رواية واكتشفت اني لقيطه كامله

التسجيل مجاني
سجلاتنا تفيد بأنك غير مسجّل ,, يرجى التسجيل اسم العضو كلمة السر تأكيد كلمة السر البريد الإلكتروني تأكيد البريد الإلكتروني تاريخ الميلاد: هل انت موافق على قوانين المنتدى؟

\r\n\r\n\r\n\r\n
\r\n
\r\n\r\n

\r\n\r\n\r\n\r\n\r\n\r\n\r\n\r\n\r\n|$[ البآرت الحادي والعشرون الجزء الثالث ]$|
\n
\n
\nجالس بالمقعد الخلفي للسياره بكل برود وهو يراقب السايق حقه وهو واقف بنص الشارع مع بنت وشرطي مرور ..
\nطالع في ساعته شوي بعدها رجع يطالع في السايق ..
\nشاف الشرطي يركب الدباب حقه يروح والبنت كملت طريقها والسايق جاي لعنده ..
\nظل يطالع في السايق حقه ببرود بس لاحظ ان البنت وقفت عن المشي وهي بمكان قريب جدا من قزاز مقعده ..
\nلف يطالع فيها فاسترغب لما شاف نظرات الصدمه على وجهها وقال بمنتهى البرود: منو ذي ..؟!
\nقفل السايق الباب وهو يقول: هذه تقول ان اسمها .....
\nسكت شوي بعدها كمل: سجى سعد الراهي ..
\nظهرت الصدمه على وجه سعد لثانيه بعدها استعاد بروده وقال: سجى ..! تقول ان اسمها سجى ..؟!
\nالسايق: ايه طال عمرك .. وللامانه اول ما قالت اسمها انصدمت ولما دققت بملامحها شفت شبه بينها وبين ولدك إياد ..
\n
\nظلت اسيل تطالع فيه بصدمه وهي مو مصدقه ..
\nايه ابوها .. مو مصدقه انها واقفه قدامه ..
\nبس لحضه .. حتى لو كان هو ابوها ليش تهتم ..؟!
\nخلاص لازم تروح وتطنشه ..
\nبس مو قادره ..
\nتحس برجلها متصلبه ومو قادره تتحرك ..
\nمو قادره تمشي ولا تخط خطوه وحده ..
\nزادت ضربات قلبها وهي تشوفه ينزل قزاز السياره ..
\nوضح لها وجهه تماما ولأول مره تشوف عن قرب ..
\nمد إيده واشر لها انها تقرب ..
\nبس ما قدرت ..
\nتحس بإنتفاض يهزها من داخل ..
\nاطرافها ترتجف ومو عارفه ايش هو السبب ..
\nمو عارفه .. بس خلاص ..
\nغمضت عيونها وهي تردد بداخلها كلمة خلاص ..
\nتبغى الانتفاضه توقف .. تبغى ارتجافها يوقف ..
\nتبغى ضربات قلبها توقف ..
\nتبغى رجلها تتحرك .. تبغى السياره تمشي وتبعد ..
\nتبغى الوقت يمر ويخلص ..
\nطالع فيها لفتره ينتظرها تقرب بس شكلها مطوله ..
\nفتحت عيونها وطالعت فيه ..
\nفي نظراته البارده .. ووجهه الجامد ..
\nمدت رجلها لا ايراديا وتقدمت خطوتين منه ..
\nصارت المسافه بينهم اقل من متر ..
\nبلعت ريقها وقالت: نـ نعم ..
\nظل ساكت لفتره بعدها قال بهدوء: انتي منو ..؟!
\nارتبكت وما عرفت وش تقول ..
\nهي سجى .. سجى بنت سعد الراهي ..
\nهي بنته .. بس ما تتجرأ تقولها قدامه ..
\nكرهت نفسها في ذي اللحضه ..
\nليش ما تفتح فمها وتصارخ عليه ..؟!
\nليش هي خايفه كذا ..؟!
\nليش ما تقول كل اللي في قلبها ..؟!
\nليـــــــش ..؟!
\nحست بالعبره تخنقها ..
\nودها في ذي اللحضه تصرخ عشان تبعد جزء كبير من الحمل اللي ثقيل على قلبها ..
\nلما طولت ما ردت قال بنفس الهدوء والبرود: سجى سعد الراهي .. شلون صار اسمج جذي ..؟!
\nبرضوا ما ردت .. ماهي قادره ..
\nلسانها مو قادر يتحرك ..
\nمو قادره ترد على سؤاله الغريب ..
\nشنو يقصد بشلون صار اسمج جذي ..؟!
\nهالاب بشنو يفكر اللحين ..؟!
\nمو قادره تعرف ..
\nظل فتره يطالع فيها بعدها قال: ليه ساكته ..؟!
\nطالعت في نظراته البارده وحاولت تتكلم وقالت بتردد: نـ نعم ..
\nرفع حاجبه وكأنه يقول سلامات وش هالجواب ..
\nاخذ جواله من جيبه ودق فيه كم دقه بعدها قفله ولف مره ثانيه على اسيل وقال: وين عبد الغني ..؟!
\nتفاجئت اسيل من سؤاله ..
\nعبد الغني ..!
\nمنو هذا الشخص ..؟! ما تعرف اي احد بهذا الاسم ..
\nضاقت عيونه وهو يشوف نظرات الدهشه على وجهها ..
\nشوي تذكرت .. عبد الغني اخو ابوها من الرضاعه فقالت: تقصد عبد الغني صالح ..؟!!
\nقال ببرود: لا تستغبين .. انا اقصد عبد الغني سطام ..
\nطالعت فيه بحيره ..
\nوش يقصد بلا تستغبين ..؟!
\nهي فعلا ما تعرف مين يكون عبد الغني سطام ..
\nما تعرف غير عمها عبد الغني صالح ..
\nلاحظ الحيره اللي على ملامحها ..
\nيا انها تعرف تمثل صح ..
\nاو انها ما تعرفه ..
\nبس للأسف الخيار الثاني مستحيل ..
\nلأنها لو ما كانت تعرف كان هي .....
\nقاطع تفكيره صوتها الهادي يقول: انت سعد الراهي صح ..؟!
\nلف نظراته البارده لناحيتها وقال بعد فتره من الصمت: عبد الغني ما ترك شيء ما علمج إياه ..
