جفت ينابيع الفرح والكدر زاد
وصار الجفا عنوان في القلب مرسوم
* * *
عيدك حبيبي مو مثل باقي الاعياد
وعيدي حزن وجراح وفراق وهموم
* * *
كنت احتري عيدك على جمر وقّاد
ياعل روحي ترتوي ذكرك السوم
* * *
مير انت ناديت المواجع ولا عاد
همك مشاعر عاشقٍ فيك مهيوم
* * *
وفر على نفسك متاهات الاعداد
وانسى رفيق الامس ابدأ من اليوم
* * *
دامك على عزم المفاريق تنقاد
في حفظ ربي يالغلا وانت محشوم
* * *
اشعل قناديل الفرح نفس الاعياد
لا ينشغل بالك بظالم ومظلوم
* * *
عسى السعد يغشاك غيمه وترتاد
درب الاماني الحالمة دايم الدوم
* * *
وان جاك طيفي وازعجك وقت الاسهاد
قل له ترى في خاطري .. انت مرحوم
بقلمي / الرآقي
الموضوع الأصلي :
عيدك حبيبي مو مثل باقي الاعياد || الكاتب :
الرآقي. || المصدر :
شبكة همس الشوق
الأعضاء الذين قاموا بتقييم هذا الموضوع : 1
عضويتي
العرض الشجري
