9 - 5 - 2021, 12:15 AM
|
| | | |
SMS ~
[
+
] | | | | | |
|
أرواح راحت والسبب بعد الارواح
 
لا تبتعد يا روح روحي عن الروح
أرواح راحت والسبب بعد الارواح
لو رحت يا روحي ترى الروح بتروح
والروح لو راحت ترى صعب ترتاح
من روحتك يالروح ما فيه مصلوح
لا تزيد جرحي جرح يكفيني أجراح
روحي تبي روحك ولا غيرها روح
وروحي لك بروحك ولو غيرها صاح
لا تترك اللي في محبتك مذبوح
إيآك والفرقى ترى البعد ذباح
يوم الغلآ من بيننآ عطره يفوح
بنآت فكري عطرها دوم فواح
واليوم شفني لي سنه ودي أبوح
أحروف طاحت والقلم مثلها طاح
جيتك على درب المحبه وبوضوح
على النقآء بالشوف للعين وضآح
ترى الخطآ بالحب يا زين مسموح
مدموح في شرع المحبين ويباح
خطآي سبة هالبخت طبعه يشوح
وأسباب حظ(ن) ماسعى لي بالافراح
وخطاك شفت الباب للوصل مفتوح
وأقفيت تحسب بالعواذيل نصاح
أرفق من العبره ترى الصوت مبحوح
أرفق على روحي ترى شاعرك راح
لا تعاود الكره على قلب مجروح
لا تعآلج أجروحه من أيديك بجراح
لولا (الأمل) شفته على القاع مطروح
لو يفقده روحه عن الجسم تنزاح
كنه غريق(ن) في بحر مآسك(ن) لوح
تلعب به الآمواج لو كآن سباح
يرفع يديه يقول يا منجين نوح
تفرج لمن موته على ناظره لاح
وأقول أنا يا عالم السر والبوح
تبدل الضيقه والاحزان بأفراح
يالله عسآها ضيقة أيآم وتروح
ولا سحابة صيف تمشي وتنزاح
وأختامها لا تروح يا غاية الروح
أرواح راحت والسبب بعد الارواح
الموضوع الأصلي :
رواح راحت والسبب بعد الارواح || الكاتب :
حنين الأشواق || المصدر :
شبكة همس الشوق  |
عضويتي
العرض العادي
