ودي أجـيلك ومتردد من أسبوع
ودي ولكن خـايف(ن) كيف ردك
أخاف تحسب جيتي لك بها خضوع
وتزيد فى كــبرك من الغيظ هدك *
ما أكذب عليك أن قلت لك منك مفجوع
يـا قـو باسك كيف طـولت صــدك *
يلوع بي همي.. وأناديك.. ويلوع
قلبي سـبايب ما جنـيته بيـدك
وش فايدة صوتي أذا القلب منزوع
والمشكـله ماني على جـال حدك
غصب(ن) نقلت الجرح ماهو على طوع
وأصبحت ندك .! كيف أنا أصبحت ندك؟
ياسيدي مانى على الورد مدفوع
لا صار ما تاوي لمنهو يودك
ولا صار مغوينك حواسيد وربوع
ما طاب شئ(ن) فى هواهم يشدك
أسقيت زرع الصد وأنبت له فروع
وحطيت راحة يدك من تحت خدك
وخليت عذال الهواء تدفن الجوع
فيني وتروا من مشاريب عدك
مدخلك بالله لا يقولون مخدوع
أرفق عساها ذكرياتي تردك
و ان كانت الرده مثل حبة الكوع
الله حسيبك و الليالي تردك.
|
|
او 
لمشاركة اصدقائك!
عضويتي
ارفق عساها ذكرياتي تردك 
العرض الشجري