\nتجمعت الدموع بعيونها وقالت برجفه: اكرهك ..
\nطالع السايق فيها بعدها طالع في سعد اللي كانت ملامحه بارده كالعاده ..
\nبلعت ريقها اكثر من مره عشان لا تنزل دموعها ..
\nتقدم شاب من وراها وهو يقول بإستنكار: عشان سعد ..!! تبجي عشان سعد ..!! لا انتي فعلا غلطانه ..
\nحط إيده على كتفها وقال وعيونه على سعد: واحد مثله ما يستحق تنزلي دموعج عشانه ..
\nرفع سعد حاجبه وهو يقول: ومنو انت ..؟!
\nعقد السايق حواجبه وهو يقول: لحضه .. انت اللي ..!!
\nوكمل بحده: يعني كنت تجذب ..
\nتكى بإيده على كتف اسيل وهو يقول: يب .. كنت اجذب .. ههههههههه اصلا كان واضح اني كنت اجذب .. بس سبحان الله لكل انسان قوة استيعاب تعتمد على حجم عقله الداخلي ..
\nطالع في سعد وقال: اوووه المجرم الهارب من العداله هني .. كيف الحال ..؟! بصراحه فيك جرئه مب طبيعيه .. ما عمري شفت مجرم يمشي بالشوارع بذي الطريجه .. بالعاده يكونوا مختبئين في جحور الارانب ..
\nابتسم سعد بإستهزاء بعدها ضغط الزر وبدأ شباك السياره ينقفل ..
\nرفع الشاب حاجبه بعدها قال: بتروح وبكل برود ولا كأن البنت اللي واقفه هني هي بنتك البكر .. اي قلب هذا اللي انت تملكه .. عالاقل قول لك شيء ..
\nلف سعد نظره وطالع باسيل بعدها قال: انا ما عندي بنات ..
\nاحتدت ملامح الشاب وقال: بعتها وبسهوله .. لعلمك اصلا هي اللي تبي تتبرى منك .. ما تواطنك ولا تتمنى تشوفك ابدا ..
\nانقفل القزاز وتحركت السياره لقدام وابعدت عنهم ..
\nعض على شفته بقهر وهو يقول: اكرهه .. انتحر ولا يكون عندي ابو مثله ..
\nاسيل بصوت منخفض: ما اصدق ..
\nلف عليها وابعد ايده عنها فكملت بصوت مرتجف وعيونها عالارض: ما اصدق .. اني .. من لحمه ودمه ..
\nتنهد وهو يطالع فيها بعدها حط ايده بجيبه وهو يقول بلا مبالاه: لحم ودم ..؟! شكلج تحسين بالجوع مثلي وتبين تيس صح ..؟!
\nلفت تطالع فيه بصدمه ..
\nبعدها عضت على شفتها ودفته بقوه وراحت لجهة الشقه ..
\nهو وين وهي وين .. ماهي فاضيه لخفة دمه اللي جايه بوقت مره غلط ..
\nطاح على الارض من دفتها المفاجئه والقويه ..
\nمسك ظهره وهو يقول: آي إيي آه ..
\nقام من مكانه ولحقها وهو يقول: اسيل لحضه ..
\nوصل لعندها فمشي معها وهو يقول: ما تتحملين المزح ابدا .. إلا تعالي ابسألج .. منو عبد الغني هذا اللي سألج عنه ..؟!
\nهزت كتفها وهي تقول: ما اعرفه .. اول مره اسمع بعبد الغني سطام .. ما اعرف .. باسل خلاص اسكت لا تفتح هذا الموضوع ..
\nهز كتفه وهو يقول: انتي حره ..
\nظلت تمشي وهي سرحانه ..
\nابوها .. قبل شوي كانت واقفه مع ابوها ..
\nوتتكلم مع ابوها ..
\nومن قصة بسام ورؤى كان واضح انه انسان ما عنده قلب ..
\nبس .. بس مو لهالدرجه ..
\nلا مو لهالدرجه ..
\nباسل: ايه اسيل بأقولج شيء ..
\nاسيل بهدوء: باسل هدني لحالي ..
\nباسل: اوكي بس لعلمج ترى يا واحد للشقه ويبي يقابلج فعشان جذي انا نزلت ادور عنج ..
\nلفت اسيل تطالع فيه وهي تقول: واحد ..! منو ..؟!
\nباسل: روحي للشقه وبتعرفينه ..
\nدخلوا للعماره واسيل مستغربه تفكر فقال باسل: ايه صح وين كنتي رايحه ..؟!
\nاسيل: اشتري لي كتاب .. بس خلاص بسام إذا ياء باجر الصبح اطلب منه بيبه لي قبل لا اروح للجامعه ..
\nبعد ما طلعت الدرج اتجهت لناحية شقتها ..
\nفتحتها ودخلت عشان تشوف مين هالواحد اللي جاء يشوفها ..
\nاول ما دخلت وشافته انصدمت ..
\nما كانت تتوقع يكون هو ..
\nقام من فوق الكنبه وجاء عندها ..
\nحط ايده على راسها وقال بإبتسامه: مر وقت طويل على اخر مره شفتج فيها .. تغير شكلج وايد ..
\nاسيل: عمي ..!!
\nهز ابو وائل راسه وهو يقول: ايه عمج اللي كان يدور عنج من اول يوم طلعتي فيه من بيتج .. وائل كلم رفيجتج اكثر من مره بس للأسف ما كنتي تهتمين انج تشوفينا ..
\nنزلت راسها وهي تقول: اسفه بس .. بس لأنه ...
\nقاطعها وهو يقول: خلاص عادي انتهى الموضوع فلا تهتمي له .. المهم انتي كيفج اللحين ..؟!
\nاسيل: الحمد لله ..
\nابو وائل: تعالي ايلسي ..
\nجلست اسيل وجلس عمها جنبها وقال: كيف هو وضعج اللحين ..؟!
\nاسيل بهدوء: تمام .. بسام اللي طلع خالي مهتم فيني وايد ..
\nابتسم وهو يقول: الحمد لله .. يسعدني اشوفج مرتاحه .. ان شاء الله تظلي دوم جذي ..
\nهزت راسها بإيه وما ردت عليه ..
