يا قصيدة عمري اللي تكتبيني
كل يوم حرف من نغمة هواك

ارحميني بالهوى وإلا اذبحيني
لا تخليني معلق في سماك

كل ما خذتي عمر مني عطيني
لحظة من ساعة داخل حماك

الحياة أشوفها والموت فيني
والعذاب اللي بغاك ولا لقاك

يسهر الليل وقمر طيفك بعيني
والشعاع الصبح يوقظ بي رجاك

إن حدا حادي تولاني حنيني
وإن عرض طيفك على طرفي بكاك

كيف هذا من هوى قلبي يجيني
يا أرق الناس قولي وش دهاك

لو تماديت بملامي سامحيني
كم تماديتي بذبحي من طغاك

شعر الامير خالد الفيصل