سجل دخولك للمنتدى ببيت شعر يعجبك - الصفحة 390

14 - 2 - 2018, 06:33 PM

بيض الله وجهك اللي ساتره تحت القناع
ورايتك بيضا معاي و ياعسى عمرك طويل

يعني اعطيك الثقه وتردها بـ لوي الذراع
ياخي ما شاء الله عليك ابدعت في رد الجميل

مدري كيف اشكرك؟!مدري كيف ارد الصاع صاع؟!
كنت احسب انك عزيز النفس تطلع لي ذليل!

كم وانا عييت اصدق فيك قدر المستطاع
من غبائي كنت اسكت واعذرك واثر الحصيل

جرح قلب ميزته في كل يوم الاتساع
ودمع عين ينهمر من ضيقتي في كل ليل

والله اني كنت احبك حب واتبعك اتباع
كنت لاجل ارضي غرورك بس اسوي المستحيل

كنت اعمى فيك لالا كنت ميت للنخاع
كنت مدري كيف؟لكن كنت صادق معك حيل

كنت امارس في غرامي لك سياسة الانصياع
وكنت لاغي معك فكرة اعتزل او استقيل

اندفعت بكل مافيني،،،وسوء الاندفاع
يجبر الانسان احيانا يفكر بالرحيل

صدمتي فيك انت خلتني افكر بأقتناع
ان قتل النفس راحه لو انا كنت القتيل

15 - 2 - 2018, 12:15 AM

النفس طابت قلبي اليوم ينعيك
في حبك اللي مات أقبل عزاتي

بالأمس يوم أرجيك ماغاب طاريك
واليوم عندي صرت ذكرى بحياتي

مات الأمل مادام غيري مراكيك
عفت الحياة بيوم موت أمنياتي

على جدار الحب بنشر تعازيك
ولا تطري الرجعة فيوم وتاتي

ياموت سير لا تزود تغليك
عقب الغدر والهجر عجل وفاتي

15 - 2 - 2018, 12:26 AM

قل للحسافه تلبس عتابي ثياب
دام النوايا الصادقه ماانصفتني

الغربه الي حارسه كل الابواب
حتى وانا في موطني ضايقتني

15 - 2 - 2018, 01:01 AM

روتيني اليومي معك . . ما املّه
وياك عمر شعيب لو عشته شوي .
واللي جعل في وجهك الخير كلّه
اني احبك حب ما يوصفه شي

15 - 2 - 2018, 01:02 AM

الشوق بعثرني ف ظلي وانا ازريت
حاولت اكابر بالهوى و ذيك الاحلام

15 - 2 - 2018, 08:32 PM

الله يبدل عجة الجو بامطار
من مزنة غرا تهامل مطرها
مطرة تناقلها محطات الأخبار
من عرضها كل تناقل خبرها
يبطي بعدها ثاير العج ماثار
والنفس عقب الضيق يذهب كدرها

بوحي

15 - 2 - 2018, 10:50 PM

لا ينثني عزمك بكلمة ما يصير
دوّر على اللي مايصير و عانده

16 - 2 - 2018, 06:47 AM

كذاب ماحبني حب يتسلى بي
وانا على نيتي صدقت وحبيته

راح وتركني وانا محروقه اعصابي
شلون بنسى وانا بالقلب حطيته

16 - 2 - 2018, 07:02 AM

ليتگ ٺعيش ب واقع ﭑللي يحبون
وَ ٺشوف وَشلون ﭑلٱيادي ٺعانق

ناسٍ ﻋلى شان ﭑلمحبہ يموٺون
وَ ﭑنتہ وَ ﭑنا نحيى ﻋشان نتخانق

16 - 2 - 2018, 07:26 AM

سمح الله درب من ناوي يروح
وسمح الله خاطر اللي مايبي
الجروح انواع واصعب هالجروح
يوم تخلص له يقول انك ماتبي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه لموضوع: سجل دخولك للمنتدى ببيت شعر يعجبك لموضوع: سجل دخولك للمنتدى ببيت شعر يعجبك
الموضوع	كاتب الموضوع	المنتدى	مشاركات	آخر مشاركة
عندما يعجبك قلم عضو في طرحه وفكره	سجات التهاويل	همس للنقاش والحوار الجاد	3	6 - 2 - 2015 11:02 PM
بجاهك دعيتك يا الهي ولي طلب	جروح الم	همس الشعر والقوافي	6	13 - 9 - 2014 05:24 PM
يانجم السماء كم دعيتك	ملك الود	همس الشعر والقوافي	4	11 - 7 - 2014 04:51 PM
سجل حضورك بزي رجالي يعجبك	اخفي غلاك	همس عالم ادم ازياء الرجل عالم الرجل العصري	13	5 - 2 - 2013 07:28 AM
سجل نورك با كاركتير يعجبك	امر تدلل #	همس للاخبار الفنية العربية والعالمية وصور المشاهير	6	13 - 8 - 2012 08:16 PM

الذين يشاهدون محتوى الموضوع الآن : 2 ( الأعضاء 0 والزوار 2)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع