كوني ملكة

#1 6 - 4 - 2021, 08:38 AM

كوني ملكة

خايفه زوجك يتزوج عليك
هدفنا السعاده الزوجيه ..الدائمه والأبديه ...في ظل طاعة الرحمن ..

ماننكر أن أمنية كل زوجه مننا أنها تعيش هي الوحيده في قلب زوجها ..

وتملك حياته ..ويغمرها بحبه وعطفه ..وحنانه ..ولاأحد يشاركها فيه ..

هذي غريزه فينا كلنـــــــا ..وماأحد ينكرها ..

حتى زوجات المعددين أنفسهم ..ماينكرون رغبتهم الحقيقه ..في الـــــزواج من أعزب ..بدون وجود شريكه ..لكن قدر الله وماشاء فعل ..

أعتقد مايهم كل إنسانه تحب بيتها وزوجها هو كيف تحافظ على أستقرار حياتها الزوجيه ..وسعادتها ..

اللي عليك الآن ..كزوجة رجل غير معدد ..إنك تنتبهين لحياتك ..,وتستفيدين من تجارب غيرك ...
..من يدري بعد كم سنه ..ايش بيكون وضعنا ..!؟

حاليآ نبغى نستمع بكل لحظات .حياتنا.ونتوقف عن التفكير السلبي ..والخوف من التعدد ..

وننظر لحياتنا الزوجيه بشكل إيجابي أكبر ..ونخطط لها بشكل صحيح ..ومدروس ..بحيث نمتع أنفسنا ..وأزواجنا ..

وناخذ العبره ..من تجارب زوجات المعددين ..وناخذ من قصص الأزواج المعددين ..اللي يهمنا ..

ونتجاهل الأشياء اللي ترفع الضغط ..وتأثر على حياتنا ومشاعرنا بشكل سلبي .. ..!

لو ندقق الملاحظه ..في الحياه العاديه مابنشوف الا جزء مثالي فقط ..يظهر أن كل زوجه هي المثاليه ..وهي من تملك ..زمام قلب زوجها وعقله ..

ويظهر أن الزوج سواءآ كان معدد أو أعزب أنه سعيد ..وعادل ..وشاطر ..وبطل .!

نلاحظ أن الرجال كثير مايتحاشون التحدث عن أسباب التعدد من ناحيتهم ..وأسباب تفكيرهم بالزواج ..!

واغلب الرجال يصرف الموقف بإجابه مثاليه ..وهذا الشيء طبعا لايريح ..ويخليك تعيش دوامة قلق ..وخوف ..وتفكير مستمر ..في التعدد ..

وحتى الزوجات نفس الشيء ..ماكنت ألاقي منهم اللي أبغاه ..

ماأقولك راح تكونين أسعد إنسانه لو طبقتي هالكلام ..

لكن ممكن تعيشين حياه وسطيه ..وماتخافين أحد يهضم لك حقوقك في يوم ما ..

وراح تكون حياتك ماشيه على خطى واضحه ..وثابته ..,ومستقره ..بإذن الله ...

هنا ملخص كامل للأشياء اللي نستفيدها من حياة المعددين ..

وأرجوا من الله عزوجل إنه يترك أثر إيجابي في كل زوجه

الموضوع الأصلي : كوني ملكة || الكاتب : حنين الأشواق || المصدر : شبكة همس الشوق

6 - 4 - 2021, 08:40 AM

أول شيء ..في حياتك الزوجيه عمومآ ..تعاملي مع زوجك على إنه رجل معدد

قدمي واجباتك كزوجه على هذا الأساس ..وطالبي بحقوقك على هذا الأساس

وراح تعيشين براحه نفسيه عجيبه بعد هذا القرار ..وحتى زوجك راح يسعد بك ..!!

أكيد بتقولون الله يرحم والدينك حنا ماتحملنا الحلم أنه تزوج عاد نتعايش مع الفكره ..!!

لكن والله ..إنك بتعيشين مع زوجك بتوزان ...كييييييييييييييف ..تعالوا أقولكم ..

