أخذت قلبي من ضلوعي ووّصيته
وعلمته آن مالنا حيله ورديته
المشكله حلها ماهو في يدينا
ماعندنا غير يا عله ويا ليته
أنا ماقصرت راسلته وكلمته
والله لو اقدر أسوي شي سويته
كذا النهايات ماترحم ضحاياها
ليت الغرام أوله يشبه لـ تاليته
الحب مثل العمر يقصر إلى طول
يزيد عمر الرجل وتقل عافيته
يـ صحابه إللي على القمرى يسامركم
في مركبٍ تلعب الأمواج ناحيته
ما جاب لي علم ما سولفلكم عني
ماشفتو الحزن في وجهه وناصيته
لايدري إني نشدت وجبت له طاري
ولايدري إني ذكرت أسمه وخصيته
حتى لو إنه نساني ماعلي منه
أنا لو أنسى أخواني ماتناسيته
بس المحبه لآصارت من طرف واحد
مثل الشعر لافقد وزنه وقافيته
في ليلتنٍ حزنها يملئ دقايقها
غصبت نفسي على دربه ومريته
قلت آتحره لين اشرح له ظروفي
ولو ادري أن ذا كلامه ماتحريته
ياسرع الأيام غيرته وبدلته
من اول يطير بـ الفرحه إلى جيته
حسبي على الناس ماخلوه في حاله
تدخلو فيه حتى غيرو نيته
تفريق الأحباب ذنب يكره ربي
يسألهم الله عن جرحٍ تلقيته
وش يستفيدون لآمنا تفارقنا
خلو صديق الدموع يحقق أمنيته
جيتك يتيم من اللوعه نفض يده
أنت العوض في حنان أمه وأهل بيته
وآعدته تلون أيامه وتملاها
ويوم اقترب منك علقته وخليته
أهداك روحه .. على كفه وقدمها
وغير الحزن والسهر قلي وش آهديته
لآحدن يلومه لامنه فضل العزله
يرتاح في ركنه الهادئ وزاويته
وديته لعالم مجهول واهملته
بالله عليك أعترف له وين وديته
من كثر ماتجرح أحساسي ماعاد أحزن
الظاهر ان الحزن هذا تعديته
ومن كثر مارآحو أحبابي من يديني
لاشفت واحد ابيه يروح حبيته
او 
لمشاركة اصدقائك!
عضويتي
وغير الحزن والسهر قلي وش اهديته 
العرض الشجري