\nتنهد وقال: الله يكون بعونج .. ولدتي في صلب عائله ما يعرفون الرحمه او الشفقه .. ابوج عبد الرحمن قبل لا يموت كلمني ووصاني عليج .. وكأنه كان حاس ان يومه قريب ..
\nاسيل بهمس وألم: الله يرحمه ..
\nابو وائل: آمين .. كان حريص عليج بكل شيء .. يهتم فيج اكثر من اولاده .. غلطته الوحيده انه ما علمج حقيقتج من بدري .. كان خايف من ردت فعلج .. ما يبيج تتضايقين .. بنته اسيل المرحه ما كان يبغى يشوفها مهمومه .. كل مره يقول بعدين .. باجر .. السنه اليايه .. بعد شهر .. كل شوي يأجل .. افهم شعوره .. بس كان هذا الشيء غلط .. اخوي من الاشخاص اللي مشاعره تسبق عقله .. ما يفكر بعقلانيه .. لا يهتم بالمشاعر اولا .. ومع هذا كان رائع بكل شيء .. الله يغفر له ويدخله فسيح جناته يا رب ..
\nاسيل: آمين ..
\nطالع في التلفزيون فتره بسرحان بعدها قال: كان عمرج تقريبا سنه ونص لما لقاج .. وقتها كانت توه بنته اسيل تؤام فارس ماتت .. ولدت اصلا وهي تعبانه وايد .. لما شافج تألم وايد وخصوصا .....
\nسكت شوي بعدها كمل: وخصوصا انه كان يشوف جدامه ناس يرموج في ذاك المجان .. حس بالألم .. ناس عنده نعمه .. بنته بصحه كويسه ومع هذا يتعاونوا برميها وبكل قسوه .. وقتها كان هذا المجان ينب السوق .. كان خلف السوق على ويه التحديد .. علمني كل شيء شافه .. كانت فيه سياره واضح ان صاحبها واحد غني وربي منعم عليه .. نزل منها ثلاث اشخاص .. اثنين واضح عليهم انهم عاديين والثالث كان رزه في مشيته وباين انه صاحب السياره .. سمعهم يقولون كلام كثير .. بس اللي قدر يفهمه هو *عائلة سعد الراهي غنيه بس للأسف رموا بنتهم ولا كأنها بنتهم* .. فعرف ان سعد الراهي هذا يطلع ابوها .. شوي سمع الثاني يقول *يقولون امها سميه كانت ناويه ترميها بنفسها* رد عليه الثاني *حتى يدتها ام امها* .. بعدها سمع الثالث يقولهم بحده *بس انت وياه .. خلونا نخلص قبل لا يكشفنا احد* .. حطوها هناك بالزاويه ملفوفه ببطانيه صغيره وبعدها رجعوا لسيارتهم وراحوا .. كان مصدوم .. بالبدايه كان يضن انها بنت حرام وعشان جذي يبغوا يتخلصوا منها .. بس انصدم لما عرف ان عندها عائله .. ام واب وجده .. وكلهم يبغوا يتخلصوا منها .. انصدم من كمية القسوه اللي تحملها هالعائله .. حاول انه يحسن الضن وقال انه يمكن هم فقارا وما عندهم فلوس تكفي .. بس مهما كان هذا ما يعتبر سبب .. اخذج ووداج عند زوجته احلام ومن وقتها قرر انه يربيج هو بنفسه .. ما قدر يروح للشرطه يبلغ عنج .. ما يبغاج تعيشي على لقب لقيطه .. بعد فتره سأل عن واحد اسمه سعد الراهي .. سأل عن ابوج وانصدم لما عرف انه غني .. يعني سبب رميج مو لأنهم فقارا .. عصب اكثر وكرههم .. ويمكن يكون هذا احد الاسباب اللي خلاه يتردد في انه يعلمج الحقيقه ..
\nهزت اسيل راسها بهدوء وهي تقول: اها ..
\nطالع فيها لفتره بعدها حط ايده على كتفها وهو يقول: اسيل انتي راح تظلي بنت اخوي .. وبيتي مفتوح لج دايما .. اذا انتي مو مرتاحه هني فتعالي عندي البيت .. المهم انج ما تضايقي نفسج ودوري على راحتج .. احنا في زمن صار الاخيار فيه ينعدوا عالاصابع ويارب احسن خاتمتنا جميعا .. ابوج وامج ما يستحقوا انج تضايقي نفسج عشانهم .. المهم ادعي لهم بالهدايه والله كريم ..
\nظلت اسيل ساكته ولا ردت عليه ..
\nتنهد ابو وائل وقال: الوقت متأخر وانا ما ابي أأخرج عن موعد نومج .. انا طالع وراح ازورج من فتره لفتره ..
\nهزت راسها بإيه فقام واتجه للباب ..
\nبعد باسل بسرعه عن الباب بعد ما كان يتنصت ودخل لشقته ..
\nطالع من عين الباب وشافه مار من قدام شقته وبعدها نزل لتحت ..
\nفتح الباب واستند عليه وهو يقول: هذا عمها .. بس بصراحه الكلام اللي قاله محير .. منو يكونون هالناس اللي رموا اسيل .. إذا كانوا من جماعة سعد فكيف .. اقصد فيه شيء غريب محيرني ..
\nتقدم من شقة اسيل وحط إذنه عالباب لعل يسمعها تقول شيء ..
\nفتحت اسيل الباب في هذا الوقت فتلخبط باسل وعدل وقفته بسرعه وهو يقول: اهلا اسيل ..
\nطالعت فيه بعيون بارده فقال: آ آ كنت ابغى ادق عليج عشان اقولج حاجه ..
\nاسيل بتسليك: اها .. اسمع ابغى اسألك سؤال ..
\nباسل: وشو ..؟!
\nظلت ساكته فتره بعدها قالت: المجرم الهارب من العداله .. انت قلت هالجمله لـ .... لسعد قبل شوي فإيش كنت تقصد ..؟!
\nباسل: لانه وببساطه مهرب اسلحه ومخدرات وكشفته الشرطه واللحين هم يدوروا عليه ..