راح يتوقف مسلس العطاء المستمر بدون مقابل ..

راح يتوقف مسلسل الإهمال الزوجي ..

راح يتوقف مسلسل اللامبالاه ..

راح يتوقف مسلسل الثرثره الغير مفيده ..والسواليف الماصله ..

وراح يتوقف مسلسل التنازل عن الحقوق ..

وراح يتوقف مسلسل التحقيق المستمر فين رايح ..من فين جاي .

وشغلات كثيره راح تتغير ...شيء منها لصالحك ..وشيء منها لصالح زوجك ..

وراح أسلط الضوء على أهم الشغلات راح تغيرينها بحياتك ..

الأمر الأول : أهمال المظهر

لو كان زوجك معدد ..هل راح تهملين جسمك مثلآ ..!؟

بصراحه شعورك الآن أكيد لأ ..بتحاولين تخففين وزنك لو كنتي سمينه ..
بتحاولين تخفين أثار الحمل والولاده من جسمك ..

بتحاولين تعدلين بشرتك ..وتغطين عيوبها ..( صنفرات ..وكريمات تقشير ..وكريمات تفتيح ..) ..
شعرك ..اسنانك ..ملابسك ..إستايلك عمومآ ..ليه ..؟؟؟

لأن زوجك عنده شريكه غيرك ..ممكن يزهد فيك ويقبل عليها ..بسبب أهمالك ..وهالشيء راح يؤدي الى هضم حقوقك ..!؟

طيب وأذا زوجك مو معدد بالمعنى الحقيقي ..فأعتبري إن كل نساء العالم كلهم ضرايرك ..

لأن زوجك موأعمى ..ولاغبي ..بيشوف نساء حوله وحواليه في كل مكان ..
محارمه نساء ..خواته نساء ..في الشارع نساء ..في التلفزيون نساء ..

ولو ماشاف ..فهو يسمع ..,أصحابه يتكلمون ..أخوانه يتكلمون ..أهله يتكلمون ..
والكارثه الأدهى والأمر لما أنتِ بعد تتكلمين عن النساء ..وكأنك تفتحين عيون زوجك على عيوبك ..!

( رحنا لفلانه وطبخها لزييييييييييز ..(وأنتِ طبخك ماشي حاله )..وفلانه بيتها نظيف ( وانتِ بيتك حوسه ..)

وفلانه جسمها يهبل ..وفلانه شعرها ..وفلانه أسلوبها ..وفلانه مزحت وقالت ..وفلانه خفيفة دم ...وزوجك مشنف آذنه يسمع ويتخيل فلانه ..!؟ويتحسر على حظه ..ويندب نصيبه اللي جمعه فيك ..!!

وأنتِ مبسوطه على الآخر على بالك هو مستمتع بسواليفك ..!
وكل مارجعتوا من خرجه يسألك عن فلانه وعلانه ..وأنتِ نفس السيناريو يتكرر ..بأختلاف الأسماء

6 - 4 - 2021, 08:42 AM

الأمر الثاني : تغلبي على الحالات المزاجيه ..والإهمال واللامبالاه ..والفتور ..

بصريح العباره ..مافيه أنثى كامله في الوجود

والمرأه منا تعتريها ..حالات مزاجيه متقلبه ..( حمل ..وحام ..نفاس ..دوره ..) ..تتتغير فيها الهرمونات ..ومزاجها يكون متعكر ..,مالها خلق ..حق اللبس والإهتمام ..والدلع ..

وأحيانآ يعتري الزوجه ..كسل ..ملل ..وفتـور .
نقدر نقول غفله ..عن هذي الأمور

وهذي الفترات أحيانآ كثيره ..تكون مساحه خصبة لأنتشار أفكار سلبيه عن الـــــــزوجه ..وكثير معددين مالقيوا فرصه للزواج على زوجاتهم الا بمثل هذي الفترات ..!

