شبكة همس الشوق - عرض مشاركة واحدة

23 - 10 - 2014, 04:43 PM

ونزلت تحت عند خالتها ومضاوي وجلسوا يسولفون وبعد العشاء جلست مضاوي تسأل أمها عن وش بيسون للزفه
أتركم غلا وطلعت غرفتها
ولقت رساله من زايد كان مقطع صوت حزين يقول
< بحضر زفافك ياحياتي
بحضر زفاف الي هويته
وبرزف عشانك لاتحاتي
وبهديك كل الي بغيته
بهديك دمعي وعبراتي
والهم الي فيني رميته
بحضر ولو بعرسك مماتي
شايل معي قلبن نسيته
وأجمل قديم الذكرياتي
والضيم الي منك خذيته
وبذكر ليال الماضياتي
كنت الوليف الي أهتويته
كنت الذي لأجله أباتي
ساهر ونومي ماأهتنيته
بهديك في ليله وفاتي
حلم اليالي لى طويته
وأعطيك من قلبي أمنياتي
تلقى الهنا في دربن مشيته
وتعيش في راحه وسباتي
ويا الذي عقبي لقيته
بحضر زفافك ياحياتي
بحضر زفاف الي هويته >
ماأنتهى المقطع إلا كانت غلا منهاره وجالسه تبكي بحرقه وصارت تقول بصوت كله ألم/ رجائي بهالدنيا أكون لك مو لغيرك لكن صعب أني أتنكر للناس الي جازوني
آآآآخ وينك يابوي تشوف حالتي من بعدك بدال ماأخذ الي بغيته أخذت واحد عمرك مافكرت فيه
وجلست تصيح وتبكي بغرفتها والكل كان لاهي بالزواج الي بعد يومين