شبكة همس الشوق - عرض مشاركة واحدة

#1 19 - 6 - 2012, 02:38 AM

,
.
,
.

ادري خطايه كساني كنه ثيابي
وادري مقصر وجيتك يالغلا ساري
جيتك وقصة غيابك جرح يحيابي
ابي اغنيه شوق ٍ جفف انهاري

:

معقولة انك تعودتي على غيابي
معقولة بغيبتك ماني على الطاري
مدري ابين وله أو ابدي عتابي
بس الأكيد إن خفوقي تحرقه ناري
البارحه والغلا يرقص على أهدابي
دورت لك مالقيت إلا الفضا عاري

ماهي بغلطة غياب الشمس .. ظلمات الليالي !!
ولا ذنب الطفل قلب ٍ .. قد تولع في غرامه !!

الربيع اللي حضن ورداته \ بكبر وتعالي
ما أرهبه طعنات صيف ٍ / قاسي ٍ صبح انتقامه

دامها (كذا/وكذيا) اقبلي / يالله تعالي
لا يهمونك .. مادام الوصل نوخ لي مقامه !!

اطعني ليل الجفا .. داخل صميمه \ لاتبالي
اسحبي جنون امنياتي .. أبني بقلبي خيامه

رقّصي كل الجروح / إللي قست اول وتالي
داعبيها لين تغفى .. وتهتني بأجمل منامه

اغرسي فوق الجروح الغافيه ، ورد اختيالي
بين هذا/ وبين هذا أتركي بصمه وعلامه

اسكني داخل عيوني .. ولملمي كل مابقالي
لملمي ذاك الشتات .. واحضني قلبي بهيامه

انثريني في غياهب ليلتك / وقت إشتعالي !!
واجمعيني لاتسلل ، خيط صبحك بالسلامه

اغمريني في حنانك .. لاوصل وقت إرتحالي !!
ازرعي داخل كياني .. من لياليك ابتسامه !!

صامت بحضرة جمالك \ لين بعدك قد بدالي
رحت أردد مابديته / من كسا قلبي ظلامه

ابحر برحلة غيابك .. بس بعدك ماطرالي
ينتهي كل الكلام .. ويبقى لصمتي كلامه

ماهي بغلطات شمس الحب ''طعنات الليالي''
ولا ذنب الطفل ''قلب ٍ'' راح تكسيه الملامه

الموضوع الأصلي : ظلمات الليالي || الكاتب : مــلآمـح خ ــجل || المصدر : شبكة همس الشوق