رواية قول احبك واترك الدنيا لعيونك - الصفحة 31

17 - 9 - 2014, 06:06 AM

ريان&غلا
غلا:ياروح غلا انت فديتك
ريان:يالبييييييييييييييييه ياخلق وش هالكلام الحلو
غلا:الكلام الحلو مايطلع الا لك مدري ليش
ريان:وهـ وهـ فديته الحلوووو وفديت الكلام من لسانك
غلا:ريان لاتدلعني كذا بعدين تتغير علي بعد الزواج
ريان عدل جلسته:برايك انا بتغير على كذا انتي بعد بتتغيرين
غلا:لا والله ما اتغير انشالله اموت اذا تغيرت
ريان بشوي عصبيه:انتي مجنونه ليش تدعين على نفسك تبين تحرميني حياة انتي فيها وتحسبين اني اقدر على هالحياة
غلا:ريان انت من جد تحبني ولا ...
ريان قاطعها:احبك وبس انتي مجنونه انا اعشقك يامجنونه والله اعشقك
يتبع

17 - 9 - 2014, 06:07 AM

يتبع
بيت ابو سطام كان طالع من البيت بس سمع صوت ابوه يناديه
ابو سطام:سلطان
سلطان:سم يبه
ابو سطام بحده:اجلس ابيك
جلس سلطان وهو يتهرب بنضراته من ابوه وقال:امر
ابو سطام:بسألك وجاوبني ؟
سلطان:تفضل
ابو سطام:من يوم ملكت على بنت عمك سريت عليها كلمتها ولا سألت عنها
سلطان صدمه سؤال ابوه وارتكب:آآ ايه ايه طبعاً رحت لها وجلسنا وكلمتها
ابو سطام بحده:انا ماربيتكم على الكذب ياسلطان قلي ليش ماتسأل عنها وتروح لها
سلطان بلع ريقه وهو يطالع يدينه اللي عاقدهم وبعد تردد قال:يبه انا ماابي هالبنت ما ابي اظلمها معي
انا ما احبها ولا هي تحبني
ابو سطام طالعه بستهزاء:وحنا من متى عندنا الحب قبل الزواج ولا الغرب وعاداتهم اخذت عقولكم حنا اهل الزواج التقليدي
والحب بعد الزواج ويمكن ما يتسمى حب حرفاً ولكن العشره ياولدي هي الحب وشيل الأفكار اللي مالها معنى من راسك واسأل عن زوجتك
تراها ضعيفه وما لها دخل بأفكارك
سلطان حس انه مقصر وخجلان من حركاته <<قال وهو يقوم:ولا يهمك يا لغالي بسأل عنها وبكلمها
ابو سطام:انا ادري اني غصبتك عليها ياولدي بس انا ما ابيك تسأل عنها علشاني انا ابيك تسأل عنها عشان انت تبي تسأل عنها
عشان انت تخاف عليها والأهم يكون فيه شي من داخلك يقول لك انه انت المسؤل عن هالأنسانه ترى صدقني وانا ابوك الشعور بأنك مسؤؤل عن احد
وتخاف عليه هو افضل شعور بالدنيا وهو الشي الوحيد اللي يبث انك رجال قد المسؤوليه اما بالوضع <<وهو يأشر عليه:اللي انت فيه وبأهمالك لها
ما اثبت لي وللكل الا انك مو قد المسؤليه
سلطان تنهد وقال بقهر:مو قادر اتقبل الفكره وانها سارت زوجه وبذمتي بيوم وليله
ابو سطام قام من مكانه وربت على كتف ولده:اللي ماتقبله اليوم بتقبله بكره بس انتبه انتبه اسمع بيوم انك زعلتها او اهنتها ماتبي تحبها بكيفك بس
اصحك اسمعها تشكي منك <<وراح وخلاه حاير بتفكيره وبعد تفكير طويل قرر يروح لها ويسمح خاطرها مهماا كان هي مالها ذنب بحبه
************************************************** ************************************************** *********************************************

