21 - 8 - 2023, 10:25 PM
|
| | | |
SMS ~
[
+
] | | | | | |
|
لو خذت منك الليالي تعوضك السنين
 
اليسر عقب العسر والدروس اللي وراك
تنطبع في ذات الايام والعقل الفطين
لاتبين وش ورا النفس ولا وش معاك
يمكن انك تنحسب من ضحايا الطامعين
كل ماضاقت بك الارض سافر في سماك
وثق تماماً عقب ما تشين بتعود تزين
اغلب العالم ليامن خذا منك نساك
بحاجته عاجل وحاجات غيره يستهين
مايهمه حاجتك لين يوصل في مداك
كنه موصى على الصبر في صدرك لوين
بتدري ان اللي رخص فيك ماعمره شراك
وبتدري ان الناس فالوقت معدنها يبين
وبتدري ان اللي فقد شوفتك للبيت جاك
مايقول اليا تواجه ترانا فاقدين
وان ابو وجهين يمدحك ويذمك وراك
ومنت سالم من كلام البشر فالحالتين
وإن في بعض التواضع تنزل مستواك
وكلمة التبرير روح زمان الطيبين
منت عارف من جزا الوقت ولا من جزاك
الاكيد انك بتفهم وتعْرف حاجتين
العوض قدام وماطاف جعله من فداك
لو خذت منك الليالي تعوضك السنين
الموضوع الأصلي :
لو خذت منك الليالي تعوضك السنين || الكاتب :
الــســاهر || المصدر :
شبكة همس الشوق
آخر تعديل الــســاهر يوم
21 - 8 - 2023 في 10:48 PM. |
عضويتي
العرض العادي