\nطالعت فيه شوي بعدها قفلت الباب ..
\nتنهد وهو يقول: كويس هالمره عدت على خير مع انه كان واضح انها تسلك ..
\nطالع في شقة اسيل شوي فسمع صوتها وهي تجلس ورى الباب ..
\nتنهد وقال بهدوء: الله يصبرها ..
\nراح لشقته وقفل الباب وراه ..
\n
\n
\n
\n
\n
\n========================================
\n
\n
\n
\n
\n
\n
\nفي صباح اليوم اللي بعده ..
\nكانت جالسه على طاولة الفطور تاكل مع امها واخوها ..
\nتنهدت وقالت: مليت ..
\nابتسم اخوها وقال: اصبري .. هو شهر واحد بس بعدها راح تاكلي اللي تبغيه .. اللحين لازم تمشي على كلام الدكتور عشان تستقر الصحه تماما ..
\nهزت راسها بإيه وقالت: عارفه عارفه بس الاكل ممل .. لا مو قصدي .. هو الحمد لله عالنعمه بس طفشت من نفس الاكل كل يوم وعلى كل وجبه ..
\nالام: دانا انتي ما تبغين تصيري بخير ..؟!
\nهزت دانا راسها بإيه فقالت الام: عيل اصبري ..
\nدانا بيأس: طيب .. عالعموم باجي ثمان وعشرين يوم .. ياللا هانت .. راح القليل وباجي الكثير ..
\nعادل: هههههههههههههههه صوتج يحزن ..
\nدانا: اصلا وضعي كله على بعضه يحزن ..
\nعادل: ههههههههههههههههههههههههههههههههه ..
\nطالعت دانا في ساعتها وقالت: خلاص انا رايحه اللحين ..
\nعادل: اللحين صبري اسبوعين وبإذن الله راح اريحج من القلق اللي انتي فيه ..
\nابتسمت وهي تقول: بتريحني وبقوه .. امنيتي اشوفك تمشي وبإذن الله راح تمشي ..
\nعادل: ههههههه دانا خلاص مو لازم هالكلام المؤثر قبل لا تروحين ..
\nابتسمت بعدها طلعت من البيت ..
\nركبت السياره واتجهت للجامعه ..
\nاوووه من زمان عنها .. بصراحه حتى هي الثانيه اشتاقت لها ..
\nوقفت سيارتها في المواقف بعد ما وصلت ونزلت منها ..
\nدخلت للجامعه واتجهت لمكان الشله ..
\nلما وصلت لقتهم كلهم موجودين ومن دون استثناء ..
\nفقالت بإبتسامه: السلام عليكم ..
\nلفوا كلهم عليها بعدها قاموا وصافحوها وبدأوا يتحمدون لها بالسلامه ..
\nوسامي جالس يطالع فيهم بعدها قال: ههههههههههههه اشكالكم تحفه وانتم تقومون بوقت واحد .. ياليت كان الكام معي عشان اصوركم ..
\nجلس يزيد وهو يقول: هههههه اسكت بس ياخي .. لا تقلبها استهزاء ..
\nسامي: ههههههههههههههههههه ..
\nجلست دانا بمكان فاضي وقال عماد: ها كيف صحتج اللحين ..؟!
\nدانا: الحمد لله تمام ..
\nعماد: صج كنتي خبله .. مريضه وتعبانه ولا تقولين لأحد .. شكلج كنتي تبغين تنتحرين .. غبيه وايد ..
\nدانا بإحراج: لا لا مو جذي ..
\nريان: عماد مره مو وقتك ..
\nيزيد: ههههههههههه عماد شتحس فيه .. بديتها هواش ..!!
\nلفت دانا نظرها وطالعت في سامي اللي يضحك وهو يكلم عماد ..
\nمو راضيه .. مو راضيه تتعالج على حساب واحد ثاني ..
\nتحسها صدقه او شفقه ..
\nبس ما تقدر ترجع له الفلوس حتى لو ظلت طول حياتها تشتغل وتجمع فلوس ..
\nصحيت على صوت ضحكات الشله كلها فطالعت فيهم وقالت: شفيه ..؟!
\nلف سامي عليها وهو يقول: ههههههههههههه لا يفوتج بس ههههههههههههههههه ..
\nعماد: ها ها ها بالمره سامجين ومالكم داعي ..
\nيزيد: هههههههههههههههههه وانا اقول شفيها اخلاقك قافله مع الصبح .. اثاري السالفه هي ان عدنان تهاوش مع لينا وتزاعلوا هههههههههههههههه ..
\nريان: هههههههه خلاص يا شباب لا تعذبوه اكثر ماهو معذب هههههههه ..
\nعماد: جزاك الله خير على المساعده اللي مدري شلون اوصفها .. بس ما ابيها ..
\nصالح: هههههه طيب وشهو سبب الهواش ..؟!
\nعماد: ما راح اقولكم ..
\nابتسمت دانا وقالت: طيب عادي .. اصلا انتم دايما تتهاوشون ..
\nعماد: لا هذا الهواش كان كبير ..
\nيزيد: مدري ليه بس حاس ان السبب تافه ههههههه ..
\nعماد: لا مو تافه ابدا .. عالعموم انا ما راح اكلمها إلا إذا يت هي بنفسها تعتذر ..
\nسامي: هههههه وافرض انها ما يت ..
\nعماد: عيل تصك راسها بالطوفه .. غبيه وهبله وتصرفات اطفال .. نرفزتني ..
\nريان: ومن متى انتم متهاوشين ..؟!
\nعماد: من امس الظهر .. هذه اطول مده نظل فيها متهاوشين ..
\nيزيد بدهشه: امس ..!!!
\nصالح بنفس الدهشه: اطول مده ..!!
\nريان: يووه وانا عبالي ان لكم بالقليل ثلاث ايام او اكثر .. امس ..!!! لا والمشكله يقول اطول مده ..!! بصراحه انا لا تهاوشت مع احد يكون يوم هو اقصر مده للهواش مو اطول مده ..