17 - 9 - 2014, 06:08 AM

بيت ابو فيصل
غلا متربعه على سرير فيصل:طيب وبعدين بتقعد كل يوم على هالحال
فيصل بتعب:ياغلا انتي ماتدرين وش كثر احبها يعني وبعدين لازم اعيد وازيد واقولك انه حبنا ماكان من يومين
غلا:ولأني ادري شكثر تحبها اقولك هالشي لاتقعد حاط ايدك على خدك سوي شي رجعها لك
فيصل ابتسم بستهزاء:لو بيدي رجعتها كنت رجعتها من زمان لكن انا طلقتها ثلاث طلقات ورسمياً وبالشرع والدين المفروض انها ماترجع لي الا بمحلل
وانا مستحيل ارضى بهالشي
غلا تنهدت بقهر:طيب وبعدين يعني مافي حل ثاني خلاص للأبد
فيصل:ما اضـ
دخلت تاله وهي تركض ووراها فهد قالت بسرعه:ياحلوين ابي اجابه ترا السالفه رهان بيني وبين فهيدان
فهد:اص اص بس كلامي هو الصح وبتشوفين
تاله:آآ
قاطعهم فيصل بطفش:انتم ماتعرفون تطقون الباب لا وداخلين تتهاوشون بعد
تاله:الموضوع مهم ما يتحمل تأجيله لين نطق الباب
فيصل حرك راسه يمين ويسار دليل اليأس:الله يعين اللي بياخذك ها وش عندكم
فهد:الحين الوحد اذا تطلقت ثلاث طلقات
فيصل بأهتمام:ايه
فهد يكمل:متى يبطل الطلاق انا اقول بحاله وحده وهي انها تكون حائض صح كلامي ولالا
وتاله تقول وش دخل الحيض بالطلاق
غلا وهي ناسيتهم عقدت حواجبها وهي تطالع فيصل:حائض
فيصل وهو يفكر بنفس تفكيرها:او حامل <<وطالعو بعض ببتسامه ويتخللهم شوي امل بالثانيه قبل الأولى
قامت غلا بسرعه ولحقها فيصل ورفعت جوالها متصله على شموخ
************************************************** ******************************************
بيت ابو سيف كانت متعمقه بنومتها وتحس انه فيها خمول مو طبيعي دق جوالها يقطع عليها نومتها الحلوه
وردت بدون تشوف الرقم
شموخ وصوتها فيه النوم:الوو
غلا وهذا املها الأخير:شموخ كيفك ؟؟
شموخ فتحت عيونها ببطئ تستوعب الصوت وبعدها قالت بفرحه:هلا غلاوي كيفك ؟؟

17 - 9 - 2014, 06:09 AM

غلا ببتسامه على فرحة شموخ:والله ياشوشو ماني بخير
شموخ عدلت جلستها وبخوف:ليش عسى ماشر ؟؟<<وبلهفه بدون شعور: فيصل فيه شـ<<استوعبت اللي تقوله
وقالت بلهجه رسميه:عسى ماشر
غلا جواتها:تحاولين تخفين لهفتك وخوفك ولكن ماتدرين انك مفضوحه <<قالت ببتسامه:شوشو انا مدري
اسأل مين لكن بما انه زواجي قرب وبديت اخذ حبوب منع الحمل بدت تتلخبط العاده الشهريه معي
وهالمره صراحه تأخرت وانا خايفه<<وبقلبها:استغفر الله سامحني ياربي
شموخ تهدي عليها ببتسامه وطيبه:عادي ياقمر ترا تحصل هذي لخبطه بالهرمونات وانا بعد مرره متأخره علي لي الحين
تقريباً شهر وشوي ولاجت
غلا بفرحه بانت بصوتها:من جد
شموخ استغربت فرحتها:ايه من جد بس ليش متحمسه
غلا ارتبكت:هاا آآآ لا ولا شي يلا باي الحين اكلمك بعدين
وبحماس الدنيا:شكراً ياشموخ شكراً
شموخ استغربت بس ماحطت ببالها وقررت تقوم وتنزل لأهلها وتشوفهم
************************************************** ***
بيت ابو نايف
ام نايف:دانيا اليوم سلطان بيجي يشوفك ويجلس معك
دانيا بعدم اهتمام:ما ابي اشوفه انا تعبانه
ام نايف بشوي عصبيه:وش تعبانه ووش هالهبال من شوي تناقزين تقل جني
والحين يوم سارت الشغله بزوجك ماتبين تشوفينه
دانيا صرخت بدموع:تزوجته بالغصب وسكت وتبوني اشوفه بالغصب واسكت مابي ياخي مابي بكيفي
ام نايف ضربتها كف:اسمعيني زين يابنت الظاهر اني دلعتك بزياده زوجك بتقابلينه لا وتحطينه فوق راسك
سمعتي ولالا
دانيا ببكا:لا سمعت يمه وحبيته لاني اول مره بحياتي انضرب وهو السبب انا الحين اكرهه اضعاف كرهي له ولو تنطبق السما على الأرض مايسمع مني
كلمه حلوه ترضيه وتسره لا وبقوله انكم غاصبيني عليه زين كذا
ام نايف عطتها ظهرها وهي طالعه وعاذرتها لانها فعلاً اول مره تمد ايدها على بنتها بس قالت بتهديد:جربي حظك وسمعيه كلمه تغثه ماتلومين الا نفسك
دانيا جلست على الأرض ودموعها على خدها وتحس انها كرهته اكثر واكثر
*********************************
بيت ابو سيف الكل واقف عند باب الحمام وينتضرون شموخ اللي لها اكثر من ساعه تستفرغ (وانتم بكرامه)وبيشوفون وش اخرها معها ومع عنادها
طلعت شموخ ووجهها احمممممممر وشفايفها بيضه وباين عليها التعب
سيف سحبها واخذ العبايه من يد مايا:بنروح المستشفى يالله
شموخ بتعب وهي تتكي عليه:ماله داعـ...
قاطعها سيف:مو بكيفك له داعي غصب عنك تقطعت معدتك وانتي تعاندين ترى للصبر حدود لا اكل تاكلين ولا شرب تشربين
واذا تعبتي ماتروحين المستشفى ترى اذا انتي بزر ودلوعه وماتعرفين مصلحتك نحنا نعرفها
شموخ ابتسمت على خوفه:ما انحرم منك ياحبيبي بس والله هو شوي ارهاق وبتحسن
سيف:ولا كلمه
طلعو بالسياره وتوجهو للمستشفى مع مايا ومنال

