موسوعة لكلمات خال عبدالرحمن - الصفحة 2

#1 31 - 5 - 2011, 11:30 PM

موسوعة لكلمات خالد عبدالرحمن

من جهدي اتمنى تنال اعجابكم

===================

1_ توني دريت
كلمات : مخاوي الليل .
الحان : خالد عبدالرحمن .

توني دريت ..
إن حبك غلطتـي
توني دريت ..
بالصمت حارت كـلمتـي
وما حكيت ..
ما قويت انطق حروف
صابنـي عجز الكلام
ولا حكيت ..
ما قويت انطق حروف
صابنـي عجز الكلام
ولا شكيت ..
توني دريت إن حبك غلطتـي
يطيب لك تجريح قـلبـي الوافـي
لا تحملينـي هـم
منك كذا كافـي
ظميتك وانتـي الماطــر
بكيتك ماضي وحاضــر
لقيتك فـي حياتـي خوف
سطا بقلبـي وعلّ الروح
وبان بطرفـي الساهر
خدعنـي فيك قـصـر الشوف
لك بجوفـي المـحبــة من سنيـن
ومنك خوفـي
خوفـي إنك تـجرحيـن
هاذي النهاية بعد جرحي
وش تبين ..
توني دريت إن حبك غلطتـي
أبابتعد واتعبتنـي خطـوتـي
ترتعد من شعوري بغلـطـتـي
الألم والأسى من خفايا رحلتـي
توني دريت ..
إن حبّك غلطتـي

===================

2_ أصدق معاذيري
كلمات : همس .
الحان : خالد عبدالرحمن .

أن كان حبي لك هو أعظم خطايا
ما أقول يا نفسي عن الحب توبي
أجمل خطاياي وآخر حـدود دنياي
وأصدق معاذيري وأطهـر ذنـوبي
نزعـات روحي لك تـباري نـواياي
والقلب يمّـك والمـشاعر سعـوا بي
حبٍ لك اللـه ماكـنٍ فـي حـناياي
أبيـه لو ضعـفـي بأكبـر عـيـوبي
كـل الهـوى والـحـب باقي بـقاياي
خـذت أوّلـه وأتـلاه وأقــول دوبي
ومن له مثل حبي يسوّي سواياي
ياصـل مواصيلي ويسـلك دروبي

===================

3_ بقايا جروح

خذني بقايا جروح
أرجوك داويني لا تروح الروح
كفى عذابي منك ليه تشكيني

* * *

ما فوق جرحي جرح
وجروحي تاويني وصبري فقدته بجرح
الموت له حروة خوفي يمسيني

* * *

يا خلي يا مرتاح
ليتك تواسيني لا تنوي المرواح
ملامحي جروح وش منك يشفيني

* * *

ما بين عصف وريح
الهم طاويني وانت لاه مريح
أبيك لعمري يوم بالوجد تعطيني

===================

4_ صارحيني

صارحيني ..
منهو أنا بدنيتك
جاوبيني ..
إن كنت فعلاً منيتك
ما كنت أرضى تزعلين
و إنتي بتهديني الزعل
ما أطيق عني تبـــعدين
في قربي حسيت بملل
محرومه عيني شوفتك
لا تحــــرميني كـــلمتك
حتى الصـــراحة بيـــننا
صارت صعيبه بدربنا
وإن كان ودّك تـــبعدين
صعبة أنا أنــسى حبنا
ما يعني هذا ترجــــعين
في دنيتي بألقى الهنا

===================

5_ صدقيني

كلمات : خالد عبدالرحمن .
الحان : خالد عبدالرحمن

صدقيني قــــلبي يحـــــكي لك حــــقيقه
صــــدقيني ما أرى غيرك مــــلاك
من أجــــل وصلك باتـــخذ أيّة طريــقه
ما أبالــــي لو طريقـــــي لك هلاك
بعدك ولا غيابك على نفسـي ما أطيقه
كيف أجاهد روح تشقى من غلاك
شرع الخــــــطا يا زين عم الخلـــــيقه
وإن هفا شوقي معك أبغى رضاك
يا زمــــان اللوم احــــرق لي وثيــــقه
طيـــــها دستـــــور بظـــلمه وطاك
منهو فينا أو في البشر ما نشف ريقه
كـــم قيل عـــنهم الشقي هذا وذاك
الشـــك من طبعك وباحساسك رقيــقه
مقـــــبولة عندي ولوهذا عطــــاك
روحـــي تنادي لك بصـــرخة غريـــقه
يا مغرقــــتها لـيش عيني ما تراك

