تكفى اعلنها صريحه قل [أبيك] أو [ماأبيك]
الصراحة بالمحبه...[عادي] ما فيهـا زعـل !
أنطر بلهفه [ جوابك ] كل مابـي يحتريـك
لا [ تعلقني ] .. [ فديتك ] ماني قادر أحتمل
كل [عرقاً ] بي [ يحبك ] كل مابي يشتهيك
مدري حبي لك [ طبيعي ] والاعامل ليعمل
والا وش معناها اني [انجرح منك واجيـك]!
وليه أحبك في [ جنون ] وأنت قاتلني قتل؟؟
شفني لعيونك حضرت وكل حياتي في يديك
مدري حسيت بحضوري والا كل هذا ثقل !
قلبي اللي [ ملكته ] .. رافضاً هذي وذيك
عمره ما فكر بغيرك.. ولا عن [ثاني] سـأل
رافض الفكرة [ بتاتاً ] ما يساوم مّرهفيـك
أنت متربع لحالك ...وان ظهر [غيرك] أفل !
أن جرحته [ يبتسم لك ] لو تبيعه يشتريـه
هو جنون الحب هذا ? أو كذا سلومالغزل!
الغريبه اني [ اسكت ] لو تجي عيني بعينيـك
المشاعر في حضورك ضاعت بلحظة خجـل
ماقدر ينطق لساني ماجمع [حرفيـن ] بيـك
وانا ياما في [غيابك] قلت في وصفك جُمـل
ارفق بقلباً يحبك [ بـح ] صوته...يرتجيـك
وانتا مو راضي تبين وش أسوي لك اجـل ?
لو تبي عيوني حلالك اشر [بأصبـع] تجيـك
مهما كان اللي تبيه و مهما بسبابه حصـل !
حط في بالك حبيبي....كلي ما أغلى عليـك
مهما تجرحني تاكد..... كلها عندي عسل !
طال صمتك وصمتي .. قلت[ياويلي عليك]
في عيوني لك [كلام] وفي حطامي لك أمـل
حتى لو طوّل [سكوتك] انا صابر واحتريك
مستحيل احب غيرك لو يسموني [ خبـل ]!
تكفي أعلنها صريحة قل [أبيك] او [ماأبيك]
لا تعلقني [فديتك]...ماني قادرأحتمل!!
|
|