الطولات صعبين المراس اللي يحبون الوفا ولا يحبون الغدر سعد والأغبيا : انا افكر كيف ازيل المنحدر من الاساس والاغبيا لاهين في لذة صعود المنحدر !! ويصف الدنيا .. : إيه .. والدنيا مساكن ورحلة واغتراب والغلا بالوقت هذا مميز بالعيوب مقتطفات غزلية : لا ارى لا اسمع لا اتكلم : اغليه .. يعني اعشقه .. اعشقه .. يعني اموت فيه يعني انا ميت مع عشقه ومرتبة الشرف امشي معه من غير لا أين .. ولا كيف وليه من حيث ما يجرفني .. اغمض عيوني و انجرف إن قال: لا .أقول:لا ..إن قال:إيه ..أقول :إيه ماعرف ماسمع ما أرى .. ما أرى ماسمع ماعرف يتنافس هو وابنه : لو كرات الدم ترث غلا ولا اشتياق كان ابتنافس على حبك انا و ولدي لا فض فوه : لا بث رقمه شاشة الجوال .. أتوه و اقول : يا ربي تبارك ساعته جوالي ليامنه دق وقال: الوه تذوب اذانيي على سماعته لبيه يا كلماته .. ولا فض فوه أموت في ضحكته و استمتاعته من كثر ما احبه .. احب امه وابوه بالمختصر .. احبهم جماعته احبه كثر .. : احبه كثر ما شفت الخيانة في عيون اصحاب واحبه كثر ما عقول الدواهي تحسب حسابي واحبه كثر ما قفى عن عيوني بدون اسباب و كثر ما املى له اكواب الغلا و ينثر اكوابي لحظة البكاء : فإن غبت يانفر العقل واشتياقه ماني براغب بعد خوتك خوه ببكي على زول عشقته عشاقه وترى البكا للاقويا .. زود قوة فإن شفت ابن علوش يبكي فراقه ترى محادير الجبل من علوه دمتم بخير م/ن |
رد: ديوان و نبذه عن الشاعر سعد علوش ابنك البار ياقلبي اللي ثعا فيك ابنك البـار ماخربك بس ماعادك بصالـح يزل وتألف لزلاته اعـذار وتقدره قدر عبدالله و فالـح أنا أشهد إنك كبير فعالم صغـار وانا أشهد إنك عن التقصير جالـح وانأ أشهد انه غبي وضعيف و(تكرمون) من قاس قدر المشايخ بالمشالـح لو ما الوجيه لنوايا الناس معيـار ماشفت وجه(ن) يشع و وجه كالـح ياقلب هذا عصر جاحد و غـدار مافيه حب الفديع و طيب شالـح قنّن محبتك والبوّار بـوّار لو كان تعطيه شهد ؟ يقـول مالـح مادمت على شفا حفره من النـار درء المفاسد ولا جلب المصالح |
رد: ديوان و نبذه عن الشاعر سعد علوش قصيدة التوبة قيل عن سعد بن علوش زمن من الأزمان أنه اعتزل عن الكتابة والشعر ، وذلك بعد أن كتب قصيدته التي حوت كثيراً من المعاني التي تدعو للتوبة ، واحدثت هذه القصيدة ضجة كبيرة في ساحة القصيدة الخليجية وبعد هذه القيد قال ابن علوش بأن التوبة التي وردت في قصيدته ليست إلا كلمات في قصيدة من قصائده لا أكثر ولا أقل. و القصيدة هي (الإختناق) يقول الغلا بعضه تنفس وبعضه اختنـــــــــــاق والتنفس شرق وأنا تغرّبت وحـــــــــــدي يا إله الكون رب السموات الطبــــــــــــاق يالوحيـــــد اللي بيدّيك ضعفي وجهـــــــدي يالله انقذني من النار واللحد الضيــــــــاق واغفر ذنوبي وفرّشني الورد النــــــــــدي واقسم لفمي من أرزاق جنـــــــــاتك مذاق كاني حزت الرضا منك أببشـــــــر بسعدي جزت عن دنياً بها اعداي كانوا لي