| | |
| كل ماقيل حايل دمع عيني يفيض
واشتياقي لحايل من دلايل غلاه
والبيوت الجديده من ضميري تهيض
واسم حايل بيوت القيل عندي زهاه
يوم اشاهد جباله ضامري يستريض
الجبال ونفوده والسهل مع حصاه
من غلا الدار عندي كل موطن بغيض
غير مكه وطيبه ما بغينا سواه
" هي عروس الشمال" ومن سكنها حضيض
ديرة ٍ حاتم المشهور عاش بوطاه
الكرم له شعار وبالمكارم تفيض
بالكرم من قديم عالياً مستواه
ديره احفاد حاتم ما سكنها خفيض
ساكنه والبدو واللي سكن في قراه
الله اللي وهب للدار مجداً عريض
مجدها حاتم المشهور شيد بناه
الكرم به طبيعي والتطبع نقيض
والمراجل صعيبه تتعب اللي مشاه
والنفوس الرضيه دايماً ما تغيض
وميزه اهل المراجل ما خسر من نصاه
وكل ديره بها للمجد رجل حفيض
وصاحب الجود وافي حق نظهر ثناه
والمزون الثقيله ما تشابه نفيض
ارض حايل وجوه غاليه من حلاه
ما حلا جوها يا حل وقت المقيض
عد سوده عسير تنافسه في هواه
ومن يفارق دياره مثل حال المريض
لو تغرب حياته مستحيل نساه | |
| | |