السلام عليكم ورحمة الله وبركاته
كيفكم عسآكم بخير ..
هذي قصيده لقيتها وهي لشآعر آعمى فقد بصرة وطبعآ النعمه هذي مآيحس فيهآ الا من فقدهآ ...
فلك الحمد يآحي يآقيووم ..
آتركم مع القصيده ,,
للشآعر : حمدان بن محسن المري..
ياعيني اللي نظرها مايقديني
وجدي على شوفة النجـم اتقدابـه
وجدي على شوفة العربان ياعينـي
وجدي على شوفة المرقاب وارقابه
وجدي على شوفة صفوف المصليني
وجدي على شوفة القرآن واقرابـه
وجدي على شوفة البدو المعشينـي
في خايـع غـب سيلـه ماتثرابـه
قعدت في البيت كني فيـه مسكينـي
ماعاد عني تغطى الزيـن بحجابـه
كني سجينـاً وراه ايصـك بابينـي
غدا نهاري وظلما الليـل متشابـه
حنا ابرجـا الله عـدال الموازينـي
نرجي ثوابه وعفوه مالنـا الا بـه