14 - 6 - 2021, 01:32 AM
|
| |
|
فؤادي خيل ما ساسه سوى وصلك
 
على مثلك أصافح وقتي وآهنيه
واهني خافقي ولا إنت من مثلك
عجزت أوصف سما قدرك عجزت أوفيه
وش أبعاد السما قلي وانا أوصف لك
هلا بك يا نسم روحي و يا لبيه
في قلب ما اعترف بالحب من قبلك
وش الحيلة في قلب محبتك تمليه
في شخص من غلاتك صار يشبه لك
تفاصيلك هي ضعفي لا تسأل ليه
حنانك ضحكتك هيبتك وطيب اصلك
وصوتك كوكبي الوهاج وحسك فيه
إذا سولفت ياخذني وأسافر لك
وانا يا سيد إحساسي ويا غاليه
فؤادي خيل ما ساسه سوى وصلك
يحبك حب يشبّ الحاسد ويطفيه
إلين يرمد وجعله فدى ظلك
هوانا ما تهزه ريح وللتشبيه
هوانا يا جبل وش اللي يقدر لك
وغرامك يا خليفة قلبي وواليه
وطن وإحساسي به شعب فدى كلك
يا إسم من غلاه إن مرني طاريه
يراودني سؤال وده يوصل لك
أبي مثلك وش اللي ينهدى وأهديه
إذا إنته يالغلا ما فيه أحد مثلك
الموضوع الأصلي :
فؤادي خيل ما ساسه سوى وصلك || الكاتب :
حنين الأشواق || المصدر :
شبكة همس الشوق |
الأعضاء الذين قاموا بتقييم هذا الموضوع : 0
عضويتي
العرض الشجري