عمل كباب عراقي

#1 29 - 11 - 2014, 07:02 PM

طريقة عمل الكباب العراقي والطريقة مضمونه يعني ميوقع من الشيش

راح احجيلكم على الكباب العراقي وطريقة عملة بصورة مضمونه :

طبعا الكباب العراقي الاصيل يكون من لحم الغنم الخالص ((الغنم العراقي ابو اللية)) ياخذون الخواصر ويسوه كباب. بس هاي شوية صعبه...لانه الغنم لحمه قليل ولهذا ناخذ لحم العجل ونخبط ويا لية الغنم .

المقادير:
1- كيلو لحم عجل صافي مع 200-300 غرام لية غنم , تفرم فرم ناعم جدا.
2- بصلة بيضاء متوسطة الحجم واحدة.
3- ملح
4- بقصم ناخذه من الافران , وبلاد الجوار يسموه قرشلة ثلاث ملاعق طعام.
طريقة العمل:

ناخذ البصلة ونبرشه برش ناعم بصحن .. طبعا البصلة راح اذب الماي مالته وهنا يكمن السر, لازم البصل المبروش يتنشف من الماي مالته لانه هذا الماي هو سبب اساسي من اسباب فشل الكباب ويوقع من الشيش.

يضاف البصل المبروش المتنشف من الماي((شلون يتنشف: اخذوا بيدكم وعصروا)) الى اللحم المفروم وتضاف القرشلة اليه وملح حسب الرغبة وهنا يبدي العجن , يعني شكيد مابيكم لازم تعجنون باللحم . ورا متخلصون العجن تحطوا بالثلاجه لمدة ساعة على الاقل.
هسه نجي على الشياش,,,,,,,اهم شي الشياش لازم تكون نضيفة ومغسولة زين وناشفه.
نطلع اللحم من الثلاجه ونبدي انشيش ,,,,,افضل طريقة للتشيش هو تاخذ كمية من اللحم على قدر الشيش وسويه طوبه بيدك بعدين طوبة اللحم ادخله بالشيش وتبدي تفرد بيه .
نار الشوي لازم تكون قوية مو هادئة , ومن تشوي الكباب بالبداية اول دقيقتين لازم اضل تقلب بالشيش حتى اللحم يستوي بصورة متساوية , اذا استوت جهه كلش والجه الثانية بعده راح يوقع اللحم وتفشل الطريقة .

ولاتنسون ترشون الســــــــــــــــــــــــماك فوق الكباب
ولاتنسون الريحان العراقي يخبل شلون ريحة عليه
ولاتنسون الطماطه الشوي
ولاتنسون الجاي على الفحم
ولاتنسون البصل المشوي اويلي عليه تدرون شلون تشون البصل , من اشيشون البصل خلو بين بصلة وبصلة قطعة صغيرة من اللية ليش حتى تستوي البصلة زين وصير لينه وتخبل.

تحياتي اكلوا الــــــــــــــــــف عافية

الموضوع الأصلي : عمل كباب عراقي || الكاتب : عادل ابن الرافدين || المصدر : شبكة همس الشوق

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حكاية شريف روما /مثل عراقي قديم	نظرة عين	همس للقصص وحكايات وروايات	4	27 - 6 - 2018 12:10 AM
شيله الحان عراقي سعودي يمني	همسة الشوق	همس الشعر و الشيلات الصوتيه	4	16 - 4 - 2018 08:17 PM
الشمس شمسي والعراق عراقي	جوهرة بغداد	همس الشعر والقوافي	14	4 - 12 - 2014 12:03 AM
قطب عراقي	نظرة عين	همس مقاطع اليوتبوب حواء	2	19 - 8 - 2014 08:58 PM
شكرلمة عراقي	دموع عراقية	همس مطبخ حواء	7	31 - 7 - 2013 07:41 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع