جعل السحاب الى بروقه لها ضوح يرخي همالييل الغشين القراحي
علا قراء ساحوق من فوق وطلوح
وريكات وذريرا وهاك المشاحي
لوكان مالي في مراعيه مصلوح
لاني بلا موده ولاني متاحي
متريحن من بين جدران وصطوح
مبطي من الثنتين خالي مراحي
لي صاحبن مملوح مع نزل مسرووح
يلعب بقلبي لعبت مضيم ضاحي
وجدي عليها وجد من جاه ساموح
بنحور قومن يشهرون السلاحي
عنده ثلاث اذاواد ماهن بشرشوح
وخلفاتهن تسعين غير الاقاحي
لياصعق جنه عرازيل وطفوح
بركي علا راس الغزال الواحي
وجاهن عقيدن زاحهن كلهن زوح
وربعه وراه يجمعون الطياحيي
ان صد قام الغيض يسقيه ذرنووح
وليا بغا يفتكها من يناحي
وجاهم بدون اشعور من راس جردوح
ورموه عطبين المرامي وطاحي
وقام الحمام ينوح في قمت الدوح
غنا ونا نايم وفزيت صاحي
اخذت لي غطه وصحاني النوح
وقعدت الاحي لين لاح الصباحي
كد كنت عن روس المراقيب منصووح
نصيحتن ماكللت بنجاحي
وعديت من روس المراقيب لحلوح
لحلوح من روس المراقيب فاحي
مدملجن ممسوح جنبه تقل لوح
مثل الزجاج تموج عنه الرياحي
عديتبه سالم وحولت مجرووح
ونا احسبنه سلوتي ونشراحي
وحولت في جرحين مغلق ومفتوح
وطعون شلفن من جميع النواحي
وشميتلي ريحن خطيرن علا الروح
ريحان والريحان سمن ذحاحي
ان كان كانني تشافيت مسمووح
ون مت جعلك من ذنوبي مباحي
لازم تبيلي عن الحب منضوح
مابي الخفى خير البياح البياحي
ام انتظر ولا انسحب عنك وروح
ونته تروح وجعل دربك سماحي
وراسك من الشرهات بسمن ممسوح
ولي طونه بيض الايام راحي
الشاعر عبدالله بن زويبن الحربي