31 - 12 - 2021, 04:50 PM
|
| |
|
ارحبي ياشيخة سنيني اطلبي روحي ومن عيني
 
يا سمي البدر وسراجه الحلا ماخذ ترا تاجه
تدري بخاطري حاجة ودي بقوه ترى اضمك
ودي اعلمك وش معنى بعد غيبة لا الغلا تعنى
في عناقك ايه باتهنى ما شبيه الا حضن امك
عين دعجة منها ويلي وخشم سيف للمشاكيلي
والثغر لا ود تقبيلي العسل يندا ترا فمك
سلطك ربي على قلبي يا شريك ايامي ودربي
امنياتي تخلص بحبي وانتبه تخذلني بعلمك
اعشق بتقوى على السنة راقب الله ثم خف منه
يا عسى من جابك الجنة الظهر لا يجرحه سهمك
واقنع بحبي وكل ما في والعمر كله معي وافي
وان تمشكلنا فلا تجافي دام قلبي صوبك ويمك
من حلاك الغيد مقهورة وكم فاتن منك مدحوره
ايه زينك يلفت حضوره الحلا في وجهك ودمك
ارحبي ياشيخة سنيني اطلبي روحي ومن عيني
في غلاتك لا توصيني لازقن بك لزقتك اسمك
وابشر بقلبي وكل مالي يا حبيبي يا بعد حالي
العيونك يرخص الغالي ابشر وازهل علي همك
يا عساني ما انحرم منك العمر دونك شقا لانك
سالبني اسلوبك وفنك حبني ولا شي ترا يهمك
|
|
|
|
الموضوع الأصلي :
ارحبي ياشيخة سنيني اطلبي روحي ومن عيني || الكاتب :
حنين الأشواق || المصدر :
شبكة همس الشوق |
عضويتي
العرض العادي
