5 - 10 - 2012, 11:15 AM
|
| |
|
الضجيج الابيض
 
لماذا؟ نحب صوت المكيف القديم؟
هذا الصوت إسمه ضجيج أبيض أو بالانجليزي White Noise، يعرفونه كضجيج يجمع كل ترددات الصوت اللي تقدر تسمعها الإذن البشرية (بين 20 إلى 20 ألف هرتز).
يعني مثل 20,000 تردد تسمعهم مرة وحده!
يسمى ضجيج أبيض لأنه يشبه الضوء الأبيض الذي يجمع كل ألوان الطيف ويصير لونه أبيض، نفس الفكرة.
علمياً قاموا يستخدمونه حتى يغطي عالأصوات الغير مرغوبة مثل الإزعاج (راح أشرح ليش تحت)، اللي يسمع هالصوت او الضجيج بالأصح- راح يزيد عنده التركيز، يساعده على النوم، يخفف من الصداع النصفي الشقيقة )، “يمتص” الأصوات الثانية ويخفيها بين تردداته، يخدر الاطفال و -يكرم السامع- الحيوانات بعد.
و حتى صوت الموج والبحر يعتبر بعد نوع من أنواع الضجيج الأبيض، لذا يفضل الذهاب للبحر عند الشعور بالضيق والاكتئاب
ماهو تفسير هالحالة علمياً؟ ليش هالصوت مريح للنوم؟
تخيل قاعد تسمع اثنين يتحدثون بنفس الوقت، المخ يقدر يركز على واحد منهم بس ويلقط قليل من كلام الثاني، نفس الشي يوم تلقى ثلاثة يتكلمون بنفس الوقت راح تقدر تركز على واحد منهم بس بصعوبة شوي،
أما إذا ألف واحد يهذرون فوق راسك
المخ راح “يبوّش” ولا راح يحاول يفكك أي صوت ولا يركز على أي صوت فيهم، يعني المخ بيهدا ويستريح .
يعني إذا مخك مستريح و “مبوّش” من سماع ألف صوت ما راح يفرق معاه صوت أو اثنين أو حتى عشرة زيادة من الأصوات التي حولك، لذلك راح يضيعون وما راح يعبرهم مخك ولا يركز عليهم ولا يحللهم ولا أي شي ثاني.
ويصبح كذا النوم أحلى، مافيه صوت بيأذيك ويقومك من النوم، مخك راح يكون مكيّف عالوضع ويخليك تنام أحلى نومة.
هذا بشكل مبسط جدا لكي يُفهم الموضوع
وبعد نفس الشي لماذا الطفل يسكت يوم يركب السيارة والناس على بالها الطفل يبي يغير جو الطفل يرتاح من صوت السيارة والطريق يخدر وينام.
الموضوع الأصلي :
الضجيج الابيض || الكاتب :
الزهرة البيضاء || المصدر :
شبكة همس الشوق   |
الأعضاء الذين قاموا بتقييم هذا الموضوع : 0
عضويتي
العرض الشجري