رواية ليت دنياي تجي على الكيف - الصفحة 3

14 - 8 - 2014, 11:57 AM

: (منيره..ماتعبتي؟)

: (آآه ..والله تعبت)

شفته ينزل من سريره ويقعد على

الكرسي اللي جنبي ..

: (وأنا بعد تعبت)

: (وليد ليه ماتصارحني؟)

ناظرني كم دقيقه..يتأمل..

: (منيره انتي ليش قلتي الكلام اللي

قلتيه؟)

: (وانت ليش قلت الكلام اللي قلته؟)

عقد حواجبه: (أي كلام؟)

: (اني تعبتك معي)

تفاجأ وفتح عيونه على وسعهن: (أنا قلت كذا؟)

: (ماهو بالضبط..انت قلتي اني جننتك)

ناظرني متفاجأ: (ألحين بفهم انتي

قاصده الكلام اللي قلتيه؟انتي..انتي

تكرهيني؟)

نزلت راسي..

: (ماهو وقت خجل..قاصده والا؟)

كنت أفكر..أقول له؟!بس وكرامتي

أنا أدري انه مايحبني..وما سأل عني..وتزوجني بطريقه تعتبر ذل لأي بنت ناس..أقدر أقول شراني بفلوسه..بس يظن انه بيشتري مشاعري؟..المشاعر ماتنشري..الحب

ماينشري..رفعت راسي وناظرته..أول ماشفته نسيت كل الكلام اللي

فكرت فيه وما انتبهت على نفسي الا وأنا أقول..

: (أنا ماأقول أحبك..

قديمه قولة أحبك..

يتيمه قولة أحبك..

عقيمه قولة أحبك..

سخيفه مالها معنى ولا مضمون

سخيفه مثل شمعه ..

بشمس الكون

تعديت الهوى والحب

أنا في مرحلة حب ....

تفوق الحب

تفوق الوصف والتوصيف ...

والتخريف

أنا حبي تعدى الحد ..

أنا جمره .. بعز الصيف ..

..... ماتت برد ....)

14 - 8 - 2014, 11:58 AM

مرت دقايق صمت..قال بعدها: (انتي

جننتيني..جننتيني يامنيره في حبك..

كنت عايش بروحي ولاهمني في هالدنيا غير أعمالي..حياتي أشغال بأشغال..وفجأه شفت وحده في مجلس..بنت عفويه..بهرتني بلباسها البسيط في حركاتها وسوالفها.. تزوجتها وأنا حاط في بالي هذي

البنت بتصير حياتي معها غير..و ما

خاب ظني لأنها صارت هي حياتي..

فهمتي يامنيره وشلون جننتيني؟)

نزلت راسي بعد كل هالاعترافات..

: (والا لازم أدفش المعلومه دفش

علشان تفهمين؟! جننتيني في حبك

يامنيره)

مادريت بنفسي الا وأنا في حظنه..سمعته يتنهد وهو يقول يارب سامحني..يارب..(كنت محتاجك يا منيره..محتاج هالحضن من زماان)

بنفس اليوم طلع وليد طبعا بعد توصيات من الدكتور ونصايح مني

طول الطريق للبيت..

أول ما دخلنا غرفتنا..فتح وليد الكبت..

: (وشرايك أختارلك قميص النوم؟)

هزيت راسي ونزلته..الأخ قعد يتمقل في الملابس.. طلع بعدها قميص نوم وحطه في وجهي.. يووه الهوا اختفى ياجماعه والا أنا

أتخيل؟..

في الصباح قعدت ولفيت وجهي يوه

احساس حلو انك تشوفين زوجك

وحبيبك جنبك..تأملت ملامحه..عيونه

المرسومه رسم والا خشمه الحاد

وشفايفه اللي تذبح..وغمازاته اللي

كل ماضحك أو حتى ابتسم ظهرن

وخبلوا فيني..شفت خصل شعره

تطيح على وجهه رفعت يدي و رجعتها ورى ومسحت على شعره

كان مغمض عيونه..