17 - 9 - 2014, 06:13 AM

بعد ساعه بيت ابو نايف دخل بكامل اناقته ورزته وهيبته وانتضرها بالصاله ولأول مره يشوفها لانه حتى بالملكه رفض يشوفها
دخلت وكانت ملكه بطلتها كانت لابسه فستان سكري الين نص الساق ناعم وله اكمام طويله بشكل مرتب تركت شعرها مفتوح وحطت مسكره وقلوس وبلاشر
رفع عيونه لها وانبهر بجمالها وقال بسرعه وهو يوقف:مشالله الف من ذكر الله وش هالجمال
على قد ما كرهته على قد ما خجلت من كلامه لها ابتسمت وقالت وهي تتهرب بنضرتها:السلام عليكم
توجه لها بدون شعور وبخقه قال:يازين هالسلام وصاحبة السلام
كانت مبتسمه بس تلاشت ابتسامتها وهي تسمع هالكلمه منه وتذكرت المجهول
(كانت راجعه من السوق وهي تجهز مع داليا ودخلت المسن بلهفه بس عشان تكلم هالمجهول وتدعي ربها انه متواجد ومو اوف لاين
اول مااشافته متصل ابتسمت بفرحه وقالت بنفسها:لازم اكون ثقيله الحين يقول راميا نفسها علي احم احم
كتبت:السلام عليكم
...:ياهلا ياهلا يازين هالسلام وصاحبة هالسلام
دانيا:لا والله بدينا شغل هبال وتغزل تبيني اطلع الحين
...:لالا ابد لاتطلعين خليك انا اسف حقك على راسي ياشيخة البنات

دانيا:تصدق احب هالكلمه منك محد يقولها لي غيرك واول مره اعرفها منك بتذكرك فيها دايم ولا تدري
بحطها نكنيم لي ثواني بس
...:اوك
شيخة البنات:هااااا كيف حلو صح
...:حلوووو )
رجعت بذاكرتها على صوته اللي يناديها وقالت وهي ترمش:همممممم لبيه
سلطان:ها لاولاشي
دخل هالمره هو بعالم المجهوله
(سلطان:ايوا وايش بعد فيك حركات مميزه غير
يوووووووووووووه ياربي خلاص خلاص ههههههههههههههههههههه مره تقولينها كثير
على فكره
...:هههههههههه يووووووووووه ياربي خلاص خلاص انت بعد بس تدقق
سلطان:ههههههههههههههههه شي مايبي له تدقيق شوفيك كتبتيها ثاني
...:يوووووووووه ياربي والله بدون شعور
سلطان:ههههههههههههههههه
...:اف منك دب المهم بقول شوف ياسيدي انا اذا سرحت واحد فوقني دايم يضحكون على شكلي
لاني لازم اقول بتناحه <<همممممممم لبيه وطبعاً اللي يضحكهم كيف ارمش وانا اتكلم
سلطان:ماعندهم سالفه اللي يضحكون
...:شفت كيف )
فاق من سرحانه على صوتها وهي تقول:اصب لك قهوه ولاشاهي
سلطان طالعها بتنهيده:اللي يجي منك
صبت له قهوه وضيفته والسكوت كان سيد الموقف غير من كلمات يقولونها عشان يثبتون انه عقولهم معهم
مو مع المجهولين

