..[ ♣ ]..
لامن بغيت اسج وادله طرا شي
واصفق على يسراي في كف يمنـاي
واقـول ليـت اليـوم والبارحـه زي..
..وقتن مضـا يـوم اتعـزز بشكـواي
واشره على خلن ذبحنـي وانـا حـي
مدري وش اللي يكسبه عقب فرقـاي
هو يحسب ان الحب بيـروح ويجـي
الحب لا اقفا ما التفت فيـه شـرواي
يمكنـي الـد النظـر فـيـه لـنـي..
بشوف مع دربه حـدن خالفـه جـاي
لا يلتفت فيني وهـو صـدق مقفـي
ما اشين من الاقبال من عقب الاقفـاي
جمر المفـارق لا كـوا ينجـح الكـي
ودمع الحزن يذرف على نغمة النـاي
عزمي يصبرني وانـا صابـر اشـوي
واذوب لا جريت ونـه مـن اقصـاي
يا طي حالي من عقـب ونتـي طـي
طي الشنون اللي قضا عنهـا المـاي
امشي تحت شمس المفارق وانا فـي
..للـي يزعلنـي وهمساتـه ارضـاي
واليوم ما ادري وش علي منه وش لي
ما غير اهوجس واضرب الراي بالراي
ماني من اللي لا عشق ذي عشق ذي
انا عفيف الحب لـو تقصـر اخطـاي
راحت سنيـن العـب والهـو والغـي
اللي عيون اصحابها صـوب مخبـاي
اثر الزمن هو هو والاشخاص هي هي
وحتي وليفـي درع جنبـي ومركـاي
اقفا عقب مـا فلـت الريـش بيـدي
..وخلا يساري تصفـق بكـف يمنـاي
رآقت لي ف گآنت هنآ