ياقلبي ارحمني ولا تعشق الياس
ذبحتني واللي ذبحني عنادي
إنسان انا مثلي مثل باقي الناس
ياخي أبي ارتاح حزة رقادي
أتعبتني ولكل الأشياء مقياس
وانآ آنسحب مادام فيها تمادي
ياليتني عايش بلا قلب وإحساس
ولا أحس إني كذا شي عادي
تقتلني أوجاعي وانا آقول لاباس
وتخنقني الوحده وانا في بلادي
تحشرجت في داخل الصدرالأنفاس
وصار الغلا والحب كبوة جوادي
من كثر طيبي صرت في يدينهم كاس
لاصار فاضي ماانحمل بالايادي
بنيت من نفسي لهم مسند وساس
ولا أحد لبى الندى يوم أنادي
خسرت يامآ بس مآ انزل الراس
تبقى المبادي في حياتي مبادي
عطيت يامآ بس لآ يمكن انداس
هذآ البحر ينهاب لو كان هادي
نفسي عزيزه والقناعات نبراس
وصدري كتاب ابيض ولا هو رمادي
مؤمن لو إن الضيق والهم وسواس
والتعب وأقدم للحلال اجتهادي
كني جذع واقدار عمري هي الفاس
تضرب على حلمي وتقطع مرادي
مماراق لي
الموضوع الأصلي :
ياقلبي ارحمني ولا تعشق الياس ذبحتني واللي ذبحني عنادي || الكاتب :
اميره بلا قصر || المصدر :
شبكة همس الشوق
الأعضاء الذين قاموا بتقييم هذا الموضوع : 0
عضويتي
ياقلبي ارحمني ولا تعشق الياس ذبحتني واللي ذبحني عنادي 
العرض الشجري