17 - 9 - 2014, 06:15 AM

************************************************** ************************************************
المستشفى
الدكتوره:ايش هالقلق اللي انتم فيه ترا الموضوع عادي البنت حامل
مايا ومنال وسيف بصدمه:حاااااااااااامل
الدكتوره خافت وقالت وهي مصغره عيونها:ايه حامل
مايا دمعت عيونها:مدري هالشي خير ولا شر لك ياشوشو
منال ربتت على كتفها:الطفل ما راح يموت اذا عاش بين ابو وام منفصلين
سيف بتفكير واهتمام سأل:دكتوره كم عمر الحمل
الدكتوره:عمر الحمل من 8 اسابيع الى 10 اسابيع
سيف ببتسامه:تقريبا شهر او شهر واسبوعين يعني طلاق شموخ ماوقع عليها شموخ حامل ياجماعه يعني تقدر ترجع لفيصل
مايا بفرحه فزت:صدق يعني شموخ وفيصل بيرجعون لبعض
سيف:ايه اذا كانو عاقلين بيرجعون
شموخ كانت واقفه عند الباب وسمعت كل شي بصدمه ماتدري تفرح ولاتزعل ماتدري تضحك ولا تبكي
كل شي احساس فيها متعلق بفيصل وقررت ماتخبره الحين وطلبت من الكل مايخبرونه الين تقرر هي بنفسها
تخبره
************************************************** ************************************************** ***************
توجهو للبيت وبشروا ابو سيف وغابت شمس واشرقت شمس جديده قامت على صوت جوالها بأنزعاج
وردت وصوتها كله نوم:هلا غلاوي
غلا بستغراب:شوشو نايمه
شموخ وهي تطالع الساعه بصدمه:ايه نايمه
غلا:انتي بخير تدرين ان الساعه 7 المغرب
شموخ مالها خلق تتكلم:امممم راحت علي نومه <<وتذكرت خبر حملها قالت بحماس:غلا انا حـ...
غلا قاطعتها بسرعه بدون ماتنبه للي كانت بتقوله وقالت:ماراح تحضرين زواج ندى وفيصل اليوم
شموخ حست انها انضربت كف وبقلبها:فيصل بيتزوج <<قالت وهي تبلع ريقها:لا احضره ليش
غلا:يعني ندى ملزمه عليك الا تحضرين
شموخ بقلبها وعيونها كلها دموع:ياقواة عينك ياغلا وياقواة عين اخوك وعروسته عازميني على عرس زوجي وملزمين بعد
قالت بسرعه:غلا انا لازم اقفل الحين اكلمك بعدين<<وبستهزاء:وباركي لندى عني
غلا بأستغراب:اوك
شموخ قفلت من غلا وغرقت بدموعها وقررت تسوي اللي براسها نزلت بسرعه عند ابوها
ابو سيف:هلا يا بابا <<انصدم من دموعها وقال بفجعه:شفيك يابنتي ليش تبكين
شموخ بحده:بابا انا ابي .......
************************************************** *******************
انتهى البارت وطولته لعيونكم وكان هذا البارت قبل الأخير وانتضروني بالبارت الأخير
محبتكم :نجوده

