شبكة همس الشوق - نعم اخطيت

نعم اخطييت في حقك ..يحق لك خلي لو تزعل
انا دست بعمق جرحك وكان العذر مليتك

كبر فيني غروري كنت في ميزاني انا الافضل
بطش حس الأنا فيني تعاليت وتناسيتك

ولما جييت باعذاري توقعت السماح اول
تمننت بعذر واهي..حملته بنفسي وجييتك

على بالي العذر مني كرم وأخلاق تتمثل
شموخ العزه ماتنهد جبل شاهق يطل بيتك

قبل ماقول ندمانه..شموخي يجبرك تقبل
ياشين النفس حزتها وليتك دستها ليتك

حبيبي لو خنقتك يوم امانه عني لا ترحل
عشقتك بأول شعوري..طلبتك يوم صديتك

انا نفسي ولا افهمها ولا اعرف من الاعدل
غروري او احاسيسي ,,وشوقي يوم جافيتك

طلبتك خلّي ساعدني ورجعني مثل لول
قبل تعشقني بجنونك تذكر اني خليتك

تِقلب صفحة الطيبه وتنهيها وتتجمل
تعيش الظلم بحضوري..بنيتك ثم هديتك

ابيك اليوم تكسرني وتبنيني بشكل اجمل
ابيك تأسس جروحي تعال اجرحني ناديتك

عشان اليوم نتساوى..وقصة حبنا تكمل
رجييتك حين تذبحني تذكر اني حبيتك

عادل ابن الرافدين