رفاق وتبت عن حلمٍ حدوده مســـــــــاحة مرقدي و متّ من فعل الجمايل براعين النفـــــــاق وعن حد نفسي لها لـــــــــو ما نيب محدي العمر محسوب والجرح لا من فــــاق فاق ما تغمّض به دكاتـــــــــــــر وقرية مهتدي أبشع أشيـــــــــاء الحياة الظليمة والفراق والغباء والمعصية والبنــــــــــا عم الردي وأنت ياللي صغت حلم التواصل بالسبــــاق قلت لي هيّــــــــــا وأنا جيت بالحــلم اعدي اعدي وانا مسوي خطأ فالإنطـــــــــــــلاق مبتدي من قبل لا سباق حلمـــــــــــك يبتدي انفجر صدري وعدوي معــــــك ما عاد لاق وجيت مستسلم ولأنوار حلمـــــــــك مقتدي لين حلمك حطني بين قوسين احتــــــــراق تحترق منا يدي وتحتـــــــــــــرق منا يدي والله إن اكبر عيوب الرجل الإنــــــــزلاق خصّ لا من صار دربك وحيش وسرمدي أتعثر بس ما اسمع حكي شذاب ســــــاق كلمتي هي كلمتي ووعدي هــــــو وعدي يا زكي خلقه ما هيب إلك شهقات الغراق الاجودي ما هو يسوي كذا فالاجــــــودي لا تحسب إني بجنّب عن اللي ما يطــــاق والله إن صبري على خونة أيامي مدي كل ما الأيام تصفقني فـ بعدك طــــــراق كل ما استذكي على الحزن وأصحى واهتدي لأني أخطيت فـ وصــــــالك وسببت انشقاق ليت عقلي عند الأحــــــــلام ما طاع جسدي الله يســــــــامح خطا القلب يالصلب الرقاق ليه يحيا فـ البسيطة ويحـــــــلم فـ الجــــدي العفو والا الشكر كلها نفس السيـــــــــــاق إعرف إنك في عـــروقي مــــــع الدم تغدي لو كرات الدم ترّث غــــــــلا والا اشتيـــاق كان أبتنــــــــافس على حبـــــك انا وولدي أعشقـــك بس العذر منك ما يطــلق وثاق منته فـ مكة ليا أخطيت فيـــــــك أذبح فدي لكن اذكرني ليا جاء اللحاق مع اللحــــــاق واعتصم هادي وعيّا على الدمــــــع مهدي اذكر إن غيمة عيوني ليــــــــا بان الزراق وهبّ طاريّك تســــــــــاقط على الخد بردي والذي نفسي بيـــده إني أشعر بإختنــــــاق كل ما هبّ الهواء شــــــرق وأصبحتوحدي |
رد: ديوان و نبذه عن الشاعر سعد علوش الحضيض مالحضيض اللي ملك رووس الاموال الحضيض مسلم قلبه مبرّد وعينه راقده من عوام الناس ولا يغاظ ولا يغيض ومادخل في عالم العالم المتعاقده بري حالي بري عود تحت هبّاب قيظ ممحل وقافيه حطّابه اللي بياقده مايخلي الناس توصل لمرحلة الحضيض كون تمجيد النفوس الصغار الحاقده ومايصغر في نظر عيني الكون العريض مثل نظرات الرفيق البخيص الناقده ومايقدّر قيمة العافية الا المريض ومايقدّر قيمة الغالي الا فاقده |
رد: ديوان و نبذه عن الشاعر سعد علوش الدموع الدموع اللي أحبسها طوال السنين كلها في ضحى ذا العيد نزلتها والله إني جريح ووالله إني حزين وليت حزني طبيعه كان بدّلتها مير حزني من الصده وطول الحنين وخيبة آمالي اللي فيك أملتها ياموقف علاقتنا مابين وما بين لاتراجعت منها ولاكملتها كان مرخصني الله مايرخص ثمين كان جافي زعل تراك طولتها عايدوك المسيحيين والمسلمين وانا روحي على معايدك علّلتها ياحسافه على الرفقه وحب السنين حتى كل عام وانت بخير ماقلتها |
رد: ديوان و نبذه عن الشاعر سعد علوش وش في عيونك وش في عيـــــونك ليه ماعاد تغري وهي من اول شمس واقمار وزهور عيــــــــــونك الارض الكبيره وتدري اني على هـــــــالارض حتى لو تدور يقل لك صبري او يــــــــزيد صبري ماراح تفرق دامني فيك مجبــــــــور يزيد لك صبري او يقل صبــــــــري ماراح يفرق دامني فيك مجبــــــور احبك بكسـري واحبك بجبـــــــــري واعيش بك حتى ولو كنت مهجــور اقل واجد .. وان لقيتك ياكثـــــــري وارجع اقل ان رحت عني يا مغرور والبعد مانـــــــــــــزل ولا زاد قدري لكنه اوجع قلب واستهلك شعـــــــور والبعد مانقص ولا زاد قـــــــــــدري لكنه اوجع قلب واستهلك شــــــعور ضحكاتي ونبرات صــوتي وشعري خذها تراك مبــــــــــاح مني ومغفور بترحل ارحـــل بس رجع لي عطري العطر ريحة روح ماهــــــــو بديكور لاتجيب لي عذرك ولا اجيب عــذري مافيه احد منا يا محبوبي بمعـــذور لاتحسب ان جرحك حبيبي بيهـــري انا من اللي لا انجرح قال مشــــكور الثقب هـــــــذا اللي تركته بصـــدري هو نفسه اللي راح يدخل معه نــــور الثقب هذا اللي تـــــــركته بصـــدري هو نفسه اللي راح يدخل معه نـــور https://www.youtube.com/watch?v=D1ixRGLpVPc |
رد: ديوان و نبذه عن الشاعر سعد علوش قلادة وخاتم يقول ودي ولا ودي وودي وودي ما تمت البسمات بس البكا تم الحفلة اللي نصفها نسل جدي كنها على جرحي تعزم وتعاتم ذبحلها جفني مــــسامات خذي أزوالها ضيفان والدمع حاتم أصــــــد بدموعي وأكابر بقدي ما ودي انطلق على البعد شاتم وشــــاحك الأبيض بعيني يبدي الخوف والرهبه وحزن المياتم أنتي توفقتي بشـــــوف المقذي وأنا توفقت بســــــواليف شاتم أنا أعترف أني خسرت التحدي ما أبكي وبكتني قـــــلاده وخام |
قصيدة جواب مقنع قصيدة "جواب مقنع " الله خلق عبده عشان العبادة ماهو عشان مفاخر العرق بالعرق صح ان فالدنيا عبيد وسادة لكن عند الله مابينهم فرق خلك بسيط الكبر ماهو بعادة لا تسرقك دنياك عن خلقتك سرق خلك صبور وخل عندك ارادة ولا صرت راعي ضو فأصبر على الحرق لولا الصبر والمعرفة و الركادة ما تجرح العشاق ترنيمت الورق واذ بتسيد فالمراجل سيادة خل المراجل باب وسيادتك طرق خلك ذكي واخذ الأمور بهوادة ولا صدت وثب لاتجي صيدتك زرق واليا عشقت اعشق من الحور غادة حورية(ن)في بحرها يحي الغرق ان زعلت زانت بعينك زيادة وان ضحكت كنها تنافس مع البرق واذا أدور فالحياة السعادة اسجد لربك سيد الغرب والشرق |
رد: ديوان و نبذه عن الشاعر سعد علوش طررح يفوق آلجمآل , كعآدتك إبدآع في صفحآتك , يعطيك آلعآفيـه يَ رب , وبِ إنتظآر المزيد من هذآ الفيض , لقلبك السعآده والفـرح .. ودي |
رد: ديوان و نبذه عن الشاعر سعد علوش رآئع كعآدتك ومبدع .. |
| الساعة الآن 02:27 AM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010