\nسامي: هههههههه اللحين ملعوزنا ومسوي فيها انكم طحتم بهواش صجي ومشكله كبيره وفي النهايه طلعت متضايق لأنها اطول مده تهاوشتوا فيها هي يوم ..
\nعماد: لا لسى ما كملنا يوم .. الساعه ثنتين و13 دقيقه نخلص يوم ..
\nيزيد: ههههههههههه بصراحه زاد شكي انه يكون سبب الهواش تافه ..
\nدانا: عماد .. وشو سبب الهواش ..؟!
\nعماد: احلموا .. ما راح اقولكم .. وكمان عناد فيها ما راح اعلمها انج رجعتي من السفر .. احسن ..
\nابتسمت دانا وهي تقول: ياللا عشاني قول وشو السبب ..
\nطالع عماد فيها شوي بعدها قال: طيب .. عشان بس خاطر دانا ..
\nطالعوا كلهم فيه بإنصات يترقبون السبب اللي متأكدين انه تافه ..
\nطالع فيهم شوي بعدها قال: امس الظهر طلع يدي من المستشفى لأنه كان تعبان .. فكلنا يالعائله رحنا عند عمي الكبير عشان نزور يدي وتقابلنا انا ولينا هناك .. المهم ولد عمي عمره 11 سنه .. طلبنا منه انا ولينا ييب لنا شيء من البقاله .. لما يابه اخذت لينا شيء من حصتي قبل لا ايي .. اخذت الريد بول حقي ولما سألتها عن السبب قالت وببرود بكيفي .. بس حسيت نفسي اشتهيته فأخذته .. عبيطه وقسم .. خصوصا كنت توي متهاوش مع ولد عمتي فهاوشتها .. صرخت هي الثانيه بويهي تقولي جب يالاناني البخيل اللي ما عندك احساس .. تقول دام ان زوجة المستقبل اشتهت شيء واخذته المفروض تقول بالعافيه وتسألها إذا بغت شيء ثاني بعد .. وقسم انها عبيطه .. ترى مو بس هي زوجة المستقبل .. حتى انا زوج المستقبل والمفروض تتعلم شلون تدور على راحتي .. قلت لها تتابع البرنامج اللي على قناة 101 عشان تتعلم حضرتها .. واللي نرفزني اكثر انها قالت البرنامج لأمثالك .. عباطه وهباله ..
\nطالعوا الشله فيه شوي بعدها انفجروا ضحك عليه ..
\nفعلا مثل ما توقعوا .. السبب تافه ..
\nريد بول ...!!!
\nما ودهم يتشمتون صراحه .. بس للأسف غصب عنهم ..
\nيزيد: هههههههههههههههه وربي كنت حاس ..
\nسامي: ههههههههههههههه ريد بول ..!! عشان ريد بول هههههههههه ..
\nريان: هههههههههههه اهم شيء البرنامج .. دامك تعرفه فأكيد تتابعه هههههههههه ..
\nعماد بإنزعاج: ايه قالت لي نفس الكلام اللي قلته يا ريان .. شايف كيف ان مستوى الهباله مرتفع عندها .. بزره وتصرفاتها تصرف اطفال ..
\nصالح: وانت شدراك ان قناة 101 هي نفس القناة اللي عندها هههههه ..
\nعماد: لا لا قنواتنا زي بعض .. انا وهي رتبناها عشان نصير زي بعض ..
\nالكل: ههههههههههههههههههههههههههههههههههه ..
\nعماد بتفكير: يتني فكره .. راح اخرب ترتيب القنوات عشان انرفزها ..
\nبعدها اطلق ضحكه شريره وهو يتخيل وجهها لأنهم تواعدوا انهم ما يخربوها ..
\nاصلا هي كانت صاحبة الفكره .. راح تنجن إذا عرفت وش صلح ..
\nسامي: ههههههههه شكلك يخوف يا عماد ..
\nعماد بخبث: اخخ متى ارجع البيت متى ..
\nريان: هههههههه اخاف تنقلب السالفه عليك ..
\nعماد بثقه: مستحيل .. انا اعرف لينا عدل .. باجر راح اوافيكم بالاخبار ..
\nيزيد: اوكي .. ننتظرك ..
\nسامي بحماس: شباب شباب بقولكم شيء ..
\nريان: وشو ..؟!
\nسامي: ههههههههههه واحنا بألمانيا صار موقف راح يصرعكم ضحك ههههه ..
\nطالعت دانا فيه بصدمه ..
\nلا يكون هذا من جد راح ينفذ كلامه ويعلمهم على سالفة المشي بالممر ..
\nعماد بحماس: وشو هذا الموقف ..؟!
\nسامي: الدكتور قال لدانا تقوم وتمشي بين فتره وفتره بالممر .. هههههههههه رحنا انا وامها لغرفتها عشان تقوم بس ما رضيت وظلت ساكته ههههههههه عارفين ليش ..؟!
\nقامت دانا وهي تقول: وقت محاضرتي ياء ..
\nعماد: هههههآآي دانا تتهرب ..
\nلفت وجهها وراحت للمحاضره ووجها قالب علبة الوان ..
\nوقفت في نص الطريق بعدها لفت تطالع في سامي من بعيد وهو يضحك مع اصحابه ..
\nظهر الألم في نظراتها ..
\nتحبه مع انها عارفه ان نهاية حبها هو الفشل ..
\nمتى بس تطلع من الجامعه عشان يختفي من نظرها وتنساه ..
\nتفكيرها جنوني بس بصراحه هي راضيه فيه حتى لو كان ولد حرام ..
\nعارفه ان مستقبلها راح يكون صعب إذا تزوجته بس هي راضيه ..
\nلكن هذا مستحيل يحصل ..
\nمستحيل دامه هو بنفسه ما يبغى ..
\nفعشان كذا تبغى تطلع لأنها صارت متعلقه فيه اكثر واكثر ..
\nتبغى تنساه .. مع انها متأكده ان نسيانه شيء مستحيل ..
\nبالمره مستحيل ..
\nلفت وجهها وكملت مشيها ناحية الكلاس ..
\n
\n
\n
\n\r\n

\r\n

\r\n \r\n

\r\n \r\n
\r\n

الموضوع الأصلي :\r\nرواية واكتشفت اني لقيطه كامله || الكاتب :\r\nنَقاء أنامِل || المصدر :\r\nشبكة همس الشوق

\r\n\r\n\r\n\r\n\r\n\r\n\r\n\r\n\r\n\r\n\r\n
\r\n\r\n

\r\n

\r\n
\r\n\r\n\r\n

\r\n
\r\n
\r\n\r\n\r\n
\r\n \r\n\r\n\r\n\r\n\r\n\r\n

\r\n

\r\n

\r\n
\r\n\r\n\r\n

\r\n\r\n

29 - 3 - 2014, 11:55 PM

#36

عضويتي » 3646

جيت فيذا » 30 - 11 - 2013

آخر حضور » 2 - 9 - 2015 (01:32 AM)

فترةالاقامة » 4245يوم

مواضيعي » 57

الردود » 2451

عدد المشاركات » 2,508

نقاط التقييم » 103

ابحث عن » مواضيعي ❤ ردودي

تلقيت إعجاب » 0

الاعجابات المرسلة » 0

المستوى » $40 [ â™¥ Bأ©-Yأھu â™¥

]

حاليآ في » Ƨαυđι ᗩяαвια ♥

دولتي الحبيبه » دولتى الحبيبه

جنسي »

العمر » سنة

الحالة الاجتماعية »

مشروبى المفضل »

الشوكولاته المفضله » الشوكولاته المفضله baunty

قناتك المفضلة »

ناديك المفضل »

سيارتي المفضله »

اصدار الفوتوشوب : My Camera:

sms ~

آذا كُنت لآتملِک شَخصاً مُميّزاً فِي حَيآتکْ .. فَ / لآ تحزن .. فَقد تكُوُن آنتَ آلشَخص آلمُميّز فِي حَياة آلكَثِير وآنتَ لاتعلم ..~

