الله محلاك وانت اتحرّك اشجاني
كنّك تعزْفَ اللحون ولا تغنّيها
داعب حديثك عواطف قلبي الحاني
قلبٍ يودّك و روح ٍباح خافيها
وانت تدلّع وقصدك تمحن ايماني
واللي تولّع بك الآهات يطريها
علّمتك الحبّ هاك اليوم واعياني
انّك تريد الليالي سهد ما فيها
واليوم تبهرني ابعطفك و تدراني
وروح الشقاوي اتحقّق لي أمانيها
صنت الغرام العفيف ولا حدن ثاني
يملا عيوني سواك و لا يساويها
وانت اكسجين الفواد و شربي الهاني
يالله عسى ماانحرم شوفتك وابكيها