14 - 8 - 2014, 11:59 AM

: (أحبك حب لو يرمى بصحرا غدت

بنيان وبحور ومواني..أحبك حب لو

يرمى بغابه نزل في وحوشها عطف حناني أحبك حب طول العمر

كله ويعجز عن تواصيفه لساني)

ضربته على كتفه وأنا أقول : (يعني قاعد وتضحك علي؟)

فتح عينه: (ألحين زوجك يتغزل

فيك تقومين تطقينه؟)

لفيت عنه وقمت..

طلعنا في هاليوم أماكن كثيره..

منتزهات ومطاعم.فطور وغدى و

عشا..آخر شي تمشينا في الحديقه.

14 - 8 - 2014, 12:06 PM

الجزء الثالث...

مر شهرين ولا أحلى كانت حياتي معه غير..تصرفاتنا تغيرت..نفسيتنا

تغيرت..عرفت الحب ومعنى الحب..

سألتنه عن عائلته قال ان أمه و أبوه متوفين وماله غير أخت وحده بس متزوجه ومقاطعته من زمان..كانت عليه تصرفات تجنن..مثلا مره قمت الصبح ولقيت الغرفه مليانه ورد أحمر..قعدنا بينه وقعد يدللني وطبعا تالي تأذيت وأنا ألمه..و مره كنت سهرانه أتابع فيلم رعب و فجأه شفت واحد وراي يوم لفيت الا وليد لابس قناع يخرع زين ما أغمى علي..ومره تهاوشت معه و زعل مني قعدت ساعه أراضيه و هو يتغلى لين عصبت وتركته.. قعد هو يتحايلني ويراضيني..أيام ماتنسى..فيه الحلو والمر..حتى مرها حلو.. بس الناس قالوا الأيام الحلوه ماتدوم..

كان أسبوع ماراح أنساه أسبوع تغير فيه كل شي..يدخل وليد البيت معصب أحيانا وأحيانا متوتر وآخر الأيام حزين لدرجه مو طبيعيه والعصبيه زايده.. كنت كله أسأله وليد شفت مني شي؟اذا أنا زعلتك قولي..كان يرد ويقول لا ما

فيه شي..وفي يوم ماراح أنساه أبد

دخل البيت معصب ودخل مكتبه دخلت وراه وأنا مصممه اني أعرف وشالسالفه..

: (وليد شفيك؟)

: (منيره كم مره تسأليني وأقول لك مافيني شي)

: (هالمره ماراح أتركك إلا اذا قلت لي)

: (منيره قلت لك مافيني شي خليني

لوحدي)

: (لا خلاص خليتك على راحتك بما فيه الكفايه أنا زوجتك ياوليد قول

لي)

عصب وقام من مكتبه وهو يقول

: (الظاهر اني بندم على زواجي منك

يامنيره)

ناظرته متفاجأه..تركت له المكتب و

صعدت غرفتي..لو كان وليد على طبيعته كان زعلت منه بس حبيبي تعبان وأنا عاذرته..ما أنكر اني زعلت وحزت في نفسي لكن أدري انه مو قاصدها.. ثاني يوم الحاله صارت أسوء وأسوء والتجريح زاد

لكني كنت أعذره..ثالث يوم صار اللي

14 - 8 - 2014, 12:07 PM

ماتوقعته أبد..دخل علي وليد وقال أجهز أغراضي كلها بنروح لأهلي.. فرحت كثير لأني ماشفتهم من يوم

زواجي بسبب انشغال وليد..قمت و حظنته من فرحي وجهزت أغراضي

طول الطريق لبيتا و وليد ساكت أما أنا فرحاااانه وقاعده أهذر..

زمانك لو صفا لك يوم

فلا تحسب صفا لك دوم

وعينك لا اهتنت بالنوم

ترا الأيام غدااااااره ..

وصلنا البيت وأنا كلي فرح ..نزلت أنا و وليد اللي نزل أغراضي.. دخلت

وحضنت أمي وأبوي ودموعي نزلت

من عيوني من شوقي لهم.. قعدت أسولف معهم ..وليد كان ساكت

قال وليد انه يبي يروح المجلس هو وأبوي راحو..أما أنا قعدت عند

أمي اللي قعدت تحبب فيني وتقول

كنك ضعفتي وتسأل من هالأسأله

(وشلون وليد معك؟ان شاء الله مرتاحه؟وشلون بيتك؟عندك جيران؟) هذا غير التوصيات(هالله هالله بزوجك يابنتي..ديري بالك عليه..لاتطلع منك الشينه..بيضي وجهي قدام الناس..لاتسمعين كلام

الحريم وحافظي على زوجك) والله

اشتقت لأمي ونصايحها..ياناس الأم

غير نصايحها غير..طبعا قلت لها ان وليد ما قصر معي وطمنتها.. كنت مشتاقه لغرفتي صعدت فوق وأول

مادخلتها تذكرت آخر مره كنت فيها..أول ماتزوجت كنت حاسه اني انتهيت وان الحزن ماله نهايه وهالزواج هو اللي بيذبحني..لكن اكتشفت اني غبيه وان كل شي تغير بعد الزواج..صدقوني ما أقول

لكم حياتي مع وليد كامله و رومانسيه ومافيها هم..بالعكس حياتي كانت مزيج..وهذا الشي خلاها حلوه..فتشت كل شي في الغرفه ولقيت القميص اللي فيه تواقيع البنات وكلامهم آخر يوم امتحان (نسيت أقولكم طلعت نتيجتي وجبت 86..كلمت وليد عن اني أكمل دراستي قال ماعنده مانع) دق جوالي ولقيت اسم هند على الشاشه.. سولفت معها شوي و

14 - 8 - 2014, 12:07 PM

سكرت عنها.. نزلت تحت أشوف الباقين..لقيت أمي وأبوي مجتمعين

كانت أشكالهم ماتطمن..

: (أشوفك يبا هنا أجل وين وليد؟)

ياخساره حبنا فيكم حرام

واتضحلي معدنك على العموم

ماعلى حبك ولاشوفك ملام

الملامه هي على قلبي ألوم

لو نسيتك من حياتي والسلام

نعمة النسيان من ربن رحوم

نزل أبوي راسه ولا تكلم..وأمي حطت يدها على وجهها وهي تصيح

وتقول (حسبي الله عليه..ليتني ما وافقت..ليتني وقفت في وجهك)

أبوي اكتفى بانه يمد يده بورقه لي.. رحت لأبوي ومسكت الورقه و أنا مستغربه..قريتها مره واثنين و

ثلاثه..

: (يبا وين وليد؟)

: (رجع بسيارته)

قريت الرساله مره رابعه..يمكن فيه

شي فاتني..

منيره ما أدري وش أكتب..لكن حنا

مانقدر نستمر مع بعض..والطلاق هو أحسن حل علشاني وعلشانك.. ما ارتحت معك وانتي ماراح ترتاحين معي..الطلاق ان شاء الله بيكون بعد ثلاث شهور..على الأقل يكون مر سنه على زواجنا..علشان ما اتكلم الناس عنك..

صعدت لغرفتي بدون ما أكلم أحد

14 - 8 - 2014, 12:08 PM

مسكت جوالي ودقيت على وليد ما رد علي..قعدت أدق تقريبا لساعات وهو مايرد علي آخرتها قفل جهازه..رميت الجهاز على سريري و انهرت أبكي ..اللي صار حلم والا علم؟أنا شسويت له؟معقوله ماكان يحبني؟.. أسبوع كامل انهرت فيه بكيت و فكرت..ماقدرت آكل ولا أكلم أحد.حاولت أمي فيني ماقدرت ماشفت أبوي.وفي يوم دخلت علي من الباب هند..ضميتها وبكينا..سولفت معها بس ماحبيت نتكلم بالسالفه..بعد ما طلعت دريت من أمي انها ملكت و زواجها بعد شهرين..وشلون ما قالت لي؟ كلمتها بالجوال قالت انها خافت علي اني أزعل..هاوشتها وقلت أنا أختك ولازم تقولين لي..وقعدت اتعذر وآخر المكالمه باركت لها..

