أخلص التهاني والتبريكات
لمقام خادم الحرمين الشريفين الملك
سلمان بن عبد العزيز
بمناسبة اليوم الوطني للمملكه العربيه السعوديه الحبيبه يحفظه الله
قائداً لبلاده المباركة على طريق النهضة والرخاء والتطور مهنئاً أبناء
وأحفاد الملك المؤسس عبد العزيز آل سعود.
وعموم أبناء الوطن بهذه الذكرى الغالية
مال الحزن درب ٍ على عيالك مدام انك بخير
يا والدي والضيقه اللي كدرت خلّق الانام
تزورني في كل ليله وان غفت عيني عصيّر
احسها بنت ٍ تراودني وتحرمني المنام
لا شك لوعرق النساء به دم واحساس وضمير
مايبعدك عنا ويجعل يتمنا حزن وملام
والا النساء من كثر مايدعون لك صار الحرير
. كرهاً عليهم واصبحوا من لوعة اوجاعك صيام
ياسيدي في قولتي ياسيدي شفني كبير
وشلون يصغر من تكون انت الولي به والامام
انت الذي كل مانطقت اسمه من الفرحه اطير
واحس لي جنحان تاخذني الى روس الغمام
من كثر حبي لك شكرت الله وسميت الصغير
بـ اسمك ويافخر الاسامي بالسلاطين الكرام
يا حاجة العاجز و يانور ٍ يشعشع للضرير
يا دعوة ام ٍ في صلاة العيد لـ اطفال ٍ يتام
والله لو انك تقول الموت قلنالك يصير
مانسئلك والموت من اجلك يكون ارقى وسام
رمحك وسيفك خنجرك درعك اذا اشتد الصفير
حنا وحنا شعبك الوافي ولا فيها كلام
وحنا نحدد وش نبي من باب تقرير المصير
ولانرتضي مجد ٍ ولا عزه اذا دون السنام
لك الولاء والسمع والطاعه على هدي النذير
عن جل شعبك يا حبيب الشعب يالشهم الهمام
انت المليك اللي يقود المؤمنين لكل خير
سلامتك وبصوتك واحد مالنا غيرك امام
|
|
|
|
او 
لمشاركة اصدقائك!
عضويتي
العرض الشجري
