سليم النوايا لانطق تفهـم المنطـوق=يكلـم بنبـره صـادقـه ماتكذبـهـا
تحس إن بأسلوبه عذوبـة وروعـة ذوق=وقوة وجـود الصـدق فيهـا يحببهـا
ولو ماتثقف مايبـوق السوالـف بـوق=عبارات إلـى نفسـك وقلبـك يقربهـا
وراعي الكذب مهما بدا منطقه موثـوق=إلاعـاد لـك هرجـه قديمـة يقلبهـا
تحس إنـه تكلـم ولاصدقـه مخلـوق=جٌمـل قالهـا قـد لـه ليالـي يرتبهـا
يخادع وكرته ويـن مايتجـه محـروق=ذئـاب الطمـع ماهمهـا إلا مكاسبهـا
من اللي خٌلق معصوم من ذنبه أو معتوق؟=سوى المصطفى راعي الرساله وصاحبهـا
وتبقى الطبايع للبشر سر فـي صنـدوق=تحـاول تغيـر والحقـايـق تجانبـهـا
فوالله لو عنتر .. شهر سيفـه المفتـوق=على قوم خانـت .. ماتغيـر قوالبهـا
ولايكذب الصداق لوينتهـي مشنـوق=بعصمة من الله .. تعصمه مـن عواقبهـا
الشاعر /على محمد القحطاني
مما راق لي
تحياتي
آخر تعديل MالرحالM يوم
22 - 3 - 2011 في 02:08 AM.