بجاملك
وبمدحك
لحد النجوم بوصلك
وكل اللي ابيه منك
تعرفني على قريبك الوزير فلان

/

بساعدك
وبوقف بجنبك
بكون كل وقتي بقربك
ومابي غير انك
توظفني بشركة خويك المهندس فلان

\

بعزمك
وبشهر اسمك
وبكتب في سيرتك
واللي ابيه من حضرتك
تفزع لي بالقبول يادكتور فلان

/

بصفق لك
وهدايا بقدم لك
وكم الف بحولك
وبس يالطيب ابيك
تضبط أموري مع الضابط فلان




هذا يقلِق باتصال
وهذا يسأل عن الحال
وكلهم ماهمهم حالك
قد ماهو تزلّف لحاجه وتحقيق لمنال

\

بطيحتك حالتهم غياب
وبعزك كنهم فجأه أقرب أحباب
اختفى الحب الحقيقي
واتحولت احلى المشاعر لحفنة تراب

/

صارت الدنيا مصالح
اختلط صالح بطالح
اتلطخت صافي النوايا
ومابقى للصدق فينا أي ذكرى أوملامح





/
\
/

ليه يادنيا المصالح ؟


\

/