30 - 3 - 2026, 05:55 PM
|
| |
أشتاق ثمّ اشتاق واشتاق واشتـاق
 
أشتاق ثمّ اشتاق واشتاق واشتـاق
يا ملهبٍ شوقي بروعة شعـــورك
قلبي لهمسك يا اعذب احساس توّاق
الله.. لايحـرم خــفــــــوقـي حضـــــورك
أكتب لك آحبّك على بيض الاوراق
من عقب يضْوِيها فـؤادي بنـورك
ياللي حروفك تنسكب وسط الاعماق
وأقرا المحبة في طلاسم سطـورك
ألمح بوجهك كلّ نظـرات عشّـاق
يفداك قلبٍ راحــــته من سـرورك
روحي معك يا خافقي دوم باعنـاق
أتقبلّـك واشتـمّ ريحـة بخــــــورك
قلبي من البـارح بعالمـك مافـاق
يهيم فيـك وكــــــــل مابـي يـزورك
ليتك تشوف الحال واللي بالاعمـاق
ما صار فيها غير نسمة عطـورك
اكليل حُبّ.. اكليل لهفـه وأشـواق
لروعة احساسك وصادق شعـورك
هالصبح ياخذ من محيّاك الاشـراق
ماحلاه صبحي لارتوى من بحـورك
الموضوع الأصلي :
أشتاق ثمّ اشتاق واشتاق واشتـاق || الكاتب :
شوق الغلا || المصدر :
شبكة همس الشوق |
عضويتي
العرض العادي