للأسف صمت الزوج وسكوته على الوضع الغير مرغوب فيه .....يدخل الزوجه في دائرة الأمان ..وزوجي ماينتبه ..وزوجي مايدري .. اللين تكتشف إنه متزوج ..ويمكن هالساكت مقطع لحمها تقطيع بين الناس ..!

زوجتي مهمله ..زوجتي ماتلبس ..زوجتي ماتعرف تهتم .... ترى الساكت أخططططططططططر ..!

فلاتنتظرين اللين يفكر زوجك بالتعدد علشان تتصلحين ..وتنفضين غبار الكسل ..وتخرجين من دائر الملل والفتور ...وتبدأين .تعدلين من الأشياء اللي كنتِ مهملتها ..

خليك متهمه بنفسك طول العمر ..علشان لايجي يوم ..وتسمعين منه كلمه ..ماتعدلتي الا لما تزوجت ..

ترى محد بيقول ياحرام ماكان يعلمها ..ماكان يذكرها ..ماكان ينبهها ..الكل بيقول هي مهمله ..هي فاشله ..!؟

6 - 4 - 2021, 08:44 AM

الأمر الثالث : الحقوق ..والواجبات الزوجيه ..

أعطي زوجك حقوقه كاااااااااااااااااااامله ..لاتقولين ..هذا مايدري ..مايعرف ..(يخب عليه )..مايملأ عينه ..!؟

الرجل وأن كان ساكت ..أو مايطلب ..ماهو دليل رضى عن سلوكك ..يمكن هو الآخر يتوقعك جاهله ..وماتعرفين ..

علشان كذا يسكت عنك ..ولايتكلم ..ولايطالب ..بينما تتفاجأين إنه ممكن بلحظة خطب وبيتزوج ..!

هذا دليل إنه فاهم بس كان صامت ....في هذا الزمن مافيه رجل بسيط ..الرجال البسطاء ..أيام جدي وجدك ..اللي كان همهم يدخلون البيت يلاقون لقمه ياكلونها ..وفراش ينامون عليه ..

الآن الرجال يبغون وحده تستقبل بحفاوه ..وتودع بحراره ..وتشارك الفرحه ..بحواسها كلها ..وتشاركه الحزن بحواسها كلها ..

يبغون أنثى ..أنثى حقيقه ..مش ديكور ..ومظهر ..ومقاسات معينه ...لأن أسلوب الحياه الآن تغير عن أسلوب الآباء والأجداد ..وصار وظيفة المرأه أكبر ..والحمل زاد عليها أكثر من قبل ..

قرأت لرجال يتكلمون عن حاجتاهم ..,ورغباتهم ..وأنا اجزم أن ولا واحد فيهم صرح لزوجته فيها ..!

وكل مطالبهم كانت عاديه ..وممكن أي زوجه تسويها ..لكن ...؟؟؟؟؟؟

6 - 4 - 2021, 08:45 AM

الأمر الرابع : أشبعي الحقوق المتمثله في الفراش ومايتعلق فيه

الرجل ماتزوج الا للعفاف ..فلاتبخلين على تعلم كل مايسعد زوجك و يريحه من هذا الجانب ..
لاتقولين مايطلب ..مايبغى ..مايعرف هذي الحركات ..ممل ..موجريء ..
مايفهم ..أستحي ..!

لاياقلبي ..انتِ أستعدي ..أنتِ رغبيه بنفسك ..أنتِ إجذبيه لك ..أنتِ تغلبي على خجلك ..

الرغبه الأساسيه في زواج كثير من الرجال هو الجنس ..وهذا الكلام والله ماأقوله الا لما سالت بنفسي ..

وسمعت من رجال ونساء ..إن الجنس هو السبب الرئيسي في دخول فكرة التعدد لحياتهم ..
الرجل يبغى التجديد ..يبغى الجرأه ..يبغى الإعجاب ..يبغى الإشباع ..

والإشباع يشمل كم ..وكيف ..ركزي عند هذي العباره كثير ..
مايهم الرجل الكثره ..بقدر مايهمه الكيف ..والعكس صحيح ..

