شبكة همس الشوق - عرض مشاركة واحدة

#1 28 - 5 - 2025, 10:32 AM

. <{ أشـد من ضرب السيوف }> .
إيه دوسـي على قـلبه بس لا تكرهينه
الكره يولّد حـقد والحـقد ما يرضىٰ به

قدّامـك جـمر الغـضا لو ودّك تحـرقينه
الله قــوي صــاب قـلبه وزادت إصـابه

يسهر الليـل وحـده ينادي ما تجاوبينه
يناظر في التلفـاز يسـلي همّه وعـذابه

وإذا تلا كـتــاب الله تـفــــرّ شــياطينه
وشـياطين الولع نارٍ توهج مـن تلقا به

بالهون يا حــورية لسانك لا تسـلـطينه
ترى أشــدّ من الســيوف يجــرح ذبابه

يدري ويداري وتدرين لكن ما تـدارينه
تزيدين الجـرح جــروح كأنه من ترابه

لا تغيّرين الطيب وإذا اتصل تناقشينه
كأنك ودك ينعزل ويحـرجونه أصحابه

حـلاتك يا بنت الرجال إنك تساعدينه
بالصـبر والكلمة الطيـبة للخـير جـلّابه
الشاعر/ حمد بن فهد المخالده السبيعي

حنين الأشواق معجب بهذا

الموضوع الأصلي : قصيدة أشد من ضرب السيوف || الكاتب : حمدفهد || المصدر : شبكة همس الشوق