مسكت جوالي وأرسلت لوليد هذي الرساله..

(تذكر قلتلك مره أحبك عهد من يومها شايل ثقيله و وفيت و لا نسيت أيام حبك هاذي عادة النفس الأصيله)

آآه ياقلبي بس لو أعرف وشفيه؟

ليه يسوي فيني كذا؟يمكن لو أحد

مسوي فيكم مثل اللي سواه وليد فيني كان كرهتوه..بس وش أسوي أحبه..أحبه ومستحيل أكرهه

وصل لي تقرير الاستلام..يعني قراه؟..دقيت ودقيت ولا رد..

بعد أسبوعين حاولت أطلع نفسي من هالحاله رحت السوق مع هند علشان أشتري ثوب عرس و هند تتشرى لعرسها..شريت ثوب فستقي غامق..كان ناعم..كنت قاعده

في المحل وهند داخل تقايس.. سمعت وحده دخلت المحل وتنادي (وليد) فز قلبي وأنا أناظر المره و

أدور وليد وأتخيل حبيبي يدخل المحل..أول ماناظرت الا ولد صغير دخل ..كان حلوو..ابتسمت والدمعه نزلت على برقعي..مسحت عيوني و

رحت لهند الي خلصت وكانت تناديني

...في السياره وبطريق الرجعه...

: (منيره وشفيك؟)

: (مافيني شي ليه السؤال؟)

: (وشلون مافيك شي؟طيب ونظرة

الحزن اللي تطل من عيونك؟)

: (أي نظرة الله يهديك؟مافيني شي)

: (مو علي وبعدين ليه الدموع اللي

شفتها بعينك في المحل؟)

: (يتهيأ لك)

: (مناير موعلي أنا هند)

: (هند غصب يكون فيني شي؟)

: (خلاص كيفك بس اذا ضغطتي على نفسك أكثر من كذا بتتعبين)

قلت لها لاتخافين ومافيني شي.. نزلت

وقعدت معها الى صلاة العشاء رجعت بعدها للبيت..

14 - 8 - 2014, 12:11 PM

رحت لغرفة أبوي..اللي من يوم تركني وليد وأنا ماشفته..فتحت الباب ولقيته منسدح على سريره..

قعدت عنده..ناظرني مستغرب..

: (منيره فيك شي؟)

: (اي فيني)

جلس أبوي وهو يقول: (وشفيك؟)

: (فيني ان أبوي الغالي تغير علي)

سكت أبوي وهو متفاجأ..

: (يبه تكفى قولي انت تلومني؟)

تفاجأ أبوي وناظرني وهو مستغرب: (ألومك؟أنت تظنين اني ألومك؟)

: (يبا ماشفتك من يوم ماتركني وليد هنا.. اتهرب مني كأني أنا المخطئه)

: (منيره أنا ما ألومك..أنا استحيت منك لو اني مارميتك عليه كان ما صار اللي صار)

معقوله أبوي يلوم نفسه؟وأنا طول هالمده أظن انه يلومني؟!

نزل راسه أبوي قربت منه: (فديت راسك يبه..أنت زوجتني مارميتني..وأنا وافقت..لا أنا ولا أنت لنا يد باللي صار..وليد هو اللي ظلمني..ورماني)

حبيت راسه وأنا أقول: (يبا لا تحملني وتحمل نفسك ذنب شي ما لنا دخل فيه)

مرت هالليله على خير..تصالحت فيها

أبوي..ماتصدقون وشكثر ارتحت..

مثل ما انتو عارفين موعد الطلاق بعد ثلاث أشهر كنت خايفه مر شهرين و مابقى غير شهر واحد على الطلاق وكل ماقرب الوقت تتعب نفسيتي أكثر وأكثر..في يوم..كلمتني هند بموضوع..أخوها يبيني..ماصدقت زعلت عليها وقلت أنا متزوجه..

: (بس بتطلقين)

سكت عنها..: (منيره لايكون لي ألحين تبينه؟)

: (ها..لا )

: (منيره لا اتأملين بأنه يرجع.. انسيه..انسيه يامنيره مثل مانساك)

قلت لها ان هالموضوع تو الناس عليه..ومهما كان أنا لي ألحين متزوجه..قالت لي بعد زواجها و بأول زياره لها في بيت أهلها.. اذا تطلقت..بتشوف رأيي..

14 - 8 - 2014, 12:11 PM

رحت لغرفة أبوي..اللي من يوم تركني وليد وأنا ماشفته..فتحت الباب ولقيته منسدح على سريره..

قعدت عنده..ناظرني مستغرب..

: (منيره فيك شي؟)

: (اي فيني)

جلس أبوي وهو يقول: (وشفيك؟)

: (فيني ان أبوي الغالي تغير علي)

سكت أبوي وهو متفاجأ..

: (يبه تكفى قولي انت تلومني؟)

تفاجأ أبوي وناظرني وهو مستغرب: (ألومك؟أنت تظنين اني ألومك؟)

: (يبا ماشفتك من يوم ماتركني وليد هنا.. اتهرب مني كأني أنا المخطئه)

: (منيره أنا ما ألومك..أنا استحيت منك لو اني مارميتك عليه كان ما صار اللي صار)

معقوله أبوي يلوم نفسه؟وأنا طول هالمده أظن انه يلومني؟!

نزل راسه أبوي قربت منه: (فديت راسك يبه..أنت زوجتني مارميتني..وأنا وافقت..لا أنا ولا أنت لنا يد باللي صار..وليد هو اللي ظلمني..ورماني)

حبيت راسه وأنا أقول: (يبا لا تحملني وتحمل نفسك ذنب شي ما لنا دخل فيه)

مرت هالليله على خير..تصالحت فيها

أبوي..ماتصدقون وشكثر ارتحت..

مثل ما انتو عارفين موعد الطلاق بعد ثلاث أشهر كنت خايفه مر شهرين و مابقى غير شهر واحد على الطلاق وكل ماقرب الوقت تتعب نفسيتي أكثر وأكثر..في يوم..كلمتني هند بموضوع..أخوها يبيني..ماصدقت زعلت عليها وقلت أنا متزوجه..

: (بس بتطلقين)

سكت عنها..: (منيره لايكون لي ألحين تبينه؟)

: (ها..لا )

: (منيره لا اتأملين بأنه يرجع.. انسيه..انسيه يامنيره مثل مانساك)

قلت لها ان هالموضوع تو الناس عليه..ومهما كان أنا لي ألحين متزوجه..قالت لي بعد زواجها و بأول زياره لها في بيت أهلها.. اذا تطلقت..بتشوف رأيي..

14 - 8 - 2014, 12:13 PM

يوم عرس هند الغاليه لبست الثوب الفستقي وتجهزت في الصالون معها..لبست عدسات زيتيه..هند و خواتها مدحوني..وكالعاده ضحكت وغيرت الموضوع..ما أحب أحد يمدحني..كانت المسكينه هند متوتره و خايفه..وكنت أحاول أسولف معها علشان تنسى اللي هي فيه .. دخلت معها الصاله..وأقول لكم الصراحه حسدتها على اللي هي فيه..عرس و صاله..وناس تفرح لها..رقصوا البنات وطبعا طلبوا مني أرقص بس تعذرت منهم

لاني ما أحب أرقص..وعلى الساعه وحده ركبت أنا وأمي مع خالتي حصه(أم هند) مع ولدها جاسم (الخطيب المستقبلي) لا تظنون بكلامي هذا اني موافقه..لأني مستحيل أتزوج مره ثانيه..أتذكر جاسم من أيام الطفوله..كان الشاب الضعيف المملوح واللي قلبه طيب.. يحب يدافع عن الناس..أول ماركبت السياره..سلمنا عليه..خالتي حصه قعدت قدام أما أنا وأمي وتهاني ودانه (خوات هند)قعدنا ورى..

سلم جاسم على أمي وسألها عن أخبارها بعدين سكت.. شغل بعدها شريط أغاني وظلينا ساكتين الا أمي وخالتي حصه كانوا يسولفون طول الطريق..الساعه وحده ونص وقفت السياره قدام بيت خالتي حصه ونزل جاسم قبلنا دخلت أمي البيت قبلي أما أنا سلمت على خالتي حصه والبنات ودخلت بعدها البيت..أول مادخلت الصاله نزلت عباتي..

: (منيره أبوك يبيك بالمجلس)

ما ترتضي نفسي مذله و حقران بردها عمن سعالي بذلي نفسي عزيزه ساميه فوق يا فلان أبعد من نجوم الثريا محلي

أول مادخلت المجلس شفته.. كان قاعد مع أبوي..وقفت عند الباب..

معقوله؟! وليد؟..حسيت راسي افتر والدنيا تدور فيني..انتبهو علي..قام أبوي وطلع من المجلس..ليه يطلع ما أبي أقعد مع وليد لوحدنا.. كنت واقفه بمكاني وأناظر الأرض.. وجهي مافيه أي تعبير..جامد..كنت واقفه أتذكر آخر مره شفته في البيت يوم كان ساكت وأنا أسولف مع أمي وأبوي..تذكرت يوم نزلت و

قريت الورقه اللي كتبها..(ما ارتحت

معك)تذكرت كلامه معي(الظاهر اني

بندم على زواجي منك يامنيره) رفعت راسي أناظره..كان قاعد و هو يناظرني..كأنه يحاول يكتشف شي من ملامحي..نظرته مشتاقه بس بارده..نظرته متملكه بثقه.. نظرته القديمه..لكن فيها اختلاف.. فيها تعب..أكيد سهرات وطلعات و حريه..

: (شلونك منيره؟)

ليه ياقلبي تدق بقوه لاسمعت صوته..ياقلبي تراه خانك..

: (بخير)

: (ليه ماتقعدين؟)

: (لأني تعبانه وبروح أنام)

ناظرني في برود..ورفع يده يمسح شعره ويرده على ورا..

: (رحتي عرس صديقتك؟)

سكت عنه..وش يبي بالضبط..بعد ما رماني جاي ألحين يسولف معي..

: (من اللي جابك؟)

: (وش جابك؟)

كان ودي أعرف ليش جاي وش يبي مني..لكنه كمل ولا كأنه سمعني

: (ولد جيرانكم صح؟)

: (وش تبي مني؟)

: (جاسم..وركبتي السياره معه؟)

: (ليش جاي ألحين؟)

المواضيع المتشابهه لموضوع: رواية ليت دنياي تجي على الكيف لموضوع: رواية ليت دنياي تجي على الكيف
الموضوع	كاتب الموضوع	المنتدى	مشاركات	آخر مشاركة
رواية شياطين تدوس الارواح واو احلا رواية قريتها	البارونة	همس للقصص وحكايات وروايات	13	20 - 4 - 2025 07:22 PM
عمر المشاعر ما تجي على الكيف	همسة الشوق	همس للأثاث والديكور	8	10 - 2 - 2017 10:03 PM
شيلة يا راعيه الكيف	سجات التهاويل	همس الشعر و الشيلات الصوتيه	2	31 - 12 - 2015 09:49 PM
اعن له عنة هل الكيف للهيل	جروح الم	همس مطبخ حواء	5	5 - 11 - 2014 01:04 PM
لتدخين كبر علة و صل الكيف في الدلة	لمحة سراب	همس الصوتيات و المرئيات الإسلامية	5	17 - 2 - 2012 09:54 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

التسجيل مجاني
سجلاتنا تفيد بأنك غير مسجّل ,, يرجى التسجيل اسم العضو كلمة السر تأكيد كلمة السر البريد الإلكتروني تأكيد البريد الإلكتروني تاريخ الميلاد: هل انت موافق على قوانين المنتدى؟