===================

6_ بلا ميعاد
كلمات : خالد عبدالرحمن .
الحان : خالد عبدالرحمن

فجــــــــأة طلبتـــــنـي لـــهـا .. بـلا ميـعـــــاد
طـــول انـتــــــظاري علّ حالي بسببهـــا
لبّيت وجيـت قبالـــهـا .. شفتـــــهـا تــــــزداد
روعـــة بصـورة حسـن ربـي رسمهـــا
عينــــي أنـا بعينــــــهـا .. والقـلـوب ابـعـــاد
أخشـى هدب عينـي يلامـــس هدبهــــــا
ما أقوى الحكي حينها .. والقلب ما أعــــتاد
عـلـى لقى اللي حبّــــــها مـن عرفهـــا
نظرة سواد عيونها .. هـذا المنى والمــــراد
لهفـة شفــايف طـوّلـــت فـي عـناقهـــا

===================

7_ خذ ماتبي
كلمات : خالد عبدالرحمن .
الحان : خالد عبدالرحمن

خذ ما تبي بـس اتـرك القلــــــب يرتــــــاح
لا بالمودة عطيتــه لا بالصراحــة خذيتــــــه
فـي غايتـــك تهوى على مــــــلك الأرواح
صدق الخيانـة جزيتـه يا كم بـــغيري نويتــه
كافـي علي أصبــــــحت بالســد فضّــــــاح
غصبٍ عليّ حكيتـه بكاني حظــــــي وبكيتـــه
قل لي متى ترسـم على قلبــــــي جــــراح
منك الصبر ما قويتـه أفقدتنـــــي ما أحتويته
أملكت كلّ قلبي الوفـي ومـــعك مفـتــــاح
عقب الندم وش رأيته عن حب غيرك عميته
من علّمــك ترمــــي بقيعــان الأرمــــــاح
لا بالقتل قد نويتـه عمري بكفــن حي طويتـه
جـذعٍ ذوى عطشـان لـو ترفـعـــه طـــــاح
تتعب معه لو ركيته ما هو بحــي لو سقيتـه
لا تنتظـر رجعـــه ولا تطــري اصـفــــــاح
ما أقول حبك وطيتـه ما أقول حـــــبك نسيتـه
أبعـــد عسـى في دربـك اليـــــوم ترتــــاح
أنت الذي أهتويته ولا .. بالغـصيبه مشيتــه

===================

8 - لأجل حبك
كلمات : رياض ابراهيم .
الحان : خالد عبدالرحمن .

رجـــعنـا بـــــعد ما كــــنت
بعيد و إنتـــــــي بـــــــعيده
وأنا يا مــــنيتي آمـــــــنت
فراقك قلـــــبي مـــا يطيقه
قويتي الصبر في فــرقاي
وأنا في غيبتك مــا أقــوى
نسيتـي يوم كنتِ مــــعاي
والنســـــيان بــــك أتـحدى
هل هو شعورك هالغريب
أو أنا مـــــــاني لك حبيب
ثــــــلاث سنين بنا مــرّت
ولا كنّـا نحـسّ بـخــــــوف
عيــوني منّــــي تبــــــرّت
قليل النوم فقـدها الشوف
لأجل حبّـك قويـــت أسهر
إلى حتى طـــلوع الشمس
وهذا لعينـــــي مــــــــقدّر
يمر اليوم مـــثل الأمــــس
مدري متى شمسك تغيب
مـــــدري جرحــــــي يطيب

===================

يــــــــتــــــــــــــبـــــــــــــــــــع ..

الموضوع الأصلي : موسوعة لكلمات خال عبدالرحمن || الكاتب : امر تدلل # || المصدر : شبكة همس الشوق

آخر تعديل امر تدلل # يوم 31 - 5 - 2011 في 11:56 PM.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

المواضيع المتشابهه لموضوع: موسوعة لكلمات خال عبدالرحمن لموضوع: موسوعة لكلمات خال عبدالرحمن
الموضوع	كاتب الموضوع	المنتدى	مشاركات	آخر مشاركة
فضل 7 مكملات تناولها في فترة التنشيف	نجوم همس	همس للتمارين الرياضية	8	12 - 3 - 2022 04:26 PM
قوانين قسم همس لكلمات الاناشيد	سجات التهاويل	همس الصوتيات و المرئيات الإسلامية	4	23 - 8 - 2016 05:31 PM
مكملات الاوميغا3تحسن قدرةالطفل على القراءه	همسة الشوق	همس للاسره والطفل	6	12 - 8 - 2015 01:39 PM
إشتقت لكلمات لم سمعها الابصوتك	همسة الشوق	همس للأثاث والديكور	6	4 - 7 - 2015 09:53 PM
خمس مكملات غذائية احذري منها	سمو الاميرة	همس للطب والصحه	4	5 - 4 - 2013 09:22 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

التسجيل مجاني
سجلاتنا تفيد بأنك غير مسجّل ,, يرجى التسجيل اسم العضو كلمة السر تأكيد كلمة السر البريد الإلكتروني تأكيد البريد الإلكتروني تاريخ الميلاد: هل انت موافق على قوانين المنتدى؟