17 - 9 - 2014, 06:15 AM

************************************************** ************************************************
المستشفى
الدكتوره:ايش هالقلق اللي انتم فيه ترا الموضوع عادي البنت حامل
مايا ومنال وسيف بصدمه:حاااااااااااامل
الدكتوره خافت وقالت وهي مصغره عيونها:ايه حامل
مايا دمعت عيونها:مدري هالشي خير ولا شر لك ياشوشو
منال ربتت على كتفها:الطفل ما راح يموت اذا عاش بين ابو وام منفصلين
سيف بتفكير واهتمام سأل:دكتوره كم عمر الحمل
الدكتوره:عمر الحمل من 8 اسابيع الى 10 اسابيع
سيف ببتسامه:تقريبا شهر او شهر واسبوعين يعني طلاق شموخ ماوقع عليها شموخ حامل ياجماعه يعني تقدر ترجع لفيصل
مايا بفرحه فزت:صدق يعني شموخ وفيصل بيرجعون لبعض
سيف:ايه اذا كانو عاقلين بيرجعون
شموخ كانت واقفه عند الباب وسمعت كل شي بصدمه ماتدري تفرح ولاتزعل ماتدري تضحك ولا تبكي
كل شي احساس فيها متعلق بفيصل وقررت ماتخبره الحين وطلبت من الكل مايخبرونه الين تقرر هي بنفسها
تخبره
************************************************** ************************************************** ***************
توجهو للبيت وبشروا ابو سيف وغابت شمس واشرقت شمس جديده قامت على صوت جوالها بأنزعاج
وردت وصوتها كله نوم:هلا غلاوي
غلا بستغراب:شوشو نايمه
شموخ وهي تطالع الساعه بصدمه:ايه نايمه
غلا:انتي بخير تدرين ان الساعه 7 المغرب
شموخ مالها خلق تتكلم:امممم راحت علي نومه <<وتذكرت خبر حملها قالت بحماس:غلا انا حـ...
غلا قاطعتها بسرعه بدون ماتنبه للي كانت بتقوله وقالت:ماراح تحضرين زواج ندى وفيصل اليوم
شموخ حست انها انضربت كف وبقلبها:فيصل بيتزوج <<قالت وهي تبلع ريقها:لا احضره ليش
غلا:يعني ندى ملزمه عليك الا تحضرين
شموخ بقلبها وعيونها كلها دموع:ياقواة عينك ياغلا وياقواة عين اخوك وعروسته عازميني على عرس زوجي وملزمين بعد
قالت بسرعه:غلا انا لازم اقفل الحين اكلمك بعدين<<وبستهزاء:وباركي لندى عني
غلا بأستغراب:اوك
شموخ قفلت من غلا وغرقت بدموعها وقررت تسوي اللي براسها نزلت بسرعه عند ابوها
ابو سيف:هلا يا بابا <<انصدم من دموعها وقال بفجعه:شفيك يابنتي ليش تبكين
شموخ بحده:بابا انا ابي .......
************************************************** *******************
انتهى البارت وطولته لعيونكم وكان هذا البارت قبل الأخير وانتضروني بالبارت الأخير
محبتكم :نجوده

17 - 9 - 2014, 06:18 AM

البارت الـ36 البارت الأخير
بيت سيف
سيف بصوت شوي عالي:يامايا هاتي الثوب بسرعه تأخرت
مايا تصرخ:جايه حبيبي جايه
سيف وهو يطالع الساعه:افففف ما سار كوي
مايا جت ركض ومعاها الثوب:وهـ راح نفسي (مدت له الثوب)خذ
اخذه سيف وراح يلبس وبعد ماطلع قربت له مايا ببتسامه وهي تقفل ازارير الثوب
قالت بدلع:سيف
سيف ابتسم على دلعها اللي يخققه وقال:طوايف سيف انتي امري
مايا باست خده وبنفس الدلع:لاترووح
سيف سحب خدها وهو يضحك:وليش انشالله ما اروح
مايا مدت بوزها:كذا مشتاقه لك ما ابيك تروح

سيف تنهد:مايا لازم اروح لازم افهم سبب الخلاف بينهم مو معقوول كل الأثنين ساكتين
ومحد راضي يقول السبب والأهم لازم يفهم انه شموخ باقي على ذمته ويقدر يسترجعها
مايا بعدت عنه بقهر:سيف فهموني ليش انتم مصرين تكتبون قصة حياتها عنها مره ابوك والحين
انت وسليمان اتركوها تقرر مع نفسها وش تبي ووش نهاية هالقصه وتحط نقطه بعد قرارها
سيف بقهر:بس يامايا الأيام تركض وبمجرد ولادة شموخ راح تعتبر مطلقه رسمياً لأن هذي عدتها حملها ومالها رجعه له
الا بمحلل بعد كذا
مايا ابتسمت بستهزاء:اوكي كلام حلو واضح وصريح والأهم انه شموخ تعرف هالشي زين واذا بغت تقدر تخبره بنفسها وبعدين وش الضروره
انها تكمل حياتها مع هالأنسان بالذات البيبي ماراح ينرمي بالشارع حتى لو تزوجت غير فيصل انا اعطيتك خبر وقلت لك خلها تحط
النهايه اما اذا انت تبي تعيد الغلطه حقت الرسايل روح وتكلم مع فيصل وصدقني شموخ ماراح تسامحك ابد لحضتها
سيف نزل راسه للأرض بقهر وهو متأكد انه كلام مايا 100% صح وهو يبي يسوي عشان يصلح غلطته بالرساله اللي سكت عنها وخباها
جلست مايا بجنبه ضمت كف ايده بكفوفها الثنتين:حبيبي ترا والله انا فاهمتك وفاهمه زين انك تبي تصلح غلطتك بأنك سكت عن الرساله
وخبيتها بس اكبر غلط بهالدنيا انك تصلح غلط بأكبر غلط منه
سيف تنهد:والله ماكذبتي بحرف

