شبكة همس الشوق - عرض مشاركة واحدة

2 - 3 - 2012, 07:07 PM

صمتي شموخ وانكساري مهابه **** مثل الشجر يموت والراس عالي

صبري عليك انك عزيز وقرابه **** وارخصت لعيونك غلا كل غالي

ياهيه فتح جعل عينك مصابه **** ناظر من تحاكي ؟ماني لحالـــــــــــي

معي شموخ ووعين كله صلابه **** ماتنكسر عيني ولا بك ابالـــــــــــي

الله خلقني شامخه ولا تشابه **** ولا انخلق بالكون مثلي بجمالــــــــــي

واعطاني الله ساس من خير لابه **** عدوهم بالحال ذبحه حلالــــــــــــي

واكرمني الله بالشعر والكتابه **** من الثقه بالنفس ميز خصالــــــــــي

ماجيت لك مكسور جيتك غرابه **** جيت اتامل في حطام الجبالــــــي

جيت اتفرج وانتظر بس اجابه **** انت الجبل وش نزلك للسهالــــــــــي؟

بعد ارتفاعك صرت وسط الترابه **** صارت قممك رمال ضمن الرمالي

كانت قممك هنااك كله خلابه **** تسحر عيون النايفه في جلالــــــــــــي!!!

واليوم دورتك بوسط الغلابه **** من بعد ماكنت!!!! شيخ الرجــــــــــــالي