شبكة همس الشوق - يقولون الجمر طب المريض بحر كياته

http://wahjj.com/vb/images/smilies/100 (34).gif
أحبك من هنا لاخر محطـات الغـلا لهنـاك
أحبك كثر ما يهوى رضيع الصدر غفواتـه
أحبك يابعد كـل الحـروف وعلّهـا تفـداك
أحبك يابعد بيـت القصيـد وكـل غاياتـه
أحبك يابعد عمرٍ قضى مني علـى ذكـراك
أحبك يابعـد مـن داج بالدنيـا بخطواتـه
أحبك يادفى برد السنين اليا غفـت بحمـاك
أحبك يا امل عمـر الوحيـد ويابعـد ذاتـه
أحبك يابعد قلبٍ نزف كـل الغـلا لرضـاك
أحبك يابعد كـل العيـون ونـزف دمعاتـه
أحبك كثر ماتبرى جـروحٍ لامسـة يمنـاك
أحبك كثر ما يلجـا فقيـر الحـال لسكاتـه
أحبك بس لو تعرف وش اللي بالحشا ينخاك
وربي لو كشفت اللي بقلبي!!مـت لرضاتـه
أنا وشلون ابين لك غـلاك ولهفتـي للقـاك
انا وشلون اعبر لك عن اللي بيـن طياتـه
أنا لو قلت لك ببعد وابرحل وانتحي وانساك
لسانـي!! واعرفـه لازّل ياشيّنـه بزلاتـه
تعال ارجوك شفني من رحلّت وعبرتي تنعاك
تعال وظمني ياحـي ذا الطـاري وظماتـه
تعال وداوني ,,واللي خلقني يالدواء بشفـاك
يقولون الجمر طب المريـض بحـر كياتـه
تعال وخل عنك الصد والهجران!! مايزهـاك
حلاتك توصل اللـي يـم دارك زاد جياتـه
أنا والليالي وابيات القصايد فـي أمـل لقيـاك
أقول الشعر والليل الحزيـن يعـدّ نجماتـه
نعزّي نفسنا ننطر تسابق لهفتـك وخطـاك
نقول ان الخطى تقصر ولا تسبـق للهفاتـه
أماني عاشت بصدري اغاني داخلي تهـواك
تموت ان غبت وان رديت عاش الليل وابياته
أنا مقدر على بعدك على صدك على فرقـاك
يموت بغيبتك قلبٍ نزف لك حـر حسراتـه
دخيل الصبح في وجهك دخيل الليل لا غطّاك
دخيل الرمش لاسيّر علـى خـدك بسجاتـه
دخيل الجمر والسكردخيل البلسـم! الفتّـاك
دخيل اللي تثنّـى ليـن عذبنـي برقصاتـه
أمانه ترحم اللي شاف منّك صدتـك وجفـاك
دخيلك تدمـح الزلـه وغلطاتـه وهفواتـه
أحبك من هنا لاخر هنا لاخـر هنـا لهنـاك
أحبك لعنبو حي الرضيـع وحلـو غفواتـه