السلآم عليكم ~

مسآء / صبآح .. الـﯜرد ’‘ :$



ياشينها لاجات من شخص تغليـه
وله في قرار القلب قدر ومكانـه

وفي خاطرك محد وصيف يساويه
هو غاية المطلوب سيـد زمانـه

وبلا سبب تاصلك منه المشاريـه
وبعض الكلام اللي هرج به لسانه

يجرحك في ساعه وينحاس ماضيه
وينسى عهود كان فيهـا ضمانـه

وانت الذي من ساير الناس شاريه
وحطيت له في مهجة القلب خانه

تزعل جميع الناس لاجله وترضيه
وعندك على حبه يمين وحصانـه

صحيح من لايعرف الصقر يشويه
والبحر موكلـه جواهـر ودانـه

قلته وانا شاعـر زمانـه معنيـه
اموت جوع ولا ارضـا بالاهانـه