نَقاء أنامِل غير متواجد حالياً

رد: رواية واكتشفت اني لقيطه

عندما يبتسم القدر .. يبعث لنا بأجمل الامنيات ..
ابتسم القدر لهم .. وجمع بينهم بعد مشاكل عده واجهاها الاثنين ..
طيبة قلبها .. وصبرها ساعداها على تخطي كل المشاكل اللي صابتها ..
صبرت فنالت جزاء صبرها ..
كانت بدون اصل .. حاولت الانتحار اكثر من مره ..
تمنت الموت آلاف المرات ..
كانت بعيده عن ربها ..
ومن اليوم اللي توكلت فيه على ربها وفوضت امرها له ..
ابتسمت الدنيا في وجهها ..
لقت بيت يسترها .. لقت جامعه تدرس فيها ..
جتها اعانات ماليه من الحكومه .. قابلت اصحاب اعترفوا فيها ..
واخيرا .. صار لها اصل ..
سامحت ابوها دامه بيكون بعيد عن حياتها ..
سامحت جدتها .. وارتمت لحضن امها ..
الله غفور رحيم .. والبشر مو معصومين من الخطأ ..

اما هو .. لسانه الحاد سبب له الكثير من المشاكل ..
اهانها ليثبت لنفسه ان مخطئ لما نبض قلبه لها ..
حاول ينساها بس ما قدر ..
واجه مشاكل عده .. مهند اللي واخيرا عاد لرشده بعد ما حاول يقتله اكثر من مره ..
بعدها مشكلة اولاد عمه اللي ما قد ينام الليل من التفكير فيهم ..
بعدها مشكلة سامي اللي كان يكره وكان يضن انه مجرد مغزلجي مغرور ..
دايم يكون حكمه عالناس خطأ ..
واللحين .. نال ما تمنى ..

وعلى سبيل الاقدار المبتسمه ..
مهند .. اخو الصغيره رزان .. رجعت امه من الخارج وهي بألف صحه وسلامه ..
وطلب من طارق طلب ..
طارق رفض وقال / لما تخلص جامعه وتلقى شغل وقتها بنكون نسايب ..

انس ما زال يبحث لحد ما يلقى وحده تناسب خطيب اخته الراحله ..
ما لقى .. بس واثق بأنه راح يلقى ..
وراكان على دكة الانتظار ..
والانتظار ما راح يطول .. لان الموتى لا يعودون ..
والحياة مستمره ..
لقى وحده مناسبه .. ميار بنت الجيران ..
بس للاسف بنظره هي ما تنفع لراكان ..
يمكن يكون هذا هو السبب ويمكن يكون بالاصل شايل بقلبه لناحيتها شعور خلاه يرفض انها تكون لراكان ..
شعور الحب ..

محبوبنا سامي ..
وابتسمت له الحياة مرة اخرى بعد سنين من العذاب والألم ..
وبكل عبط معروف فيه راح لاخوها يحجزها ..
خلاص .. صارت ملك له مو لغيره ..
اخوها .. ابتسم بوجهه القدر ورجع للجامعه يدرس في حين ان دانا بقيت بالبيت ..
كلها شهرين .. ويتخلى عن العكاز ..
بيدرس ويجتهد من اجل اخته .. ومن اجل زوجة المستقبل ..

فيصل وغيدا .. حب طفوله اختفى مع مرور الزمن ..
لكنه عاد .. بعد انا عاد كل منهما الى ربه تائبا ..

ومن الشجار ينشأ الحب ..
مقلوله تنطبق على الجميلين لين & فهد ..
يزيد & سارا ..

بطلنا ريان .. حس بالملل بعد مرور الزمن ..
جميع اصحابه ما عدا الدافور صالح حددوا مستقبلهم واختاروا شريك حياتهم ..
اختار إختيار عشوائي .. والنتيجه كانت ...
رفيجة غيدا .. خلود البوي ..
بس بطل .. يتزوج من الجماعه مثل صالح ابرك له ..

كانت الاسماء متشابه ..
فإجتمعت القلوب وتشابهت بالمحبه ..
صاري & صفصف .. وصايف ..

عندما نتكلم عن الجمال .. الطيبه .. صفاء القلب ..
نجدها متجسده بأحلى ثنائي ..
لبنى & فارس ..

ليست كل النهايات سعيده ..
فالقدر لم يبتسم بعد لراشد .. وما عليه سوى الانتظار ..
وقريبا سيحصد نتاج توبته الى ربه ..

سعد ما زال قلبه كالحديد لا يلين ..
ولكن لا احد يعرف المستقبل سوى علام الغيوب ..
جاك .. حتى هو ما زال على نفس طبائعه ..
سيلينيا .. عفوا .. ايفان عادت لإبنتها وعاشت معها اجمل حياة ..
جوزيف .. ندم اشد الندم بعدما عرف بأنه ابنه الصغير ما زال على قيد الحياة ..
وسن .. ما زالت في طور تعليمها من قبل صديقاتها ..
وما زال حبها باقٍ لبسام الذي ... الذي كان هو ايضا يبادلها نفس المشاعر الجميله ..
وائل .. استسلم من زمن للامر الواقع وابتعد عن اسيل .. وكلها فتره قصيره حتى اكتشف انه واقع بحب صديقتها ..

هل انتهوا ..؟!
لا .. بقيت مجهولة الاسم .. بطلتنا لينو ..
القدر قد .....
ليه ما نشرح بالتفصيل افضل ..

