يابنت انتي بنت ناس مشاهير
وانا بدوي عايش مع لبوش ف البر
انتي بفيلا بالزهر والنوافير
وانا بعريش وحوله الوادي الاخضر
انتي تلفين المدينه بالعصير
وانا ادور بنت صوغان وازقر
الفرق واضح بيننا دون تفسير
مثل الشتاء يابنت يفرق عن الحر
انابدوي وانتي بشهادة ماجستير
ويحق لي بشهادة البدو افخر
ماغير طباعي لجل خاطر الغير
يابنت عفوا اعذريني فلا اقدر
احب البدو من يوم اناعدني صغير
واراقب الجوازاء مع الليل واسهر
واحب اشوف البر والصيد بالطير
وارتاح يوم الصيد في الدار يكثر
هذي حياتي عشتها دون تقصير
والحمدلله خالق الكون الاكبر
انابدوي يابنت وع الرمضا اسير
واتحمل الشدات بالحيل واصبر
اسير في الوديان واهلي مناعير
والشاهد الله فعلنا دوم يذكر
آخر تعديل الــســاهر يوم
5 - 2 - 2023 في 03:14 PM.