13 - 3 - 2026, 08:58 AM
|
| | | |
SMS ~
[
+
] | | | | | |
هاك كل القصيد إخذه مثل ماتبي
 
هاك كل القصيد إخذه مثل ماتبي
والله إِني أَغبط الخاطر المستريح
كيف لاجيت بكتب أَحترق بلهبي
شمعةٍ ماتحس بعمرهامن تسيح
كل شاعر ترى لو هو تشاطر غبي
يطرب الناس شعره وهو جروحه تصيح
خذ قصيد بدا قبل يخط شنبي
يوم الايام كانت مثل ريضان شيح
آه ياليت تجمع بعثرة مكتبي
والله إِني نويت أَبني لشعري ضريح
كم كتبت وكتبت ولاوصلت طلبي
مدري العيب فيهم أَو بطبعي صريح
كن الايام برد وهالقصيد حطبي
والأَماني رماد وهالتوافيق ريح
بدّل الوقت شكلي ولاقوا مذهبي
وادري إِن الاماني بهالزمن من صفيح
سهل ويا الصديق وللردي مصعبي
ودون طيحة خوييّ والله إِني لا اطيح
هيه يامن تفتش دفتري وش تبي
كل بيت يمر بك اعرف إِنه جريح
وكان ماكفاك شعري يخلف الله تعبي
ما يخلّد ويبقى إِلَّا القوي والصحيح
يالقصيده تثني واطربي وألعبي
في زمان بوجه اللي هقابه شحيح
دامها بالبدايه والنهايه حبي
لايغرك قوي العود باكر يطيح
حمد السعيد
الموضوع الأصلي :
هاك كل القصيد إخذه مثل ماتبي || الكاتب :
همس الشوق || المصدر :
شبكة همس الشوق |
عضويتي
العرض العادي
