ابتكلم ياعـرب وارفـع الصـوت
يالي تبون الفـوز والشـك زايـل
الفوز ماهو فوز كـوره وبالـوت
ولا شعـر ولا مـزايـن قبـايـل
الفوز والله توبة تسبـق المـوت
قبل الوداع وقبل شـد الرحايـل
الروح مثل المال والموت ساحوت
والموت مايفرق بقاصـر وطايـل
هذي نصيحة جد والعلـم مثبـوت
ولاخيـر فـي قـولٍ بليـا دلايـل
تغانمو الاوقات والوقـت موقـوت
الوقت مثل الظـل والظـل مايـل
يالي تخطط لك مشاريـع وبيـوت
في طاعة المعبود كيف انت قايـل
نسيت بيت الاخره وانت مبهـوت
ماعاد تنفعـك الحيـل والتحايـل
إمجاورٍ لك عالـمٍ لكـن سكـوت
في ساعةٍ فيها تشـوف الهوايـل
النصح واجب قبل لايفوتك الفـوت
النـار يامسكيـن تعمـل عمايـل
قلته وانا مقصر لكن برفع الصوت
يالي تبون الفـوز والشـك زايـل
الفوز والله توبةٍ تسبـق المـوت
قبل الوداع وقبـل شـد الرحايـل
الأعضاء الذين قاموا بتقييم هذا الموضوع : 0
عضويتي
ابتكلم ياعرب وارفع الصوت 
العرض الشجري