 .
يوم ضاق الغلا بي من يمين و يسار
قلت ابحيا وانا اللي في غرامك دريـك
جيت ابهدي يدينك من قصيدي سـوار
قادني لك غلاك وجيـت لـك يامليـك
جيت ادوّرك جنّه واثـر جنتـك نـار
آآآه من نار حبك حسبـي الله عليـك
بين بعدك وقربك ماوصلت لقرار
مرّه انسى هواك...ومره آموت فيـك
في محيط المشاعـر ذكرياتـك مـدار
مبتلينـي وصالـك والجفـا مبتليـك
آتناسـاك مـرّه واتـذكّـر مــرار
حرقتني بنـارك بيـن هـذي وذيـك
اذكرك وانت غايب شوق في كـل دار
واحسب إنك معايه لين اعود واجيـك
عذري اني احبك لو تمـوت الأعـذار
وعذرك انك تحسّ وتدري اني ابيـك
المهم ان غيـرك مالـة أي اعتبـار
كل قلبي خذيته إنـت مالـك شريـك
إنتظرتـك وجيـت بلهفـة الإنتظـار
دوك دقّـات قلبـي كلهـا تحتـريـك
لا ذكرت الوعد قلبي من الشوق طـار
بين لهفة لقاي وبين رعشـة يديـك
صرت من كثر حبك من محبّتك اغـار
شفت و ش كثر أحبك حسبي الله عليك
نورسين
|
|
|
|