16 - 10 - 2023, 10:48 PM
|
| |
|
يكفيني إنك رحلت و منت عايفني
 
يكفيني إنك رحلت و منت عايفني
هذا عزا النفس من كثرة بلاويها
أهديتك دموع من طعنتك تحرقني
و إنت إللي تستاهل الدنيا و ما فيها
واهديتني جرح موجعني و عاجبني
لأن الهدايا على مقدار مهديها
صحيح حنا انتهينا بس صدقني
والله إنك تبقى هوى روحي و غاليها
مفضوح راعي الهيام و نظرته تغني
ملامحه واضحة في وجه راعيها
لكل داء دواء لو هو متعبني
إلا محبتك عيت من يداويها
إن قلت علمني أنسى لا تعلمني
دنياي لا من نسيتك وش تاليها
فارقتني و ضحكتك عيت تفارقني
والله يلعن أبو الفرقا و طاريها
مقدر أفكر بغيرك و إنت عارفني
عشان حاجة بقلبي مقدر أخفيها
أخاف لا حبني غيرك و عاشرني
يشوف صورتك في عيني و يوحيها
نشدت عنك و سمعت إللي يفرحني
و يرتاح صدري من هموم يحاتيها
تبي تعرف وش على الفرقا مصبرني
إنك بخير و حياتك متهني فيها
الموضوع الأصلي :
يكفيني إنك رحلت و منت عايفني || الكاتب :
الــســاهر || المصدر :
شبكة همس الشوق |
عضويتي
العرض العادي