الأمر الخامس : ..حقوقك كزوجه ..

شفت أزواج يتزوجون على زوجات مثاليات ..ولاتستغربون ..

والله واقسم بالله أنها مثاليه من كل ناحيه ..في التربيه ..في الأخلاق ..في التعامل الزوجي ..في العطاء في التعاون ..ماكانت تقصر على زوجها بأي شيء يسعده ويريحه ..

لدرجة إنها تمثل دور الزوجه والزوج في نفس الوقت ..ومقدره إنشغال الزوج بعمله أو دراسته ..,وقائمه حتى بدوره تجاه الأبناء ..

لكن بالمقابل ..حاجتها وحقوقها وأمنياتها ..وطموحاتها اللي كانت في أمس الحاجه لها ..كانت متغاضيه عنها ..بإعتقادها إن هذا تقدير منها لزوجها ..وإن هالشيء ممكن يكبرها في عين زوجها ..

وماكانت تبغى تشغل الزوج بمطالبها ..ولاتطلب منه يشاركها في واجباته تجاه بيته وأطفاله ..!؟

كون الزوجه مرت سنوات عليها وهي متنازلة عن شيء من حقوقها ..من باب تقدير للزوج ..ولوضعه المادي ..ومن باب التفاني في خدمته ..هذا أغلب الزوجات يشكرون عليه ..
لكن أعطي زوجك دوره الحقيقي في بيته ..

وخذي أنتِ دورك الطبيعي ..وخليه يشارك في واجباته كزوج وأب ..

رعاية الأبناء ..تربيتهم ..متابعة دروسهم ..خليه يشاركك كل شيء ..ترى الأب مو صرافه فقط ..!؟

لاتحملين نفسك فوق طاقتها ..

لاتنتظرين اللين زوجك يتزوج ..وتبدئين تطالبين بالشغاله اللي لك سنوات محتاجتها ....

والمصروف اللي لك شهور ما أخذتيه ....والسفر اللي كنتي محرومه منه ....
ويغير لك غرفة النوم المكسرة .. ..والثلاجه الخربانة ..و المكنسة المحروقة ..!

و تطالبينه يتابع عياله ..اللي مايعرف بأي مرحلة دراسية هم ..!
لاتنتظري أنثى تجي تصحيك من سباتك ..

وتذكرك إن لك حقوق أنتِ ساكته عنها من سنوات ..!
وإن لك فلوس أبو العيال إستلفها منك من سنوات ..ولارجعها ..
وإن ماعندك ملابس خروجات زي باقي الحريم ..ولاعطور ..
ونص علب المكياج مخلصه ..وكريمات الترطيب ماعندك منها شيء ..!

لاياقلبي ..أصحي لنفسك ..وأحسبي لكل شيء حساب ..

ماأقول حملي زوجك فوق طاقته ..وخليه يتسلف ويتدين ..لاوالله ..
لكن أنتِ تعرفين زوجك ..واللي وراه واللي قدامه ..مايمنع يعطيك حقوقك اللي ربنا فرضها لك ..بما يستطيع ..
( لينفق ذو سعة من سعته ) ..ولاتتمللين من تكرار الطلب ..أطلبي مره وثنتين وعشر ..اللين يقبل ..

والحيله ..وكيد الحريم ..كفيله إنها تخدمك بهذا الموضوع

6 - 4 - 2021, 08:47 AM

الأمر السادس : .. ..زوجي يحبنـــــــي ..إيه نعم يحبك ..ويموت فيك ..

ولو تسألين أي زوجه معدد هل زوجك كان يقولك أنا أحبك ..بتقول لك ياما ..وياما ..شبعني حب وغرقني فيه ..

ووالله ولاحده منهم كانت تتوقع أن زوجها يتزوج عليها بيوم ..من الحب والألفه اللي بينهم ..!

ويمكن بعضهم الى الآن مازال والله يحبها ..ويعشقها ..وبينهم موده ..ورحمه ..

لكن لاتعتمدين على الحب وحده وتقولين خلاص بما إنه يحبني فماراح يفكر يرتبط بوحده غيري ...
..ولازم تتعلمين هالشئ ..أن الحب ماهو دليل كافي أنه متشبع منك ..!

إيه نعم الحب شعور يعطي بالأمان ..

لكن لاتتعدى هذي المشاعر الى الثقه العمياء ..علشان لاتنصدمين ..

ماأقول لك أن الرجال خونه ..ومجرمين ..ومن هذا الكلام اللي نسمعه من الكثيرات ..

لاو الله ..لكن زوجك زي مايحبك ..فهو يحب نفسه ..وهذي كلمه للأمانه تقال بحقهم ..

شهوة الرجل تغلب عاطفته ..!

إيه نعم يحبك ..لكن حاجته لأنثى غيرك ..تسدد النقص اللي في حياتكم ..( ممكن يكون نقص بسيط) ..راح تحجب عاطفته ..وراح يفكر يشبع النقص ..

ماأقولك إن هذا التصرف ..أنانيه منه ..والا نذاله ..والا خيانه ...لأن شرع الله حكيم ..

وأنتِ بعد عامليه بالمثل ..حبيه ..بيديك ورجليك ..بكل جوراحك ..لكن حقوقك ..,وحاجاتك ..لاتنسيها ..

الحب وحده مايوكل عيش ..

الأمر الأخير : ....لاتهملي أنتقاد زوجك لك ..( رجاءآ لمصلحتكم لاتهملون هذي النقطه )

الرجل بطبعه جدي ماعنده لف ولادوران ..والشيء اللي مايعجبه يقوله بشكل مباشر ..

بعكس الشيء اللي يعجبه ..( مايعرف يمدح ..لكن يعرف ينتقد ..لأنه ماتربى على الكلمه الحلوه لاتلومونه ..)

أحزن كثير لما اشوف زوجه ..زوجها إنتقادها بشيء..
و يقولون لها ..ماعليك منه طنشيه ..

أزعلي منه علشان مره ثانيه مايعيدها ..هذي النصيحه بحد ذاتها خرااااااااااااااااااااااااااب البيوت ..!

زوجك لما ينتقدك ..فهو جاد في كلامه ..وخذي كلامه على محمل الجد ..وترى أغلب الرجال مايعرف أسلوب التلميح ..

لما يقول أنتِ فيك كذا وكذا ..يعني فعلآ أنتِ فيك كذا وكذا ..!

لاتكابرين عن تقبل نقده ..ترى مع الأيام يبطل ينتقدك ..وانتٍ تفرحين على بالك أنه تأدب ..وصار يحترمك ..

لكن للأسف راح تكتشفين أنه أنعدمت بينكم لغة الحوار و الصراحه ..وصارت حياتكم واجبات وحقوق فقط ..

ويصير هو يعيش معاك على مضض ومجامله ..وفي يوم وليله ..تصحين على خبر ..إنه متزوج ..!

طيب ليييييييييييييش ..!؟

لأنك كممتي فمه ..أخرستيه عن الإنتقاد ..صار يحس إنه مضطهد ..مقهور ..مكبوت ..
موقادر ينتقد ولايعلق على شيء .... مهما شاف منك أشياء ماتعجبه ..مايقدر يصارحك ..

لأنك بالعربي تزعلين ..,وتضربين البوز ...وتسوين مشكله ..أصبح هو يلجأ للمجامله ..لأجل تستمر الحياه شكليآ..!

وأكثر الرجال ..يقولون هالكلام ..أن المرأه ماتفهم رغباتهم ..والسبب ردة فعلها تجاه نقدهم ....

بصريح العبارة أحدهم يقول زوجتي ...ماراح تفهمني ..وتزوج عليها ..!

تقلبي نقده لو ماعجبك ..وأوعديه خير ..لو ماراح تنفذين ..المهم تعرفين رغبات زوجك ..وأمنياته ..وخذي منها اللي يناسك ..وتجاهلي اللي مايعجبك

6 - 4 - 2021, 08:49 AM

وأخيرآ ..

لازم تتعلمي ان العطاء الغير محدود والغير موزون ..ممكن يأثر على الحياه الزوجيه بشكل سلبي ..!

وتتعلمي أن الرجل الشبعان لايمكن أن يلتفت للخارج ..( طبعآ شبعان من كل النواحي ) ..!

وكمان إن السكوت عن المطالبه بالحقوق الزوجيه ..والتنازلات المستمره ..تخفض مستوى تقدير الزوج لحاجات زوجته ..!

واتعلمي أن الرجل يعرف مايريد ..ويعرف يحدد رغباته بدقه ..وحاجاته ..وراح يبذل المستحيل في سبيل توفير حاجاته ..وأي شيء ممكن يسعده ...أما المرأه تعرف بشطاره ايش يبغون الناس منها ..!!؟؟؟( للأسف فشل ذريع للمرأه سببه التربيه ) ..

المرأه تنظر للمجتمع أولآ ..وردة فعله ..ثم حاجاته هي ..!

بينما الرجل يفكر بحاجاته أولآ ..ثم يفكر بالمجتمع ..وأحيانآ مايقيم للمجتمع وزن أصلآ ..!

وهذا الفارق بينهم ..

لاحظوا لما الرجل يفكر يعدد ..مايشيل هم أبدآ لكلام الناس ..أو نظرتهم ..أو ايش بيقولون عنه ..!

بينما المرأه حتى لو تبي تشتري لها فستان ..أو تغير قطعة أثاث في بيتها ..فهي تفكر بالناس ..أولآ ..وايش ردة فعلهم ..ونظراتهم ..وكلامهم ..!

نقطة أخيرة
كوني جريئة لتلبية احتياجات ومتطلبات زوجك

6 - 4 - 2021, 04:52 PM

طرح جميـــــل
دام التألق ... ودام عطاء نبضك
كل الشكر لهذا الإبداع,والتميز
وبآنتظار روائع جديدك بكل شوق

7 - 4 - 2021, 11:38 AM

همسة الشوق
تقف الكلمآت عآجزة ..
عن وصف روعة حضورك ..وعذوبة ذوقك ..
تسلم يمينك على روعة مرورك وآنتقآئك لكلمات ردك..
لروحك آكآليل آلورد..

21 - 4 - 2021, 02:49 AM

طرح قمه الروعه في والجمال
سلمت اناملك ويعطيك العافيه علي مجهودك
في أنتظار المزيد
من عطائك والمزيد ومواضيعك الرائعة والجميله
ودائما في إبداع مستمر

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

المواضيع المتشابهه لموضوع: كوني ملكة لموضوع: كوني ملكة
الموضوع	كاتب الموضوع	المنتدى	مشاركات	آخر مشاركة
كوني معي كوني لي احلى قدر	همسه الشوق	همس عذب الكلام والخواطر المنقوله	4	27 - 9 - 2021 05:19 AM
كوني معي	شيخة الزين	همس عذب الكلام والخواطر المنقوله	4	19 - 9 - 2018 07:55 AM
انت سيد كوني	همسة الشوق	همس عالم ادم ازياء الرجل عالم الرجل العصري	6	9 - 12 - 2016 06:57 PM
كونى له كل شيئ	بلسم الروح	همس للحياة الزوجية	2	26 - 10 - 2013 02:26 PM
ملكة جمال متحولة جنسي تطرد من مسابقة ملكة جمال كندابالصور	طالع نازل	همس للاخبار الفنية العربية والعالمية وصور المشاهير	6	11 - 5 - 2012 02:06 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

التسجيل مجاني
سجلاتنا تفيد بأنك غير مسجّل ,, يرجى التسجيل اسم العضو كلمة السر تأكيد كلمة السر البريد الإلكتروني تأكيد البريد الإلكتروني تاريخ الميلاد: هل انت موافق على قوانين المنتدى؟