|
الدروب ربي اغفرلي ياربي يا غفار الذنوب يوم ما ينفع عيال ادم الا اعمالها وجعل السيئات مني طريقه لجل اتوب واجعل الحسنات مني بعشر امثالها انت يلي فضلك مديم ماهو محجوب يوم خلقك فضلها مرتبط بحوالها فاطر السبع السماوات ما مسك لغوب ما عزب عن شوفك الذره ومثقالها جعلني يارب لاني قنوط ولا شجوب نفس ما انت اتولاها لا مولا لها لا تكني لي وانا نوب يا صبري ونوب اتحايل دمعة الياس ولا احتالها تشرق الدنيا على الكل لاكن الغروب يوجع قلوب المجاريح بس لحالها نفسي ينفس تجمد من الظلام وما تذوب لين يرد الها الشعاع ويرد اشعالها الجروح انواع واقسا الجروح ام الثقوب ان بقت عزالها وان برت عزالها ان دخلها النور شبت من الذكرى شبوب وان طلع منها ترك من وراه ظلالها فدام هذا الليل ياخذ سعادات القلوب ليت لامنه خذاها يرد بدالها ان تغصبنا براضي رضينا بمغصوب شرهة الدنيا على الطيب من رجالها يا وسع صدر الحقيقه على ضيق الكروب مالك الاحمال ماهو بمثل حمالها الاماني حيلة العجز وبليس اللعوب والله انه خير من طردها همالها كل عارق راس يرقا يدور للهبوب وتضربه بجنوبها وتضربه بشمالها ما خلق ربي جبال البسيطه للركوب بس حنا من شقاواتنا نرقا لها غربة اصحاب الفضايل نسميها هروب ولا حنا من هرب ليشوف افضالها ان شعبتوها شمال او شعبتوها جنوب ما عقب هج الضوامر سوا زرفالها ما لحق عوص النجايب دليل ولا طلوب ظلها مغير تبراله ويبرالها علم اللي يحسب انه على الدنيا محسوب ناس واجد ميته لو مشت بزوالها لا تعد الشعب كله يا عداد الشعوب الشعوب تعرفها لا عرفت ابطالها وبطوله في السلام وبطوله في الحروب وغامض اهوال السلام اعظم من اهوالها يجعل الله الدواهي عن الباقي تنوب لا تساوا جاهل القوم مع عقالها المنيفه للمنيفين راعين الوجوب الله اللي منزل الناس في منزالها جاهل الطرقه لامن مشا يعثر بطوب وان بدا من نصفها ما عرف كمالها مرجفين الارض واهل الصياحات الطنوب ما تفرق بين همالاها ومهالها ياكبير الهقوه اللي من الخيبه غضوب ليت نيات الاوادم تصير اشكالها لا تدور في رفوف ولاتدور في جيوب اوجع رساله هي اللي تعيد ارسالها ان كرهك من القريبين منقوصن عجوب المحبه مشكلتها مع جهالها حتى هذا الحب نفسه ترا ماهو محبوب في ناس تشوف منه سبب غربالها اكثر اللي يدورون العيوب اهل العيوب مدمن الحاجه هو اللي فقط يسعا لها طبع اثاري مقدم القوم خلفه في الدروب وطبع اثاري خطوت الراجعين اقبالها خير كل الضحك عاجله الا في الخطوب كلما اتت ضكتك في الاخير احلا لها لا تغرك كلمة الحق من فم الكذوب الكذوب يشوفه كذب لو هو قالها |
رد: الدروب طرح في غايه آلروعه وآلجمال سلمت آناملك على الانتقاء الاكثر من رائع ولاحرمنا جديدك القادم والشيق ونحن له بالإنتظار |
رد: الدروب همسة الشوق جميلة انتي برقي حضورك وعطر حروفك اذهلتني طلتك وجميل نسجك للحروف النديه يسعدك الباري كما اسعدتني بجميل حضورك خالص الحب والتقدير جناين الووورد |
| الساعة الآن 11:53 PM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010