23 - 3 - 2012, 03:59 AM
|
| |
هقيت بك طيب لاكن ضاعت امالي
 
ماكل منهو يمـر بخاطـرك غالـي
بعض البشر من غثاه يمر في بالك
ياصاحبي لاتهـاون ميلـة عقالـي
ما انته بعمي ولاخالي بعـد خالـك
خلك مع الوقت لاسولف به السالي
وان عودت للحقيقه مانـي بحالـك
وقتي ووقتك ومدهالـك ومدهالـي
ماهن سواء بس تكفى ريح رحالك
فنجالك اللي تظنـه مثـل فنجالـي
من عام الاول ترى مشروب فنجالك
هقيت بك طيب لاكن ضاعت آمالي
ماتت ركاب الهقاوي دون مدهالـك
راهن وتلقى وانـا بحـط معدالـي
وان كنت واثق تعال وحط معدالـك
والحر لا تل سبقه وارتفـع عالـي
ماهوب شرهٍ على المرقاب في جالك
والطيب ورثٍ ورثته واصغر افعالي
شمسٍ سناها يغطي ضافي ضلالـك
فعلي واعرفه ولا فالك بعـد فالـي
وان قلت لي ليه؟ فال الله ولا فالك
ماني بمثلك ولاغيـر الله الوالـي
يعلم بفعلي وهو عالم وش افعالـك
اموت ماجيت يمك يا أشهب اللالي
وخذها صريحه وآخر بيت يزهالـك
ماكل منهو يمـر بخاطـرك غالـي
بعض البشر من غثاه يمر في بالك
الموضوع الأصلي :
هقيت بك طيب لاكن ضاعت امالي || الكاتب :
امواج بلا شاطئ || المصدر :
شبكة همس الشوق |
الأعضاء الذين قاموا بتقييم هذا الموضوع : 0
عضويتي
العرض الشجري