كانت على طاولة الغدا تاكل .. وكالعاده وحدها ..
ما ازعجها هذا الامر .. لانها عارفه لو صبرت راح يجازيها ربها ..
دخلت خدامه عندها واعطتها ورقه وهي تقول: ماما لينو .. هدا رساله من رجال سيم سيم انا ..
استغربت لينو .. منوه الهندي اللي راح يرسل لها رسالع ..
اخذتها من الخدامه وهي تقول: اوكي شكرا ..
خرجت الخدامه من المكان ففتحت لينو الورقه بإستغراب ممزوج بكمية فضول ..
فتحت عيونها بصدمه اول ما قرت الجمله الأولى ..
*خلاص عرفت اسمج .. وفزت بالتحدي*
غصب عنها ابتسمت .. لانها عرفت مُرسل الرساله ..
هو نفسه إياد ..
كملت تقرأ كلامه ..
*من زمان وانا افكر لدرجة اني ضنيت انج تجذبي علي واسمج قد قلته .. بس بلحضة تفكير تذكرت كلامج لما قلتي لو تضيف نقطه فراح تقرب من الاسم ..
هذا يعني لو اني اضفت نقطه فراح اقرب من الاسم وانا من زمان كنت فاهمها انه لو اضفت نقطه راح يطلع الاسم من بين الاسماء اللي قلتها ..
حاولت كثير واضفت نقاط لكل الاسماء .. ايه صح ترى بغيت ازورج بنفسي واقولج لانه لو كان ويه لويه بيكون وناسه بس اختي هاوشتني وقالت عيب تروح لوحده بروحها بالبيت :/
المهم ما علينا .. حاولت كثير بس بدون فايده .. بعدها بديت افكر شوي .. هالنقطه ليه ما اضيفها لاسمج الدلع ..؟! يمكن اوصل لشيء ..
فعلا اضفتها ووصلت لإسم ليتو .. وهنا خلاص عرفت اسمج .. هو ....*
ابتسمت وهي تقرأ الاسم ..
فعلا جابها وفاز بالتحدي ..
بصراحه .. كانت متوقعه انه بيقدر .. لانها اكتشفت انه يمتلك ذكاء كبير ..
كملت قراءة الرساله ..
*عالعموم بغيت بس اخبرج بالاسم واقولج اني انا فايز عليج .. وعلى فكره حبيت اعترف لج بإعتراف .. مرضج ماله علاج .. آسف لاني جذبت وقتها وقلت انه ممكن تحملي ..
بس عادي لا تشيلي هم .. باجر لا تزوجتج راح نربي طفل من الايتام ويصير لنا ولد .. منها ناخذ اجر ومنها وناسه يكون لنا ولد .. ونقدر ناخذ ثلاث واربع عادي *
انقلب وجهها الوان من كلامه الصريح هذا ..
هذا جريء بزياده ..
ابتسمت بهدوء .. ما تدري ان كان كلامه هذا هو بالاصل شفقه عليها ولا من جد يحبها ..
انصدمت لما قرت الجمله الجايه من الرساله ..
*تكونين مهستره وغبيه لو ضنيتي اني بأتزوجج لاني مشفق عليج .. ما تعرفي شيء اسمه حب ..؟! ابحثي بالنت .. وعلى فكره اختي هاوشتني لما قرت هذا الكلام وقالت اني بزر .. بيي يوم وانتحر بصراحه من كثرة ما يقولوا اني بزر * ..
ابتسمت وكملت قراءه ..
*صحيح اني لسى ما وصلت 18 بس ترى عقلي اكبر من سني .. ايه تصدقين ياني احباط شديد .. اختي اللي اكبر مني بسنتين طلع طولها مثل طولي ..
ليش .. المفروض اكون اطول .. ياللا ماكو مشكله .. السنه اليايه اصير اطول منها .. شدي حيلج بدراستج طيب ..
مع السلامه .. يا تالا *

*ايه واخيرا اتحداج تطلعي اسم ولد من الرساله*

مواقع النشر (المفضلة)

الكلمات الدلالية (Tags)

لقيطه, واكتشفت, رواية

جديد منتدى همس للقصص وحكايات وروايات

رواية واكتشفت اني لقيطه كامله

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

تعليمات المشاركة

لا تستطيع إضافة مواضيع جديدة

لا تستطيع الرد على المواضيع

لا تستطيع إرفاق ملفات

لا تستطيع تعديل مشاركاتك

BB code is متاحة

الابتسامات متاحة

كود [IMG] متاحة

كود HTML معطلة

Trackbacks are متاحة

Pingbacks are متاحة

Refbacks are متاحة

قوانين المنتدى

المواضيع المتشابهه لموضوع: رواية واكتشفت اني لقيطه كامله لموضوع: رواية واكتشفت اني لقيطه كامله
الموضوع	كاتب الموضوع	المنتدى	مشاركات	آخر مشاركة
رواية تعذبت وماشكيت واكتشفت ان طيبة قلبي هي سبب حالي	البارونة	همس للقصص وحكايات وروايات	17	20 - 4 - 2025 06:46 PM
رواية الا ليت القدر كامله	نَقاء أنامِل	همس للقصص وحكايات وروايات	71	7 - 9 - 2014 02:20 AM
رواية رغد وبدر كامله	سجات التهاويل	همس للقصص وحكايات وروايات	133	7 - 9 - 2014 02:14 AM
رواية شغب بنوته كامله	نَبض♡~	همس للقصص وحكايات وروايات	16	16 - 2 - 2014 05:50 PM
رواية ارادة رجل كامله	ادمنت تعذيبك	همس للقصص وحكايات وروايات	35	22 - 4 - 2012 01:48 AM

Google Pagerank mérés, keresőoptimalizálás

{ إلا صلاتي )

الساعة الآن 11:38 PM

SEO by vBSEO