17 - 9 - 2014, 06:19 AM

بيت وليد
وليد:سوبي
سحاب اللي كانت تطقطق على الجوال بحماس:وت؟؟
وليد ببتسامه واستهبال:ولاشي
سحاب رجعت تكمل السالفه بحماس
وليد:سحوبه
سحاب طالعته بنص عين:وبعدين ترا هذي عاشر مره
وليد مد بوزه بمزح:مع مين تسولفين ليش ماتسولفين معي
سحاب وهي تقرا بالجوال:هههههههههههههه <<طالعته وقالت بحماس:حبيبي انت دقايق واسولف معك
وليد سكت شوي وبعدها بثانيه:سحابوووو
سحاب طالعته بطفش:نعمممم
وليد ابتسم:تدرين ليش احبك ؟
سحاب قفلت الجوال وطالعته ببتسامه حب:ليش
وليد يبي يغيضها:احبك لأنك تحبيني طبعاً
سحاب رمت عليه المخده:مالت عليك يعني لو ما احبك ماتحبني
وليد مسك المخده وهو فاطس ضحك على وجهها:ههههههههههههههههههههه
سحاب تخصرت:لا تضحك دببب
وليد رما عليها المخده اللي ضربت راسها:ههههههههههههههههههه
سحاب وهي تفرك راسها:وليييييييييد يعور <<ورمت عليه مخده وقبل توصله وصلتها وحده
وقلب الموضوع حرب مخدات وكلهم:هههههههههههههههههههههههههههههههههههه
بعد عشر دقايق تعبو من العب رمت نفسها على الكنبه وهو رمى نفسه على الكنبه اللي بجنبها
سحاب عدلت جلستها وطالعته:وليد تدري ليش احبك
وليد ابتسم بنذاله:لاقديمهه هذي حقتي
سحاب قامت من الكنبه وجلست على رجوله وحوطت رقبته ببتسامه دوخته:لامن جد تدري ليش احبك
وليد وهو خاق وضايع بعالمها هز راسه بلاء وهمس:لاء
سحاب ضمته بحيث انه مايشوف وجهها وتكلمت بهمس:لأنك اطيب واحن انسان بهالدنيا لأن الرجوله اللي فيك مو بغيرك لان حبك غير وهمسك غير
لأنك تسير طفل بلحضه وتنضج بنفس اللحضه ولأنه مافي احد بالدنيا يفهمني كثر ماتفهمني انت
وليد رفعها عن حضنه وسارت جالسه فوق رجله بس مواجهته قال ببتسامه حب ويمكن اكثر من حب:كنت عارف انك تبكين
سحاب وهي تمسح دموعها:كيف عرفت اني ابكي وانا حتى ماهمست ما أقولك اكثر انسان تفهمني
وليد مسح دموعها وطبع بوسه رقيقه على جبينها:وانا احبك والله احبك

