21 - 1 - 2015, 11:01 PM
|
| |
دنيا الفلس
 
دنيا الفلس ماكنها الا لعبةٍ مثل البلوت
تمسي بها تاجر وتصبح مامعك منها شعره
الفرق فيها انك تموت هناك وهنا !! ماتموت
وان مت مت من القهر وان فزت صابتك نعره
عمر الفتى يمضي مع الايام والفرصة تفوت
ومن لا بنى له رجم طيب يموت بيديه حجره
ومدام عمر الشاعر اقصر من بعض عمر البيوت
يموت شاعرها عن الدنيا ولا احدٍ يذكره
ليه نتسابق للحياة ونعتني بلبس البشوت
وختامها عقب القصور تحط وسط المقبره
جربت كثر الهرج ماخارج وجربت السكوت
لقيت فيها (الصمت)اخير من الحكي والثرثره
ياهل العماير والفلل واهل الشواطي واليخوت
تخطون ونشوف الخطا ونقول حنّا المعذره
هذا يشوت وذا يثبّت لين ماهذا يشوت
وان ماتعاونا غدينا مصخرة في مصخره
قل للحكم لا لا يجي لاصار ماعندة كروت
ان ما وقف وقفة رجل يترك مكانة للمره
لا تحسبون ان المكاسب يا مشبّكة الخبوت
اطيبكم اللي لا كسب ما يكسب الا المغفره
وين الاراضي والتجاير والعماير والبيوت
ماينتصر ويعزّ احد ما الله عزّة ونصره
العام صليت ودعيت الله وطولت القنوت
واليوم احمد الله على فضله وجودة واشكره
،،،،،،،
الموضوع الأصلي :
دنيا الفلس || الكاتب :
جروح الم || المصدر :
شبكة همس الشوق |
الأعضاء الذين قاموا بتقييم هذا الموضوع : 0
عضويتي
العرض الشجري