قـالت انتبـه باقـي عـلـى شفـتـك روج
ياعيـن مــن حطـيـت عيـنـي بعيـنـه
وابطيت واقف في بحر عينـها مـوج
ابـحـرت فــي عيـنـه بـلـيـا سفـيـنـه
سجيـت فيهـا ليـن ضيعـنـي الـمـوج
حاولـت .. الـد الشـوف عمـا يهيـنـه
ولا انتبـهـت الا وانــا فـيــه مـلـبـوج
شفـت الفتـن فــي ملتـقـى حا جبيـنـه
والسحر في عينه مع الزين مدمـوج
اســود ســـواده لابـسـتـه السكـيـنـه
وابيض بياضه طايش اللون مرجوج
زاويــه طــرف ٍ حـاجــز ٍ دمعتـيـنـه
لـولاه كــان الـخـد بالكـحـل مـمـزوج
كاسـيـه رمــش ٍ زاد ملـحـه وزيـنـه
من فوق متكحل ومن تحـت مدعـوج
بين الرمـوش السـود شفـت الغبينـه
واللي رماه الرمـش ماعـاد لـه بـوج
مــرت ثـوانـي مــن حيـاتـي ثمـيـنـه
وانـا اتهـادى بيـن الاشـواق وأدوج
مـرت وانـا قـابـض عـلـى راحتيـنـه
واقـف مقابـل لـه وساهـي ومـدلـوج
مدري وشاللـي صـار بينـي وبينـه
والقـلـب مـاردنـه ضلـوعـي الـعـوج
ولا انتـبـهـت الا بسـحـبـت يـديـنــه
قالت انت تبغى الناس تلحقني هـروج
قلـت العـذر اللـي شـافـك الله يعيـنـه
يبطـي ودمعـه بعـد فرقـاك مـزعـوج
عيـنـك بنـظـرات الـغــلا مستهـيـنـه
قالت الغـلا فـي داخـل القلـب منسـوج
قلـت الوعـد قـالت ايـه كـلـش بحيـنـه
الله يفتـح لـك مـن الضيـقـه فـجـوج
قلت آآه طيب شوفي لي الـدرب وينـه
قـالت انتبـه باقـي عـلـى شفـتـك روج
قلت لها ادري بسس لا تمسحينه
ابقهـر بلونـه مطافيق و علووج