مساءٍ يذكرك بالخير
مساء الغبطْ بعيونك
مساءٍ خضّب أيامك
سعادة عمر بأوقاتك!
بوقتٍ أنهك أنفاسي
سنيني وحبر قرطاسي
مساء قلبك...تراتيلك
ضميرك .. كثرة ذنوبه
هنا ترقص خفايا روحك بغدرك
* * *
مساءٍ يحرق أنفاسي ملام وأبدا أترجاك
مساءٍ يشعلك صخب الليال الضيق ناداني
بدا فيني صدى هم الألم للفرْح جا حيّاك
مثل مالاق بي همّي ..كأنه حبر عنواني
تبعثرني خيالات المطر تشتاقلك تهواك!!
كذا ديمومة الوجه الغرير بحزْن تبْغاني
هنا ميلادي وموتي
أغانينا..حكاوينا
هنا شربي .. هنا قوتي
هنا لاطوّل سكوتك
أدغدغ سمعك بصوتي
وأتوه
ويصغي لك سكوتي
هنا يتنفسك شوقي.. هنا تحنانك وأحلاك
هنا لامن طروا بعضك أضيّع عمر وانساني
هنا أرسم جفا جرحي معالم ، قلت : أنا أهواك
و(ليله كانت الفرقا)..تشتت كل ألحاني
هنا تشرب دفا حلمي.. ودربٍ جابني دنياك
خطاوي ما لها آخر تشتت خضر أغصاني
وألعابي القديمه (يوه) واشعاري جريئه هناك
وفوضى .. تعتري كلّي من أقصاني لأقصاني
أنا اللي تهت بأسبابي .. أفتّش فرحتي بدنياك
وانحت في بزوغ الفجر..(لوحة).. سيد خلّاني
وش أحكي للفضول إن جاء يدوّر رد .. ما يلقاك؟
إلا منّه بكى بعدك..قصيدي .. علبة ألواني؟
لحد الحين ترضاني .. أكمّل رحلتي ويّاك؟
تحكّى .. ملّني صمتك .. لحد ألحين ترضاني؟
تصدق والمساء جاب الحنين بقصتي لخْطاك
دموعي ..حزني وصمتي .. يثيروا جو أشجاني
أنا في ذا الركن مليت فجأة..ملّني الشبّاك
كذا درجي حضن بعضي و(مكياجي وفستاني)
وإن قيل الهجرْ ظالم صبراً ربما ألقاك
لعلكْ كنت في دربٍ تُزاحمْ عمري الثاني
مساء أسمر
وليلٍ ساقني لظلمه
وحزن قد لبس ..عظمي
وريدي حظي العاثر
يحفر في حقل النور
سوادٍ ضحكته حزني
عطر السحاب المرّ
سراب وزخّته عمري
وبعيد
ألقى ملامح صورتي العذبه
بعيد هناك ..
مسافاتي بقت كذبه
بلاد النور ملامح لوحةٍ تحكي
فضاءك والغُنا أحلى مسافاتك
تجيك وكلها درب نغم تشكي
لعْل الضيق أبد ما هو نهاياتك
وأنا طفلة وجيتك كنت أبي أبكي
أبسكن وجهتك وأحلى مساءاتك
.....
اتمنى ان تنال هذا الشعور المختار
على اعجابكم ورضاكم 
او 
لمشاركة اصدقائك!
عضويتي
مجرد ذائقة بعد غياب / " هلوسة حرف " 
العرض العادي