17 - 9 - 2014, 06:19 AM

بيت ابو صقر دق جوالها برقم غريب
افياء:الوو
....:احبك
افياء:مين؟؟
....:اشتقت لك
افياء عقدت حواجبها:سلامات مين
....:نسيتيني ؟؟
افياء برمجت الصوت وقالت بصدمه وتساؤل:نواااااف
نواف ابتسم:ياعيون وروح نواف (وبتنهيده)اااااااااه اشتقت لك
ابتسمت وسكتت وبالنسبه لها يكفيها صوت انفاسه:......
نواف:اقولك اشتقت لك مافي رد
افياء بقلبها:وانا بعد بموت واشوفك<<قالت برسميه:من وين جبت رقمي
نواف بزعل:يعني مو صعبه من جوال دانيا
افياء:وشايف اللي تسويه صح
نواف بتنهيده:وش اسوي مشتاق لك ومافي ولا صدفه راضيا تجمعني فيك
افياء ابتسمت:والله كنه بزر <<وقالت برسميه:اللي ينتضر الصدفه عمره مايطولها
ترا الصدفه يعني صدفه محد يتغافلها ويعني اني صدفه
نواف بطفش صرخ:يابنت النااااااااااااس مشتاق لك وانتي قاعده تسولفين لي عن الصدفه
افياء بضحكه وبتمثيل للبرود:وش تبيني اقولك مثلاً
نواف انقهر من برودها:اصلاً لاتقولين شي انا داق عشان اعرف اسمك بس
افياء ببرود وهي تبي تفطس ضحك بس ماسكه نفسها:اسمي افياء
نواف:ياوييييييييلي هذي اللي تبي تجنني
افياء ومستمره بالبرود:اعوذ بالله ليش اجننك انا ما احب اجنن احد
نواف:انتي بارده كذا دايم ولا انا اول مره اعرفك
افياء بنفس البرود:اممم انا احياناً بارده بس اكثر الأحيان دافيه اما بالجامعه حررر
بس الحين عشان المكيف بارد شوي
نواف وده يصفقها من برودها قال بقهر:انتي عندك مشاعر او احااسيس
افياء:لا ماعندي الا مايا وببيت زوجها مين مشاعر واحاسيس
نواف انفعت عنده المراره:انتي تلعبين بضغطي
افياء بأستهبال:لا والله العب بالتعليقه اللي لابستها
نواف انفجر:وبعدددددددددددين يعني مع رفعة الضغط هذي
افياء ابتسمت على فكره جتها:نواف بليز قفل خلاص انا احب انسان ثاني ودام هذا رقمك الحين برسل لك صورته
وانت شوفه صدقني بتعرف ليش انا حبيته
نواف طلعت عيونه من مكانها وهو ضاغط على ضروسه:نععععععععععععععععععععععععععععم من هذا الحيوان انشالله
افياء:هو من ناحية حيوان فهو حيوان صراحه لانه خلاني احبه
نواف بعصبيه:من هذا فهميني متى تعرفتي عليه وكيف ووين وانا وين كنت والله لو شفته لأذبحه
افياء ببرود:لاتحلف
نواف من جد عصب:انتي وش هالبرود اللي انتي فيه
افياء:انت ليش تعصب اففف وش حكمك علي بكيفي
نواف وهو شاد على ضروسه:بقفل وارسلي له صورته واسمه وعمره ووين ساكن وكل شي
افياء ببرود:بااي
نواف قفل وهو على اعصابه ويفكر كيف يوصل له ويعرفه ان الله حق
افياء بعد ماقفلت منه قعدت تنطط على السرير بفرحه:يغاااااااااااااااااااااااااااار علي ياااي يغااااااااااااااااااار
مسكت جوالها وارسلت له صورته وكتبت تحتها
اسمه:حبيبي
عمره:بدا يوم بديت احبه
ساكن:بقلبي
نواف من جدك تتوقع اني احب �

المواضيع المتشابهه لموضوع: رواية قول احبك واترك الدنيا لعيونك لموضوع: رواية قول احبك واترك الدنيا لعيونك
الموضوع	كاتب الموضوع	المنتدى	مشاركات	آخر مشاركة
رواية شياطين تدوس الارواح واو احلا رواية قريتها	البارونة	همس للقصص وحكايات وروايات	14	10 - 7 - 2025 09:03 PM
رواية قلت احبك قالت حب انتقام ولا تملك قلت ليه هو الحب عندك انواع	البارونة	همس للقصص وحكايات وروايات	141	20 - 4 - 2025 06:35 PM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
رواية جيت اقول اني احبك شفت عينك واستحيت	نظرهـ خجولهـ	همس للقصص وحكايات وروايات	14	14 - 4 - 2012 08:49 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 1

التسجيل مجاني
سجلاتنا تفيد بأنك غير مسجّل ,, يرجى التسجيل اسم العضو كلمة السر تأكيد كلمة السر البريد الإلكتروني تأكيد البريد الإلكتروني تاريخ الميلاد: هل انت موافق على قوانين المنتدى؟