شفت يانـاس زول(ن) شاقنـي=وقفت مربوش رجلي مامشـت
ساعة لمحتـه وحبـه صابنـي=نـار المحبـه بقلبـي ولعـت
دقيـت بابـه تعـذرت اسقنـي=غريب عطشان والشمس احتمت
عطاني الماء بكاس(ن) معدنـي=تسلم يمين(ن) لي الماء قدمـت
شربت كاسيـن قلتلـه زيدنـي=ناري من الشوق لاجلك ماطفت
مابي ضماء بس زولـه هالنـي=رويت من الماء وعيني ماروت
حسبي على اللي لسوقـه دلنـي=مانـي بيمـه ولاكـن وافقـت
ياناس انا ويـن ربـي جابنـي=وانا مريح(ن) لي ايام(ن) مضت