حان الهداد وجـاك وقـت المقانيـص
والجـو يطرب كـل عاشـق وقنـاص
اعلاج قلبي عن دكاتـر و تشخيـص
سجــة خـلا في خــايعٍ فيـه قــراص
سبعـة نشامـاً كلــبــوهـم قوانـيـص
مامنهم اللي يوم عـن ماقفـه لاص
شـــــالـوا مزاهبهـم بدقـه وتمحيـص
اثنين جكسارات والثالـث الشـاص
غالٍ شراها ماشروا شـئ برخيـص
اعيونهم للجـزل ماجابـوا رخـاص
سروا يبون الحـد معهـم تراخيـص
يقرون عما مع تبـارك والاخـلاص
وجهة جنوب بلا علامه وتنصيـص
أربع ميه مـع كثرهـا بالتخصـاص
كلٍ يعرف الدرب في دربه بخيـص
الكل منهـم عاهـد اخـوه بخـلاص
خطلان الايـدي كلبوهـم مفاريـص
ارجال عز وعرفهـم عـن تبخّـاص
اطيبهم اللـي مـــايــــعـرف المخاليـص
يضرب على الطاغي لياجاه ماحـاص
مـــافيهم اللي عفّص الهـرج تعفيـص
ان قال جزل الهرج ماينقص انقـاص
يعطيك هرج وموجز الهرج تلخيـص
مثل الدرر لا جت من يديـن غـواص
اخير من منهو كما فيـدت اغليـص
وليا نصحته نفـّص العيـن نفـاص
وساعـة لـــــفـو لاكلبوهـم معاويـص
سوولهـم دلـه وجابوا لهـا خـلاص
واركب عشاه اللي على الطيب حرّيص
قرم على دروب الشكالات مفـراص
والصبح بالمغباش قامـو قواصيـص
كلٍ على فاله مـع الاثـر قصـاص
اناسـةٍ مامثـلها يـاقوانـيـص
هدد حرار ورمـي ماهـر وخـّراص