26 - 3 - 2021, 08:04 PM
|
| |
|
تحبك روحي
 
تحبّك روحي وآحسّك .. نِفَس هالرّوح
و توحشني بدون أسباب مدري لـيـه !؟!
يْ كيف أشرح لك إحساس أكبر مْن البوح
في قلب إيحبّـك أكثر ما يحب راعـيه
أحب صوتك هذاك اللي دوى لجروح
أحب إسمك وأضيع إن مرّني طاريه
أنا ما قـُول في بالي تجي و إتـروح
أقول لـك إنتَ بـالي وآنا أطري فـيـه
أنا في عْـيونك القاني سما و طْموح
يَْ لَـبّى الـنـّاعسه وْراعـيـها يا لـبّـيـه
وغلاك بْـ مهجتي كثـْر الفضا مفتوح
وفي ضْلـوعك أنا لي قلبٍ إمخَـبـّيـه
رضاك بـْ دنيتي هو سعدي والمربوح
رضاك.. آزعـِّل الدنيا عشان أشريـه
وعلى جمر الحسد دام الدلال إتفوح
بنـتـقـهـوى المحَبـّه وْ جمرها نطـفـيـه
خِذ عْـيـوني وإقرى مآ خـَفَـاه البوح
وخِذ عمري / بَلاك العمر أنا ما بيـه
أنامن حُـبّي لك تسألني حتى الـرُّوح
أهو قلبي .. أنا أو حضرتك راعيه؟!؟!
أنا في عْـيونك القاني سما و طْموح
يَْ لَـبّى الـنـّاعسه وْراعـيـها يا لـبّـيـه
وغلاك بْـ مهجتي كثـْر الفضا مفتوح
وفي ضْلـوعك أنا لي قلبٍ إمخَـبـّيـه
الموضوع الأصلي :
تحبك روحي || الكاتب :
حنين الأشواق || المصدر :
شبكة همس الشوق |
عضويتي
العرض العادي
